Liṅga Purāṇa 1.67

<ययाति रेलोअदेद्> ययातिरुवाच ब्राह्मणप्रमुखा वर्णाः सर्वे शृण्वन्तु मे वचः । ज्येष्ठं प्रति यथा राज्यं न देयं मे कथञ्चन

<Yayāti reloaded> yayātiruvāca brāhmaṇapramukhā varṇāḥ sarve śṛṇvantu me vacaḥ / jyeṣṭhaṃ prati yathā rājyaṃ na deyaṃ me kathañcana

Sanskrit only: no published translation is held for this verse.

मम ज्येष्ठेन यदुना नियोगो नानुपालितः । प्रतिकूलमतिश्चैव न स पुत्रः सतां मतः

mama jyeṣṭhena yadunā niyogo nānupālitaḥ / pratikūlamatiścaiva na sa putraḥ satāṃ mataḥ

Sanskrit only: no published translation is held for this verse.

मातापित्रोर्वचनकृत् सद्भिः पुत्रः प्रशस्यते । स पुत्रः पुत्रवद् यस् तु वर्तते मातृपितृषु

mātāpitrorvacanakṛt sadbhiḥ putraḥ praśasyate / sa putraḥ putravad yas tu vartate mātṛpitṛṣu

Sanskrit only: no published translation is held for this verse.

यदुनाहमवज्ञातस् तथा तुर्वसुनापि च । द्रुह्येन चानुना चैव मय्यवज्ञा कृता भृशम्

yadunāhamavajñātas tathā turvasunāpi ca / druhyena cānunā caiva mayyavajñā kṛtā bhṛśam

Sanskrit only: no published translation is held for this verse.

पुरुणा च कृतं वाक्यं मानितश् च विशेषतः । कनीयान्मम दायादो जरा येन धृता मम

puruṇā ca kṛtaṃ vākyaṃ mānitaś ca viśeṣataḥ / kanīyānmama dāyādo jarā yena dhṛtā mama

Sanskrit only: no published translation is held for this verse.

शुक्रेण मे समादिष्टा देवयान्याः कृते जरा । प्रार्थितेन पुनस्तेन जरा संचारिणी कृता

śukreṇa me samādiṣṭā devayānyāḥ kṛte jarā / prārthitena punastena jarā saṃcāriṇī kṛtā

Sanskrit only: no published translation is held for this verse.

शुक्रेण च वरो दत्तः काव्येनोशनसा स्वयम् । पुत्रो यस्त्वनुवर्तेत स ते राज्यधरस्त्विति

śukreṇa ca varo dattaḥ kāvyenośanasā svayam / putro yastvanuvarteta sa te rājyadharastviti

Sanskrit only: no published translation is held for this verse.

भवन्तो ऽप्यनुजानन्तु पूरू राज्ये ऽभिषिच्यते । प्रकृतय ऊचुः यः पुत्रो गुणसम्पन्नो मातापित्रोर्हितः सदा

bhavanto 'pyanujānantu pūrū rājye 'bhiṣicyate / prakṛtaya ūcuḥ yaḥ putro guṇasampanno mātāpitrorhitaḥ sadā

Sanskrit only: no published translation is held for this verse.

सर्वमर्हति कल्याणं कनीयान् अपि स प्रभुः । अर्हः पूरुरिदं राज्यं यः सुतो वाक्यकृत्तव

sarvamarhati kalyāṇaṃ kanīyān api sa prabhuḥ / arhaḥ pūruridaṃ rājyaṃ yaḥ suto vākyakṛttava

Sanskrit only: no published translation is held for this verse.

वरदानेन शुक्रस्य न शक्यं कर्तुमन्यथा । <ययाति दिस्त्रिबुतेस् थे किन्ग्दोम्> सूत उवाच एवं जानपदैस्तुष्टैर् इत्युक्तो नाहुषस्तदा

varadānena śukrasya na śakyaṃ kartumanyathā / <Yayāti distributes the kingdom> sūta uvāca evaṃ jānapadaistuṣṭair ityukto nāhuṣastadā

Sanskrit only: no published translation is held for this verse.

अभिषिच्य ततो राज्यं पूरुं स सुतम् आत्मनः । दिशि दक्षिणपूर्वस्यां तुर्वसुं पुत्रमादिशत्

abhiṣicya tato rājyaṃ pūruṃ sa sutam ātmanaḥ / diśi dakṣiṇapūrvasyāṃ turvasuṃ putramādiśat

Sanskrit only: no published translation is held for this verse.

दक्षिणायामथो राजा यदुं ज्येष्ठं न्ययोजयत् । प्रतीच्यामुत्तरस्यां तु द्रुह्युं चानुं च तावुभौ

dakṣiṇāyāmatho rājā yaduṃ jyeṣṭhaṃ nyayojayat / pratīcyāmuttarasyāṃ tu druhyuṃ cānuṃ ca tāvubhau

Sanskrit only: no published translation is held for this verse.

सप्तद्वीपां ययातिस्तु जित्वा पृथ्वीं ससागराम् । व्यभजच्च त्रिधा राज्यं पुत्रेभ्यो नाहुषस्तदा

saptadvīpāṃ yayātistu jitvā pṛthvīṃ sasāgarām / vyabhajacca tridhā rājyaṃ putrebhyo nāhuṣastadā

Sanskrit only: no published translation is held for this verse.

पुत्रसंक्रामितश्रीस्तु हर्षनिर्भरमानसः । प्रीतिमानभवद्राजा भारम् आवेश्य बन्धुषु

putrasaṃkrāmitaśrīstu harṣanirbharamānasaḥ / prītimānabhavadrājā bhāram āveśya bandhuṣu

Sanskrit only: no published translation is held for this verse.

अत्र गाथा महाराज्ञा पुरा गीता ययातिना । याभिः प्रत्याहरेत् कामान् सर्वतो ऽङ्गानि कूर्मवत्

atra gāthā mahārājñā purā gītā yayātinā / yābhiḥ pratyāharet kāmān sarvato 'ṅgāni kūrmavat

Sanskrit only: no published translation is held for this verse.

ताभिर् एव नरः श्रीमान् नान्यथा कर्मकोटिकृत् । न जातु कामः कामानाम् उपभोगेन शाम्यति

tābhir eva naraḥ śrīmān nānyathā karmakoṭikṛt / na jātu kāmaḥ kāmānām upabhogena śāmyati

Sanskrit only: no published translation is held for this verse.

हविषा कृष्णवर्त्मेव भूय एवाभिवर्धते । यत्पृथिव्यां व्रीहियवं हिरण्यं पशवः स्त्रियः

haviṣā kṛṣṇavartmeva bhūya evābhivardhate / yatpṛthivyāṃ vrīhiyavaṃ hiraṇyaṃ paśavaḥ striyaḥ

Sanskrit only: no published translation is held for this verse.

नालमेकस्य तत्सर्वम् इति मत्वा शमं व्रजेत् । यदा न कुरुते भावं सर्वभूतेषु पापकम्

nālamekasya tatsarvam iti matvā śamaṃ vrajet / yadā na kurute bhāvaṃ sarvabhūteṣu pāpakam

Sanskrit only: no published translation is held for this verse.

कर्मणा मनसा वाचा ब्रह्म सम्पद्यते तदा । यदा परान्न बिभेति परे चास्मान्न बिभ्यति

karmaṇā manasā vācā brahma sampadyate tadā / yadā parānna bibheti pare cāsmānna bibhyati

Sanskrit only: no published translation is held for this verse.

यदा न निन्देन्न द्वेष्टि ब्रह्म सम्पद्यते तदा । या दुस्त्यजा दुर्मतिभिर् यानजीर्यति जीर्यतः

yadā na nindenna dveṣṭi brahma sampadyate tadā / yā dustyajā durmatibhir yānajīryati jīryataḥ

Sanskrit only: no published translation is held for this verse.

यो ऽसौ प्राणान्तिको रोगस् तां तृष्णां त्यजतः सुखम् । जीर्यन्ति जीर्यतः केशा दन्ता जीर्यन्ति जीर्यतः

yo 'sau prāṇāntiko rogas tāṃ tṛṣṇāṃ tyajataḥ sukham / jīryanti jīryataḥ keśā dantā jīryanti jīryataḥ

Sanskrit only: no published translation is held for this verse.

चक्षुःश्रोत्रे च जीर्येते तृष्णैका निरुपद्रवा । जीर्यन्ति देहिनः सर्वे स्वभावादेव नान्यथा

cakṣuḥśrotre ca jīryete tṛṣṇaikā nirupadravā / jīryanti dehinaḥ sarve svabhāvādeva nānyathā

Sanskrit only: no published translation is held for this verse.

जीविताशा धनाशा च जीर्यतो ऽपि न जीर्यते । यच्च कामसुखं लोके यच्च दिव्यं महत्सुखम्

jīvitāśā dhanāśā ca jīryato 'pi na jīryate / yacca kāmasukhaṃ loke yacca divyaṃ mahatsukham

Sanskrit only: no published translation is held for this verse.

तृष्णाक्षयसुखस्यैतत् कलां नार्हति षोडशीम् । एवमुक्त्वा स राजर्षिः सदारः प्राविशद्वनम्

tṛṣṇākṣayasukhasyaitat kalāṃ nārhati ṣoḍaśīm / evamuktvā sa rājarṣiḥ sadāraḥ prāviśadvanam

Sanskrit only: no published translation is held for this verse.

भृगुतुङ्गे तपस्तप्त्वा तत्रैव च महायशाः । साधयित्वा त्वनशनं सदारः स्वर्गमाप्तवान्

bhṛgutuṅge tapastaptvā tatraiva ca mahāyaśāḥ / sādhayitvā tvanaśanaṃ sadāraḥ svargamāptavān

Sanskrit only: no published translation is held for this verse.

तस्य वंशास्तु पञ्चैते पुण्या देवर्षिसत्कृताः । यैर्व्याप्ता पृथिवी कृत्स्ना सूर्यस्येव मरीचिभिः

tasya vaṃśāstu pañcaite puṇyā devarṣisatkṛtāḥ / yairvyāptā pṛthivī kṛtsnā sūryasyeva marīcibhiḥ

Sanskrit only: no published translation is held for this verse.

धनी प्रजावान् आयुष्मान् कीर्तिमांश् च भवेन्नरः । ययातिचरितं पुण्यं पठञ्छृण्वंश् च बुद्धिमान्

dhanī prajāvān āyuṣmān kīrtimāṃś ca bhavennaraḥ / yayāticaritaṃ puṇyaṃ paṭhañchṛṇvaṃś ca buddhimān

Sanskrit only: no published translation is held for this verse.

सर्वपापविनिर्मुक्तः शिवलोके महीयते

sarvapāpavinirmuktaḥ śivaloke mahīyate

Sanskrit only: no published translation is held for this verse.