Liṅga Purāṇa 1.70

गौरजः पूरुषो मेषो ह्य् अश्वो ऽश्वतरगर्दभौ । एतान्ग्राम्यान्पशूनाहुर् आरण्यान्वै निबोधत

gaurajaḥ pūruṣo meṣo hy aśvo 'śvataragardabhau / etāngrāmyānpaśūnāhur āraṇyānvai nibodhata

Sanskrit only: no published translation is held for this verse.

श्वापदो द्विखुरो हस्ती वानराः पक्षिपञ्चमाः । औदकाः पशवः षष्ठाः सप्तमास्तु सरीसृपाः

śvāpado dvikhuro hastī vānarāḥ pakṣipañcamāḥ / audakāḥ paśavaḥ ṣaṣṭhāḥ saptamāstu sarīsṛpāḥ

Sanskrit only: no published translation is held for this verse.

महिषा गवयाक्षाश् च प्लवंगाः शरभा वृकाः । सिंहस्तु सप्तमस्तेषाम् आरण्याः पशवः स्मृताः

mahiṣā gavayākṣāś ca plavaṃgāḥ śarabhā vṛkāḥ / siṃhastu saptamasteṣām āraṇyāḥ paśavaḥ smṛtāḥ

Sanskrit only: no published translation is held for this verse.

<च्रेअतिओन् ओफ़् सच्रिफ़िचे> गायत्रं च ऋचं चैव त्रिवृत्सामरथंतरम् । अग्निष्टोमं च यज्ञानां निर्ममे प्रथमान् मुखात्

<creation of sacrifice> gāyatraṃ ca ṛcaṃ caiva trivṛtsāmarathaṃtaram / agniṣṭomaṃ ca yajñānāṃ nirmame prathamān mukhāt

Sanskrit only: no published translation is held for this verse.

यजूंषि त्रैष्टुभं छन्द- स्तोमं पञ्चदशं तथा । बृहत्साम तथोक्थ्यं च दक्षिणादसृजन्मुखात्

yajūṃṣi traiṣṭubhaṃ chanda- stomaṃ pañcadaśaṃ tathā / bṛhatsāma tathokthyaṃ ca dakṣiṇādasṛjanmukhāt

Sanskrit only: no published translation is held for this verse.

सामानि जगतीछन्द- स्तोमं सप्तदशं तथा । वैरूपमतिरात्रं च पश्चिमादसृजन्मुखात्

sāmāni jagatīchanda- stomaṃ saptadaśaṃ tathā / vairūpamatirātraṃ ca paścimādasṛjanmukhāt

Sanskrit only: no published translation is held for this verse.

एकविंशमथर्वाणम् आप्तोर्यामाणम् एव च । अनुष्टुभं सवैराजम् उत्तरादसृजन्मुखात्

ekaviṃśamatharvāṇam āptoryāmāṇam eva ca / anuṣṭubhaṃ savairājam uttarādasṛjanmukhāt

Sanskrit only: no published translation is held for this verse.

विद्युतो ऽशनिमेघांश् च रोहितेन्द्रधनूंषि च । तेजांसि च ससर्जादौ कल्पस्य भगवान्प्रभुः

vidyuto 'śanimeghāṃś ca rohitendradhanūṃṣi ca / tejāṃsi ca sasarjādau kalpasya bhagavānprabhuḥ

Sanskrit only: no published translation is held for this verse.

उच्चावचानि भूतानि गात्रेभ्यस्तस्य जज्ञिरे । ब्रह्मणस्तु प्रजासर्गं सृजतो हि प्रजापतेः

uccāvacāni bhūtāni gātrebhyastasya jajñire / brahmaṇastu prajāsargaṃ sṛjato hi prajāpateḥ

Sanskrit only: no published translation is held for this verse.

सृष्ट्वा चतुष्टयं पूर्वं देवासुरनरान्पितॄन् । ततो ऽसृजत् स भूतानि स्थावराणि चराणि च

sṛṣṭvā catuṣṭayaṃ pūrvaṃ devāsuranarānpitṝn / tato 'sṛjat sa bhūtāni sthāvarāṇi carāṇi ca

Sanskrit only: no published translation is held for this verse.

यक्षान्पिशाचान् गन्धर्वांस् त्व् अथैवाप्सरसां गणान् । नरकिन्नररक्षांसि वयःपशुमृगोरगान्

yakṣānpiśācān gandharvāṃs tv athaivāpsarasāṃ gaṇān / narakinnararakṣāṃsi vayaḥpaśumṛgoragān

Sanskrit only: no published translation is held for this verse.

अव्ययं च व्ययं चापि यदिदं स्थाणुजङ्गमम् । तेषां वै यानि कर्माणि प्राक्सृष्ट्यां प्रतिपेदिरे

avyayaṃ ca vyayaṃ cāpi yadidaṃ sthāṇujaṅgamam / teṣāṃ vai yāni karmāṇi prāksṛṣṭyāṃ pratipedire

Sanskrit only: no published translation is held for this verse.

तान्येव प्रतिपद्यन्ते सृज्यमानाः पुनः पुनः । हिंस्राहिंस्रे मृदुक्रूरे धर्माधर्मे नृतानृते

tānyeva pratipadyante sṛjyamānāḥ punaḥ punaḥ / hiṃsrāhiṃsre mṛdukrūre dharmādharme nṛtānṛte

Sanskrit only: no published translation is held for this verse.

तद्भाविताः प्रपद्यन्ते तस्मात्तत्तस्य रोचते । महाभूतेषु सृष्टेषु इन्द्रियार्थेषु मूर्तिषु

tadbhāvitāḥ prapadyante tasmāttattasya rocate / mahābhūteṣu sṛṣṭeṣu indriyārtheṣu mūrtiṣu

Sanskrit only: no published translation is held for this verse.

विनियोगं च भूतानां धातैव व्यदधात् स्वयम् । केचित्पुरुषकारं तु प्राहुः कर्म सुमानवाः

viniyogaṃ ca bhūtānāṃ dhātaiva vyadadhāt svayam / kecitpuruṣakāraṃ tu prāhuḥ karma sumānavāḥ

Sanskrit only: no published translation is held for this verse.

दैवमित्यपरे विप्राः स्वभावं भूतचिन्तकाः । पौरुषं कर्म दैवं च फलवृत्तिस्वभावतः

daivamityapare viprāḥ svabhāvaṃ bhūtacintakāḥ / pauruṣaṃ karma daivaṃ ca phalavṛttisvabhāvataḥ

Sanskrit only: no published translation is held for this verse.

न चैकं न पृथग्भावम् अधिकं न ततो विदुः । एतदेवं च नैकं च नामभेदेन नाप्युभे

na caikaṃ na pṛthagbhāvam adhikaṃ na tato viduḥ / etadevaṃ ca naikaṃ ca nāmabhedena nāpyubhe

Sanskrit only: no published translation is held for this verse.

कर्मस्था विषमं ब्रूयुः सत्त्वस्थाः समदर्शनाः । नाम रूपं च भूतानां कृतानां च प्रपञ्चनम्

karmasthā viṣamaṃ brūyuḥ sattvasthāḥ samadarśanāḥ / nāma rūpaṃ ca bhūtānāṃ kṛtānāṃ ca prapañcanam

Sanskrit only: no published translation is held for this verse.

वेदशब्देभ्य एवादौ निर्ममे स महेश्वरः । ऋषीणां नामधेयानि याश् च वेदेषु वृत्तयः

vedaśabdebhya evādau nirmame sa maheśvaraḥ / ṛṣīṇāṃ nāmadheyāni yāś ca vedeṣu vṛttayaḥ

Sanskrit only: no published translation is held for this verse.

शर्वर्यन्ते प्रसूतानां तान्येवैभ्यो ददात्यजः । एवंविधाः सृष्टयस्तु ब्रह्मणो ऽव्यक्तजन्मनः

śarvaryante prasūtānāṃ tānyevaibhyo dadātyajaḥ / evaṃvidhāḥ sṛṣṭayastu brahmaṇo 'vyaktajanmanaḥ

Sanskrit only: no published translation is held for this verse.

शर्वर्यन्ते प्रदृश्यन्ते सिद्धिमाश्रित्य मानसीम् । एवंभूतानि सृष्टानि स्थावराणि चराणि च

śarvaryante pradṛśyante siddhimāśritya mānasīm / evaṃbhūtāni sṛṣṭāni sthāvarāṇi carāṇi ca

Sanskrit only: no published translation is held for this verse.

यदास्य ताः प्रजाः सृष्टा न व्यवर्धन्त सत्तमाः । तमोमात्रावृतो ब्रह्मा तदा शोकेन दुःखितः

yadāsya tāḥ prajāḥ sṛṣṭā na vyavardhanta sattamāḥ / tamomātrāvṛto brahmā tadā śokena duḥkhitaḥ

Sanskrit only: no published translation is held for this verse.

ततः स विदधे बुद्धिम् अर्थनिश्चयगामिनीम् । अथात्मनि समद्राक्षीत् तमोमात्रां नियामिकाम्

tataḥ sa vidadhe buddhim arthaniścayagāminīm / athātmani samadrākṣīt tamomātrāṃ niyāmikām

Sanskrit only: no published translation is held for this verse.

रजःसत्त्वं परित्यज्य वर्तमानां स्वधर्मतः । ततः स तेन दुःखेन दुःखं चक्रे जगत्पतिः

rajaḥsattvaṃ parityajya vartamānāṃ svadharmataḥ / tataḥ sa tena duḥkhena duḥkhaṃ cakre jagatpatiḥ

Sanskrit only: no published translation is held for this verse.

तमश् च व्यनुदत्पश्चाद् रजः सत्त्वं तमावृणोत् । <ओरिगिन् ओफ़् अधर्म अन्द् हिंसा> तत्तमः प्रतिनुन्नं वै मिथुनं समजायत

tamaś ca vyanudatpaścād rajaḥ sattvaṃ tamāvṛṇot / <origin of adharma and hiṃsā> tattamaḥ pratinunnaṃ vai mithunaṃ samajāyata

Sanskrit only: no published translation is held for this verse.

अधर्मस्तमसो जज्ञे हिंसा शोकादजायत । ततस्तस्मिन्समुद्भूते मिथुने दारुणात्मिके

adharmastamaso jajñe hiṃsā śokādajāyata / tatastasminsamudbhūte mithune dāruṇātmike

Sanskrit only: no published translation is held for this verse.

<शतरूपा> गतासुर् भगवान् आसीत् प्रीतिश् चैनम् अशिश्रियत् । स्वां तनुं स ततो ब्रह्मा तामपोहत भास्वराम्

<Śatarūpā> gatāsur bhagavān āsīt prītiś cainam aśiśriyat / svāṃ tanuṃ sa tato brahmā tāmapohata bhāsvarām

Sanskrit only: no published translation is held for this verse.

द्विधा कृत्वा स्वकं देहम् अर्धेन पुरुषो ऽभवत् । अर्धेन नारी सा तस्य शतरूपा व्यजायत

dvidhā kṛtvā svakaṃ deham ardhena puruṣo 'bhavat / ardhena nārī sā tasya śatarūpā vyajāyata

Sanskrit only: no published translation is held for this verse.

प्रकृतिं भूतधात्रीं तां कामाद्वै सृष्टवान्प्रभुः । सा दिवं पृथिवीं चैव महिम्ना व्याप्यधिष्ठिता

prakṛtiṃ bhūtadhātrīṃ tāṃ kāmādvai sṛṣṭavānprabhuḥ / sā divaṃ pṛthivīṃ caiva mahimnā vyāpyadhiṣṭhitā

Sanskrit only: no published translation is held for this verse.

ब्रह्मणः सा तनुः पूर्वा दिवमावृत्य तिष्ठति । या त्वर्धात्सृजतो नारी शतरूपा व्यजायत

brahmaṇaḥ sā tanuḥ pūrvā divamāvṛtya tiṣṭhati / yā tvardhātsṛjato nārī śatarūpā vyajāyata

Sanskrit only: no published translation is held for this verse.

सा देवी नियुतं तप्त्वा तपः परमदुश्चरम् । भर्तारं दीप्तयशसं पुरुषं प्रत्यपद्यत

sā devī niyutaṃ taptvā tapaḥ paramaduścaram / bhartāraṃ dīptayaśasaṃ puruṣaṃ pratyapadyata

Sanskrit only: no published translation is held for this verse.

स वै स्वायंभुवः पूर्वं पुरुषो मनुरुच्यते । तस्यैव सप्ततियुगं मन्वन्तरमिहोच्यते

sa vai svāyaṃbhuvaḥ pūrvaṃ puruṣo manurucyate / tasyaiva saptatiyugaṃ manvantaramihocyate

Sanskrit only: no published translation is held for this verse.

लेभे स पुरुषः पत्नीं शतरूपाम् अयोनिजाम् । तया सार्धं स रमते तस्मात्सा रतिरुच्यते

lebhe sa puruṣaḥ patnīṃ śatarūpām ayonijām / tayā sārdhaṃ sa ramate tasmātsā ratirucyate

Sanskrit only: no published translation is held for this verse.

प्रथमः संप्रयोगात्मा कल्पादौ समपद्यत । <मनु च्रेअतेस् थे च्रेअतुरेस्> विराजम् असृजद् ब्रह्मा सो ऽभवत् पुरुषो विराट्

prathamaḥ saṃprayogātmā kalpādau samapadyata / <Manu creates the creatures> virājam asṛjad brahmā so 'bhavat puruṣo virāṭ

Sanskrit only: no published translation is held for this verse.

सम्राट् च शतरूपा वै वैराजः स मनुः स्मृतः । स वैराजः प्रजासर्गं ससर्ज पुरुषो मनुः

samrāṭ ca śatarūpā vai vairājaḥ sa manuḥ smṛtaḥ / sa vairājaḥ prajāsargaṃ sasarja puruṣo manuḥ

Sanskrit only: no published translation is held for this verse.

वैराजात्पुरुषाद् वीराच् छतरूपा व्यजायत । प्रियव्रतोत्तानपादौ पुत्रौ द्वौ लोकसंमतौ

vairājātpuruṣād vīrāc chatarūpā vyajāyata / priyavratottānapādau putrau dvau lokasaṃmatau

Sanskrit only: no published translation is held for this verse.

कन्ये द्वे च महाभागे याभ्यां जाता इमाः प्रजाः । देवी नाम तथाकूतिः प्रसूतिश्चैव ते उभे

kanye dve ca mahābhāge yābhyāṃ jātā imāḥ prajāḥ / devī nāma tathākūtiḥ prasūtiścaiva te ubhe

Sanskrit only: no published translation is held for this verse.

स्वायंभुवः प्रसूतिं तु दक्षाय प्रददौ प्रभुः । प्राणो दक्ष इति ज्ञेयः संकल्पो मनुरुच्यते

svāyaṃbhuvaḥ prasūtiṃ tu dakṣāya pradadau prabhuḥ / prāṇo dakṣa iti jñeyaḥ saṃkalpo manurucyate

Sanskrit only: no published translation is held for this verse.

रुचेः प्रजापतेः सो ऽथ आकूतिं प्रत्यपादयत् । आकूत्यां मिथुनं जज्ञे मानसस्य रुचेः शुभम्

ruceḥ prajāpateḥ so 'tha ākūtiṃ pratyapādayat / ākūtyāṃ mithunaṃ jajñe mānasasya ruceḥ śubham

Sanskrit only: no published translation is held for this verse.

यज्ञश् च दक्षिणा चैव यमलौ संबभूवतुः । यज्ञस्य दक्षिणायां तु पुत्रा द्वादश जज्ञिरे

yajñaś ca dakṣiṇā caiva yamalau saṃbabhūvatuḥ / yajñasya dakṣiṇāyāṃ tu putrā dvādaśa jajñire

Sanskrit only: no published translation is held for this verse.

यामा इति समाख्याता देवाः स्वायंभुवे ऽन्तरे । एतस्य पुत्रा यज्ञस्य तस्माद्यामाश् च ते स्मृताः

yāmā iti samākhyātā devāḥ svāyaṃbhuve 'ntare / etasya putrā yajñasya tasmādyāmāś ca te smṛtāḥ

Sanskrit only: no published translation is held for this verse.

अजितश्चैव शुक्रश् च गणौ द्वौ ब्रह्मणा कृतौ । यामाः पूर्वं प्रजाता ये ते ऽभवंस्तु दिवौकसः

ajitaścaiva śukraś ca gaṇau dvau brahmaṇā kṛtau / yāmāḥ pūrvaṃ prajātā ye te 'bhavaṃstu divaukasaḥ

Sanskrit only: no published translation is held for this verse.

स्वायंभुवसुतायां तु प्रसूत्यां लोकमातरः । तस्यां कन्याश्चतुर्विंशद् दक्षस् त्वजनयत् प्रभुः

svāyaṃbhuvasutāyāṃ tu prasūtyāṃ lokamātaraḥ / tasyāṃ kanyāścaturviṃśad dakṣas tvajanayat prabhuḥ

Sanskrit only: no published translation is held for this verse.

सर्वास्ताश् च महाभागाः सर्वाः कमललोचनाः । भोगवत्यश् च ताः सर्वाः सर्वास्ता योगमातरः

sarvāstāś ca mahābhāgāḥ sarvāḥ kamalalocanāḥ / bhogavatyaś ca tāḥ sarvāḥ sarvāstā yogamātaraḥ

Sanskrit only: no published translation is held for this verse.

सर्वाश् च ब्रह्मवादिन्यः सर्वा विश्वस्य मातरः । श्रद्धा लक्ष्मीर्धृतिस्तुष्टिः पुष्टिर्मेधा क्रिया तथा

sarvāś ca brahmavādinyaḥ sarvā viśvasya mātaraḥ / śraddhā lakṣmīrdhṛtistuṣṭiḥ puṣṭirmedhā kriyā tathā

Sanskrit only: no published translation is held for this verse.

बुद्धिर्लज्जा वपुः शान्तिः सिद्धिः कीर्तिस्त्रयोदश । पत्न्यर्थं प्रतिजग्राह धर्मो दाक्षायणीः प्रभुः

buddhirlajjā vapuḥ śāntiḥ siddhiḥ kīrtistrayodaśa / patnyarthaṃ pratijagrāha dharmo dākṣāyaṇīḥ prabhuḥ

Sanskrit only: no published translation is held for this verse.

दाराण्येतानि वै तस्य विहितानि स्वयंभुवा । ताभ्यः शिष्टायवीयस्य एकादश सुलोचनाः

dārāṇyetāni vai tasya vihitāni svayaṃbhuvā / tābhyaḥ śiṣṭāyavīyasya ekādaśa sulocanāḥ

Sanskrit only: no published translation is held for this verse.

<दौघ्तेर्स् अन्द् ग्रन्द्छिल्द्रेन् ओफ़् दक्ष> सती ख्यात्यथ संभूतिः स्मृतिः प्रीतिः क्षमा तथा । संनतिश्चानसूया च ऊर्जा स्वाहा स्वधा तथा

<daughters and grandchildren of Dakṣa> satī khyātyatha saṃbhūtiḥ smṛtiḥ prītiḥ kṣamā tathā / saṃnatiścānasūyā ca ūrjā svāhā svadhā tathā

Sanskrit only: no published translation is held for this verse.

तास् तथा प्रत्यपद्यन्त पुनरन्ये महर्षयः । रुद्रो भृगुर् मरीचिश् च अङ्गिराः पुलहः क्रतुः

tās tathā pratyapadyanta punaranye maharṣayaḥ / rudro bhṛgur marīciś ca aṅgirāḥ pulahaḥ kratuḥ

Sanskrit only: no published translation is held for this verse.

पुलस्त्यो ऽत्रिर् वसिष्ठश् च पितरो ऽग्निस्तथैव च । सतीं भवाय प्रायच्छत् ख्यातिं च भृगवे ततः

pulastyo 'trir vasiṣṭhaś ca pitaro 'gnistathaiva ca / satīṃ bhavāya prāyacchat khyātiṃ ca bhṛgave tataḥ

Sanskrit only: no published translation is held for this verse.

मरीचये च संभूतिं स्मृतिमङ्गिरसे ददौ । प्रीतिं चैव पुलस्त्याय क्षमां वै पुलहाय च

marīcaye ca saṃbhūtiṃ smṛtimaṅgirase dadau / prītiṃ caiva pulastyāya kṣamāṃ vai pulahāya ca

Sanskrit only: no published translation is held for this verse.

क्रतवे संनतिं नाम अनसूयां तथात्रये । ऊर्जां ददौ वसिष्ठाय स्वाहामप्यग्नये ददौ

kratave saṃnatiṃ nāma anasūyāṃ tathātraye / ūrjāṃ dadau vasiṣṭhāya svāhāmapyagnaye dadau

Sanskrit only: no published translation is held for this verse.

स्वधां चैव पितृभ्यस्तु तास्वपत्या निबोधत । एताः सर्वा महाभागाः प्रजास्वनुसृताः स्थिताः

svadhāṃ caiva pitṛbhyastu tāsvapatyā nibodhata / etāḥ sarvā mahābhāgāḥ prajāsvanusṛtāḥ sthitāḥ

Sanskrit only: no published translation is held for this verse.

मन्वन्तरेषु सर्वेषु यावदाभूतसंप्लवम् । श्रद्धा कामं विजज्ञे वै दर्पो लक्ष्मीसुतः स्मृतः

manvantareṣu sarveṣu yāvadābhūtasaṃplavam / śraddhā kāmaṃ vijajñe vai darpo lakṣmīsutaḥ smṛtaḥ

Sanskrit only: no published translation is held for this verse.

धृत्यास्तु नियमः पुत्रस् तुष्ट्याः संतोष एव च । पुष्ट्या लोभः सुतश्चापि मेधापुत्रः श्रुतस् तथा

dhṛtyāstu niyamaḥ putras tuṣṭyāḥ saṃtoṣa eva ca / puṣṭyā lobhaḥ sutaścāpi medhāputraḥ śrutas tathā

Sanskrit only: no published translation is held for this verse.

क्रियायामभवत्पुत्रो दण्डः समय एव च । बुद्ध्यां बोधः सुतस् तद्वत् प्रमादो ऽप्युपजायत

kriyāyāmabhavatputro daṇḍaḥ samaya eva ca / buddhyāṃ bodhaḥ sutas tadvat pramādo 'pyupajāyata

Sanskrit only: no published translation is held for this verse.

लज्जायां विनयः पुत्रो व्यवसायो वसोः सुतः । क्षेमः शान्तिसुतश्चापि सुखं सिद्धेर्व्यजायत

lajjāyāṃ vinayaḥ putro vyavasāyo vasoḥ sutaḥ / kṣemaḥ śāntisutaścāpi sukhaṃ siddhervyajāyata

Sanskrit only: no published translation is held for this verse.

यशः कीर्तिसुतश्चापि इत्येते धर्मसूनवः । कामस्य हर्षः पुत्रो वै देव्यां प्रीत्यां व्यजायत

yaśaḥ kīrtisutaścāpi ityete dharmasūnavaḥ / kāmasya harṣaḥ putro vai devyāṃ prītyāṃ vyajāyata

Sanskrit only: no published translation is held for this verse.

इत्येष वै सुतोदर्कः सर्गो धर्मस्य कीर्तितः । जज्ञे हिंसा त्वधर्माद्वै निकृतिं चानृतं सुतम्

ityeṣa vai sutodarkaḥ sargo dharmasya kīrtitaḥ / jajñe hiṃsā tvadharmādvai nikṛtiṃ cānṛtaṃ sutam

Sanskrit only: no published translation is held for this verse.

निकृत्यां तु द्वयं जज्ञे भयं नरक एव च । माया च वेदना चापि मिथुनद्वयमेतयोः

nikṛtyāṃ tu dvayaṃ jajñe bhayaṃ naraka eva ca / māyā ca vedanā cāpi mithunadvayametayoḥ

Sanskrit only: no published translation is held for this verse.

भूयो जज्ञे ऽथ वै माया मृत्युं भूतापहारिणम् । वेदनायाः सुतश्चापि दुःखं जज्ञे च रौरवः

bhūyo jajñe 'tha vai māyā mṛtyuṃ bhūtāpahāriṇam / vedanāyāḥ sutaścāpi duḥkhaṃ jajñe ca rauravaḥ

Sanskrit only: no published translation is held for this verse.

मृत्योर् व्याधिजराशोक- क्रोधासूयाश् च जज्ञिरे । दुःखोत्तराः सुता ह्येते सर्वे चाधर्मलक्षणाः

mṛtyor vyādhijarāśoka- krodhāsūyāś ca jajñire / duḥkhottarāḥ sutā hyete sarve cādharmalakṣaṇāḥ

Sanskrit only: no published translation is held for this verse.

नैषां भार्यास्तु पुत्राश् च सर्वे ह्येते परिग्रहाः । इत्येष तामसः सर्गो जज्ञे धर्मनियामकः

naiṣāṃ bhāryāstu putrāś ca sarve hyete parigrahāḥ / ityeṣa tāmasaḥ sargo jajñe dharmaniyāmakaḥ

Sanskrit only: no published translation is held for this verse.

<शिव च्रेअतेस् मेन्तल् + इम्मोर्तल् सोन्स् = रुद्रस्> प्रजाः सृजेति व्यादिष्टो ब्रह्मणा नीललोहितः । सो ऽभिध्याय सतीं भार्यां निर्ममे ह्यात्मसंभवान्

<Śiva creates mental + immortal sons = Rudras> prajāḥ sṛjeti vyādiṣṭo brahmaṇā nīlalohitaḥ / so 'bhidhyāya satīṃ bhāryāṃ nirmame hyātmasaṃbhavān

Sanskrit only: no published translation is held for this verse.

नाधिकान्न च हीनांस्तान् मानसानात्मनः समान् । सहस्रं हि सहस्राणां सो ऽसृजत् कृत्तिवाससः

nādhikānna ca hīnāṃstān mānasānātmanaḥ samān / sahasraṃ hi sahasrāṇāṃ so 'sṛjat kṛttivāsasaḥ

Sanskrit only: no published translation is held for this verse.

तुल्यानेवात्मनः सर्वान् रूपतेजोबलश्रुतैः । पिङ्गलान्सनिषङ्गांश् च सकपर्दान्सलोहितान्

tulyānevātmanaḥ sarvān rūpatejobalaśrutaiḥ / piṅgalānsaniṣaṅgāṃś ca sakapardānsalohitān

Sanskrit only: no published translation is held for this verse.

विशिष्टान् हरिकेशांश् च दृष्टिघ्नांश् च कपालिनः । महारूपान्विरूपांश् च विश्वरूपान् स्वरूपिणः

viśiṣṭān harikeśāṃś ca dṛṣṭighnāṃś ca kapālinaḥ / mahārūpānvirūpāṃś ca viśvarūpān svarūpiṇaḥ

Sanskrit only: no published translation is held for this verse.

रथिनश्चर्मिणश्चैव वर्मिणश् च वरूथिनः । सहस्रशतबाहूंश् च दिव्यान् भौमान्तरिक्षगान्

rathinaścarmiṇaścaiva varmiṇaś ca varūthinaḥ / sahasraśatabāhūṃś ca divyān bhaumāntarikṣagān

Sanskrit only: no published translation is held for this verse.

स्थूलशीर्षान् अष्टदंष्ट्रान् द्विजिह्वांस् तांस् त्रिलोचनान् । अन्नादान् पिशिताशांश् च आज्यपान्सोमपानपि

sthūlaśīrṣān aṣṭadaṃṣṭrān dvijihvāṃs tāṃs trilocanān / annādān piśitāśāṃś ca ājyapānsomapānapi

Sanskrit only: no published translation is held for this verse.

मीढुषो ऽतिकपालांश् च शितिकण्ठोर्ध्वरेतसः । हव्यादाञ्छ्रुतधर्मांश् च धर्मिणो ह्यथ बर्हिणः

mīḍhuṣo 'tikapālāṃś ca śitikaṇṭhordhvaretasaḥ / havyādāñchrutadharmāṃś ca dharmiṇo hyatha barhiṇaḥ

Sanskrit only: no published translation is held for this verse.

आसीनान्धावतश्चैव पञ्चभूतान्सहस्रशः । अध्यापिनो ऽध्यायिनश् च जपतो युञ्जतस् तथा

āsīnāndhāvataścaiva pañcabhūtānsahasraśaḥ / adhyāpino 'dhyāyinaś ca japato yuñjatas tathā

Sanskrit only: no published translation is held for this verse.

धूमवन्तो ज्वलन्तश् च नदीमन्तो ऽतिदीप्तिनः । वृद्धान्बुद्धिमतश्चैव ब्रह्मिष्ठाञ्शुभदर्शनान्

dhūmavanto jvalantaś ca nadīmanto 'tidīptinaḥ / vṛddhānbuddhimataścaiva brahmiṣṭhāñśubhadarśanān

Sanskrit only: no published translation is held for this verse.

नीलग्रीवान् सहस्राक्षान् सर्वांश्चाथ क्षमाकरान् । अदृश्यान्सर्वभूतानां महायोगान्महौजसः

nīlagrīvān sahasrākṣān sarvāṃścātha kṣamākarān / adṛśyānsarvabhūtānāṃ mahāyogānmahaujasaḥ

Sanskrit only: no published translation is held for this verse.

भ्रमन्तो ऽभिद्रवन्तश् च प्लवन्तश् च सहस्रशः । अयातयामान् असृजद् रुद्रानेतान् सुरोत्तमान्

bhramanto 'bhidravantaś ca plavantaś ca sahasraśaḥ / ayātayāmān asṛjad rudrānetān surottamān

Sanskrit only: no published translation is held for this verse.

ब्रह्मा दृष्ट्वाब्रवीदेनं मास्राक्षीरीदृशीः प्रजाः । स्रष्टव्या नात्मनस्तुल्याः प्रजा देव नमो ऽस्तु ते

brahmā dṛṣṭvābravīdenaṃ māsrākṣīrīdṛśīḥ prajāḥ / sraṣṭavyā nātmanastulyāḥ prajā deva namo 'stu te

Sanskrit only: no published translation is held for this verse.

अन्याः सृज त्वं भद्रं ते प्रजा वै मृत्युसंयुताः । नारप्स्यन्ते हि कर्माणि प्रजावगतमृत्यवः

anyāḥ sṛja tvaṃ bhadraṃ te prajā vai mṛtyusaṃyutāḥ / nārapsyante hi karmāṇi prajāvagatamṛtyavaḥ

Sanskrit only: no published translation is held for this verse.

एवमुक्तो ऽब्रवीदेनं नाहं मृत्युजरान्विताः । प्रजाः स्रक्ष्यामि भद्रं ते स्थितो ऽहं त्वं सृज प्रजाः

evamukto 'bravīdenaṃ nāhaṃ mṛtyujarānvitāḥ / prajāḥ srakṣyāmi bhadraṃ te sthito 'haṃ tvaṃ sṛja prajāḥ

Sanskrit only: no published translation is held for this verse.

एते ये वै मया सृष्टा विरूपा नीललोहिताः । सहस्राणां सहस्रं तु आत्मनो निःसृताः प्रजाः

ete ye vai mayā sṛṣṭā virūpā nīlalohitāḥ / sahasrāṇāṃ sahasraṃ tu ātmano niḥsṛtāḥ prajāḥ

Sanskrit only: no published translation is held for this verse.

एते देवा भविष्यन्ति रुद्रा नाम महाबलाः । पृथिव्यामन्तरिक्षे च दिक्षु चैव परिश्रिताः

ete devā bhaviṣyanti rudrā nāma mahābalāḥ / pṛthivyāmantarikṣe ca dikṣu caiva pariśritāḥ

Sanskrit only: no published translation is held for this verse.

शतरुद्राः समात्मानो भविष्यन्तीति याज्ञिकाः । यज्ञभाजो भविष्यन्ति सर्वदेवगणैः सह

śatarudrāḥ samātmāno bhaviṣyantīti yājñikāḥ / yajñabhājo bhaviṣyanti sarvadevagaṇaiḥ saha

Sanskrit only: no published translation is held for this verse.

मन्वन्तरेषु ये देवा भविष्यन्तीह भेदतः । सार्धं तैर् ईज्यमानास् ते स्थास्यन्तीह आ युगक्षयात्

manvantareṣu ye devā bhaviṣyantīha bhedataḥ / sārdhaṃ tair ījyamānās te sthāsyantīha ā yugakṣayāt

Sanskrit only: no published translation is held for this verse.

एवमुक्तस्तदा ब्रह्मा महादेवेन धीमता । प्रत्युवाच नमस्कृत्य हृष्यमाणः प्रजापतिः

evamuktastadā brahmā mahādevena dhīmatā / pratyuvāca namaskṛtya hṛṣyamāṇaḥ prajāpatiḥ

Sanskrit only: no published translation is held for this verse.

एवं भवतु भद्रं ते यथा ते व्याहृतं विभो । ब्रह्मणा समनुज्ञाते तथा सर्वमभूत्किल

evaṃ bhavatu bhadraṃ te yathā te vyāhṛtaṃ vibho / brahmaṇā samanujñāte tathā sarvamabhūtkila

Sanskrit only: no published translation is held for this verse.

ततः प्रभृति देवेशो न चासूयत वै प्रजाः । ऊर्ध्वरेताः स्थितः स्थाणुर् यावदाभूतसंप्लवम्

tataḥ prabhṛti deveśo na cāsūyata vai prajāḥ / ūrdhvaretāḥ sthitaḥ sthāṇur yāvadābhūtasaṃplavam

Sanskrit only: no published translation is held for this verse.

यस्मादुक्तः स्थितो ऽस्मीति तस्मात्स्थाणुरिति स्मृतः । <शिव त्रन्स्फ़ोर्म्स् इन्तो अर्धनारीश्वर> एष देवो महादेवः पुरुषो ऽर्कसमद्युतिः

yasmāduktaḥ sthito 'smīti tasmātsthāṇuriti smṛtaḥ / <Śiva transforms into Ardhanārīśvara> eṣa devo mahādevaḥ puruṣo 'rkasamadyutiḥ

Sanskrit only: no published translation is held for this verse.

अर्धनारीनरवपुस् तेजसा ज्वलनोपमः । स्वेच्छयासौ द्विधाभूतः पृथक् स्त्री पुरुषः पृथक्

ardhanārīnaravapus tejasā jvalanopamaḥ / svecchayāsau dvidhābhūtaḥ pṛthak strī puruṣaḥ pṛthak

Sanskrit only: no published translation is held for this verse.

स एवैकादशार्धेन स्थितो ऽसौ परमेश्वरः । तत्र या सा महाभागा शङ्करस्यार्धकायिनी

sa evaikādaśārdhena sthito 'sau parameśvaraḥ / tatra yā sā mahābhāgā śaṅkarasyārdhakāyinī

Sanskrit only: no published translation is held for this verse.

प्रागुक्ता तु महादेवी स्त्री सैवेह सती ह्यभूत् । हिताय जगतां देवी दक्षेणाराधिता पुरा

prāguktā tu mahādevī strī saiveha satī hyabhūt / hitāya jagatāṃ devī dakṣeṇārādhitā purā

Sanskrit only: no published translation is held for this verse.

<फ़ोर्म्स् ओफ़् देवी।दुर्गा> कार्यार्थं दक्षिणं तस्याः शुक्लं वामं तथासितम् । आत्मानं विभजस्वेति प्रोक्ता देवेन शंभुना

<forms of Devī/Durgā> kāryārthaṃ dakṣiṇaṃ tasyāḥ śuklaṃ vāmaṃ tathāsitam / ātmānaṃ vibhajasveti proktā devena śaṃbhunā

Sanskrit only: no published translation is held for this verse.

सा तथोक्ता द्विधाभूता शुक्ला कृष्णा च वै द्विजाः । तस्या नामानि वक्ष्यामि शृण्वन्तु च समाहिताः

sā tathoktā dvidhābhūtā śuklā kṛṣṇā ca vai dvijāḥ / tasyā nāmāni vakṣyāmi śṛṇvantu ca samāhitāḥ

Sanskrit only: no published translation is held for this verse.

स्वाहा स्वधा महाविद्या मेधा लक्ष्मीः सरस्वती । सती दाक्षायणी विद्या इच्छाशक्तिः क्रियात्मिका

svāhā svadhā mahāvidyā medhā lakṣmīḥ sarasvatī / satī dākṣāyaṇī vidyā icchāśaktiḥ kriyātmikā

Sanskrit only: no published translation is held for this verse.

अपर्णा चैकपर्णा च तथा चैवैकपाटला । उमा हैमवती चैव कल्याणी चैकमातृका

aparṇā caikaparṇā ca tathā caivaikapāṭalā / umā haimavatī caiva kalyāṇī caikamātṛkā

Sanskrit only: no published translation is held for this verse.

ख्यातिः प्रज्ञा महाभागा लोके गौरीति विश्रुता । गणांबिका महादेवी नन्दिनी जातवेदसी

khyātiḥ prajñā mahābhāgā loke gaurīti viśrutā / gaṇāṃbikā mahādevī nandinī jātavedasī

Sanskrit only: no published translation is held for this verse.

एकरूपमथैतस्याः पृथग्देहविभावनात् । सावित्री वरदा पुण्या पावनी लोकविश्रुता

ekarūpamathaitasyāḥ pṛthagdehavibhāvanāt / sāvitrī varadā puṇyā pāvanī lokaviśrutā

Sanskrit only: no published translation is held for this verse.

आज्ञा आवेशनी कृष्णा तामसी सात्त्विकी शिवा । प्रकृतिर्विकृता रौद्री दुर्गा भद्रा प्रमाथिनी

ājñā āveśanī kṛṣṇā tāmasī sāttvikī śivā / prakṛtirvikṛtā raudrī durgā bhadrā pramāthinī

Sanskrit only: no published translation is held for this verse.

कालरात्रिर्महामाया रेवती भूतनायिका । द्वापरान्तविभागे च नामानीमानि सुव्रताः

kālarātrirmahāmāyā revatī bhūtanāyikā / dvāparāntavibhāge ca nāmānīmāni suvratāḥ

Sanskrit only: no published translation is held for this verse.

गौतमी कौशिकी चार्या चण्डी कात्यायनी सती । कुमारी यादवी देवी वरदा कृष्णपिङ्गला

gautamī kauśikī cāryā caṇḍī kātyāyanī satī / kumārī yādavī devī varadā kṛṣṇapiṅgalā

Sanskrit only: no published translation is held for this verse.

बर्हिध्वजा शूलधरा परमा ब्रह्मचारिणी । महेन्द्रोपेन्द्रभगिनी दृषद्वत्य् एकशूलधृक्

barhidhvajā śūladharā paramā brahmacāriṇī / mahendropendrabhaginī dṛṣadvaty ekaśūladhṛk

Sanskrit only: no published translation is held for this verse.

अपराजिता बहुभुजा प्रगल्भा सिंहवाहिनी । शुम्भादिदैत्यहन्त्री च महामहिषमर्दिनी

aparājitā bahubhujā pragalbhā siṃhavāhinī / śumbhādidaityahantrī ca mahāmahiṣamardinī

Sanskrit only: no published translation is held for this verse.

अमोघा विन्ध्यनिलया विक्रान्ता गणनायिका । देव्या नामविकाराणि इत्येतानि यथाक्रमम्

amoghā vindhyanilayā vikrāntā gaṇanāyikā / devyā nāmavikārāṇi ityetāni yathākramam

Sanskrit only: no published translation is held for this verse.

भद्रकाल्या मयोक्तानि सम्यक्फलप्रदानि च । ये पठन्ति नरास्तेषां विद्यते न च पातकम्

bhadrakālyā mayoktāni samyakphalapradāni ca / ye paṭhanti narāsteṣāṃ vidyate na ca pātakam

Sanskrit only: no published translation is held for this verse.

अरण्ये पर्वते वापि पुरे वाप्यथवा गृहे । रक्षामेतां प्रयुञ्जीत जले वाथ स्थले ऽपि वा

araṇye parvate vāpi pure vāpyathavā gṛhe / rakṣāmetāṃ prayuñjīta jale vātha sthale 'pi vā

Sanskrit only: no published translation is held for this verse.

व्याघ्रकुम्भीनचोरेभ्यो भयस्थाने विशेषतः । आपत्स्वपि च सर्वासु देव्या नामानि कीर्तयेत्

vyāghrakumbhīnacorebhyo bhayasthāne viśeṣataḥ / āpatsvapi ca sarvāsu devyā nāmāni kīrtayet

Sanskrit only: no published translation is held for this verse.

आर्यकग्रहभूतैश् च पूतनामातृभिस् तथा । अभ्यर्दितानां बालानां रक्षामेतां प्रयोजयेत्

āryakagrahabhūtaiś ca pūtanāmātṛbhis tathā / abhyarditānāṃ bālānāṃ rakṣāmetāṃ prayojayet

Sanskrit only: no published translation is held for this verse.

महादेवीकले द्वे तु प्रज्ञा श्रीश् च प्रकीर्तिते । आभ्यां देवीसहस्राणि यैर्व्याप्तमखिलं जगत्

mahādevīkale dve tu prajñā śrīś ca prakīrtite / ābhyāṃ devīsahasrāṇi yairvyāptamakhilaṃ jagat

Sanskrit only: no published translation is held for this verse.

अनया देवदेवो ऽसौ सत्या रुद्रो महेश्वरः । आतिष्ठत्सर्वलोकानां हिताय परमेश्वरः

anayā devadevo 'sau satyā rudro maheśvaraḥ / ātiṣṭhatsarvalokānāṃ hitāya parameśvaraḥ

Sanskrit only: no published translation is held for this verse.

रुद्रः पशुपतिश्चासीत् पुरा दग्धं पुरत्रयम् । देवाश् च पशवः सर्वे बभूवुस्तस्य तेजसा

rudraḥ paśupatiścāsīt purā dagdhaṃ puratrayam / devāś ca paśavaḥ sarve babhūvustasya tejasā

Sanskrit only: no published translation is held for this verse.

यः पठेच्छृणुयाद्वापि आदिसर्गक्रमं शुभम् । स याति ब्रह्मणो लोकं श्रावयेद्वा द्विजोत्तमान्

yaḥ paṭhecchṛṇuyādvāpi ādisargakramaṃ śubham / sa yāti brahmaṇo lokaṃ śrāvayedvā dvijottamān

Sanskrit only: no published translation is held for this verse.