Library·Liṅga Purāṇa·1·1.98
ऋषय ऊचुः कथं देवेन वै सूत देवदेवान्महेश्वरात् । सुदर्शनाख्यं वै लब्धं वक्तुमर्हसि विष्णुना
ṛṣaya ūcuḥ kathaṃ devena vai sūta devadevānmaheśvarāt / sudarśanākhyaṃ vai labdhaṃ vaktumarhasi viṣṇunā
Sanskrit only: no published translation is held for this verse.
सूत उवाच देवानाम् असुरेन्द्राणाम् अभवच्च सुदारुणः । सर्वेषामेव भूतानां विनाशकरणो महान्
sūta uvāca devānām asurendrāṇām abhavacca sudāruṇaḥ / sarveṣāmeva bhūtānāṃ vināśakaraṇo mahān
Sanskrit only: no published translation is held for this verse.
ते देवाः शक्तिमुशलैः सायकैर्नतपर्वभिः । प्रभिद्यमानाः कुन्तैश् च दुद्रुवुर्भयविह्वलाः
te devāḥ śaktimuśalaiḥ sāyakairnataparvabhiḥ / prabhidyamānāḥ kuntaiś ca dudruvurbhayavihvalāḥ
Sanskrit only: no published translation is held for this verse.
पराजितास्तदा देवा देवदेवेश्वरं हरिम् । प्रणेमुस्तं सुरेशानं शोकसंविग्नमानसाः
parājitāstadā devā devadeveśvaraṃ harim / praṇemustaṃ sureśānaṃ śokasaṃvignamānasāḥ
Sanskrit only: no published translation is held for this verse.
तान् समीक्ष्याथ भगवान् देवदेवेश्वरो हरिः । प्रणिपत्य स्थितान्देवान् इदं वचनमब्रवीत्
tān samīkṣyātha bhagavān devadeveśvaro hariḥ / praṇipatya sthitāndevān idaṃ vacanamabravīt
Sanskrit only: no published translation is held for this verse.
वत्साः किमिति वै देवाश् च्युतालङ्कारविक्रमाः । समागताः ससंतापा वक्तुमर्हथ सुव्रताः
vatsāḥ kimiti vai devāś cyutālaṅkāravikramāḥ / samāgatāḥ sasaṃtāpā vaktumarhatha suvratāḥ
Sanskrit only: no published translation is held for this verse.
तस्य तद्वचनं श्रुत्वा तथाभूताः सुरोत्तमाः । प्रणम्याहुर्यथावृत्तं देवदेवाय विष्णवे
tasya tadvacanaṃ śrutvā tathābhūtāḥ surottamāḥ / praṇamyāhuryathāvṛttaṃ devadevāya viṣṇave
Sanskrit only: no published translation is held for this verse.
भगवन्देवदेवेश विष्णो जिष्णो जनार्दन । दानवैः पीडिताः सर्वे वयं शरणमागताः
bhagavandevadeveśa viṣṇo jiṣṇo janārdana / dānavaiḥ pīḍitāḥ sarve vayaṃ śaraṇamāgatāḥ
Sanskrit only: no published translation is held for this verse.
त्वमेव देवदेवेश गतिर्नः पुरुषोत्तम । त्वमेव परमात्मा हि त्वं पिता जगतामपि
tvameva devadeveśa gatirnaḥ puruṣottama / tvameva paramātmā hi tvaṃ pitā jagatāmapi
Sanskrit only: no published translation is held for this verse.
त्वमेव भर्ता हर्ता च भोक्ता दाता जनार्दन । हन्तुमर्हसि तस्मात्त्वं दानवान्दानवार्दन
tvameva bhartā hartā ca bhoktā dātā janārdana / hantumarhasi tasmāttvaṃ dānavāndānavārdana
Sanskrit only: no published translation is held for this verse.
दैत्याश् च वैष्णवैर्ब्राह्मै रौद्रैर्याम्यैः सुदारुणैः । कौबेरैश्चैव सौम्यैश् च नैरृत्यैर्वारुणैर्दृढैः
daityāś ca vaiṣṇavairbrāhmai raudrairyāmyaiḥ sudāruṇaiḥ / kauberaiścaiva saumyaiś ca nairṛtyairvāruṇairdṛḍhaiḥ
Sanskrit only: no published translation is held for this verse.
वायव्यैश् च तथाग्नेयैर् ऐशानैर् वार्षिकैः शुभैः । सौरै रौद्रैस् तथा भीमैः कम्पनैर् जृम्भणैर् दृढैः
vāyavyaiś ca tathāgneyair aiśānair vārṣikaiḥ śubhaiḥ / saurai raudrais tathā bhīmaiḥ kampanair jṛmbhaṇair dṛḍhaiḥ
Sanskrit only: no published translation is held for this verse.
अवध्या वरलाभात्ते सर्वे वारिजलोचन । सूर्यमण्डलसम्भूतं त्वदीयं चक्रम् उद्यतम्
avadhyā varalābhātte sarve vārijalocana / sūryamaṇḍalasambhūtaṃ tvadīyaṃ cakram udyatam
Sanskrit only: no published translation is held for this verse.
कुण्ठितं हि दधीचेन च्यावनेन जगद्गुरो । दण्डं शार्ङ्गं तवास्त्रं च लब्धं दैत्यैः प्रसादतः
kuṇṭhitaṃ hi dadhīcena cyāvanena jagadguro / daṇḍaṃ śārṅgaṃ tavāstraṃ ca labdhaṃ daityaiḥ prasādataḥ
Sanskrit only: no published translation is held for this verse.
पुरा जलन्धरं हन्तुं निर्मितं त्रिपुरारिणा । रथाङ्गं सुशितं घोरं तेन तान् हन्तुम् अर्हसि
purā jalandharaṃ hantuṃ nirmitaṃ tripurāriṇā / rathāṅgaṃ suśitaṃ ghoraṃ tena tān hantum arhasi
Sanskrit only: no published translation is held for this verse.
तस्मात्तेन निहन्तव्या नान्यैः शस्त्रशतैरपि । ततो निशम्य तेषां वै वचनं वारिजेक्षणः
tasmāttena nihantavyā nānyaiḥ śastraśatairapi / tato niśamya teṣāṃ vai vacanaṃ vārijekṣaṇaḥ
Sanskrit only: no published translation is held for this verse.
वाचस्पतिमुखानाह स हरिश्चक्रभृत् स्वयम् । श्रीविष्णुर् उवाच भोभो देवा महादेवं सर्वैर् देवैः सनातनैः
vācaspatimukhānāha sa hariścakrabhṛt svayam / śrīviṣṇur uvāca bhobho devā mahādevaṃ sarvair devaiḥ sanātanaiḥ
Sanskrit only: no published translation is held for this verse.
सम्प्राप्य सांप्रतं सर्वं करिष्यामि दिवौकसाम् । देवा जलन्धरं हन्तुं निर्मितं हि पुरारिणा
samprāpya sāṃprataṃ sarvaṃ kariṣyāmi divaukasām / devā jalandharaṃ hantuṃ nirmitaṃ hi purāriṇā
Sanskrit only: no published translation is held for this verse.
लब्ध्वा रथाङ्गं तेनैव निहत्य च महासुरान् । सर्वान्धुन्धुमुखान्दैत्यान् अष्टषष्टिशतान् सुरान्
labdhvā rathāṅgaṃ tenaiva nihatya ca mahāsurān / sarvāndhundhumukhāndaityān aṣṭaṣaṣṭiśatān surān
Sanskrit only: no published translation is held for this verse.
सबान्धवान्क्षणादेव युष्मान् संतारयाम्यहम् । सूत उवाच एवम् उक्त्वा सुरश्रेष्ठान् सुरश्रेष्ठमनुस्मरन्
sabāndhavānkṣaṇādeva yuṣmān saṃtārayāmyaham / sūta uvāca evam uktvā suraśreṣṭhān suraśreṣṭhamanusmaran
Sanskrit only: no published translation is held for this verse.
सुरश्रेष्ठस्तदा श्रेष्ठं पूजयामास शङ्करम् । लिङ्गं स्थाप्य यथान्यायं हिमवच्छिखरे शुभे
suraśreṣṭhastadā śreṣṭhaṃ pūjayāmāsa śaṅkaram / liṅgaṃ sthāpya yathānyāyaṃ himavacchikhare śubhe
Sanskrit only: no published translation is held for this verse.
मेरुपर्वतसंकाशं निर्मितं विश्वकर्मणा । त्वरिताख्येन रुद्रेण रौद्रेण च जनार्दनः
meruparvatasaṃkāśaṃ nirmitaṃ viśvakarmaṇā / tvaritākhyena rudreṇa raudreṇa ca janārdanaḥ
Sanskrit only: no published translation is held for this verse.
स्नाप्य सम्पूज्य गन्धाद्यैर् ज्वालाकारं मनोरमम् । तुष्टाव च तदा रुद्रं सम्पूज्याग्नौ प्रणम्य च
snāpya sampūjya gandhādyair jvālākāraṃ manoramam / tuṣṭāva ca tadā rudraṃ sampūjyāgnau praṇamya ca
Sanskrit only: no published translation is held for this verse.
देवं नाम्नां सहस्रेण भवाद्येन यथाक्रमम् । पूजयामास च शिवं प्रणवाद्यं नमो ऽन्तकम्
devaṃ nāmnāṃ sahasreṇa bhavādyena yathākramam / pūjayāmāsa ca śivaṃ praṇavādyaṃ namo 'ntakam
Sanskrit only: no published translation is held for this verse.
देवं नाम्नां सहस्रेण भवाद्येन महेश्वरम् । प्रतिनाम स पद्मेन पूजयामास शङ्करम्
devaṃ nāmnāṃ sahasreṇa bhavādyena maheśvaram / pratināma sa padmena pūjayāmāsa śaṅkaram
Sanskrit only: no published translation is held for this verse.
अग्नौ च नामभिर् देवं भवाद्यैः समिदादिभिः । स्वाहान्तैर्विधिवद्धुत्वा प्रत्येकमयुतं प्रभुम्
agnau ca nāmabhir devaṃ bhavādyaiḥ samidādibhiḥ / svāhāntairvidhivaddhutvā pratyekamayutaṃ prabhum
Sanskrit only: no published translation is held for this verse.
तुष्टाव च पुनः शंभुं भवाद्यैर्भवमीश्वरम् । श्रीविष्णुरुवाच भवः शिवो हरो रुद्रः पुरुषः पद्मलोचनः
tuṣṭāva ca punaḥ śaṃbhuṃ bhavādyairbhavamīśvaram / śrīviṣṇuruvāca bhavaḥ śivo haro rudraḥ puruṣaḥ padmalocanaḥ
Sanskrit only: no published translation is held for this verse.
अर्थितव्यः सदाचारः सर्वशंभुर्महेश्वरः । ईश्वरः स्थाणुरीशानः सहस्राक्षः सहस्रपात्
arthitavyaḥ sadācāraḥ sarvaśaṃbhurmaheśvaraḥ / īśvaraḥ sthāṇurīśānaḥ sahasrākṣaḥ sahasrapāt
Sanskrit only: no published translation is held for this verse.
वरीयान् वरदो वन्द्यः शङ्करः परमेश्वरः । गङ्गाधरः शूलधरः परार्थैकप्रयोजनः
varīyān varado vandyaḥ śaṅkaraḥ parameśvaraḥ / gaṅgādharaḥ śūladharaḥ parārthaikaprayojanaḥ
Sanskrit only: no published translation is held for this verse.
सर्वज्ञः सर्वदेवादि- गिरिधन्वा जटाधरः । चन्द्रापीडश्चन्द्रमौलिर् विद्वान्विश्वामरेश्वरः
sarvajñaḥ sarvadevādi- giridhanvā jaṭādharaḥ / candrāpīḍaścandramaulir vidvānviśvāmareśvaraḥ
Sanskrit only: no published translation is held for this verse.
वेदान्तसारसंदोहः कपाली नीललोहितः । ध्यानाधारोपरिच्छेद्यो गौरीभर्ता गणेश्वरः
vedāntasārasaṃdohaḥ kapālī nīlalohitaḥ / dhyānādhāroparicchedyo gaurībhartā gaṇeśvaraḥ
Sanskrit only: no published translation is held for this verse.
अष्टमूर्तिर्विश्वमूर्तिस् त्रिवर्गः स्वर्गसाधनः । ज्ञानगम्यो दृढप्रज्ञो देवदेवस्त्रिलोचनः
aṣṭamūrtirviśvamūrtis trivargaḥ svargasādhanaḥ / jñānagamyo dṛḍhaprajño devadevastrilocanaḥ
Sanskrit only: no published translation is held for this verse.
वामदेवो महादेवः पाण्डुः परिदृढो दृढः । विश्वरूपो विरूपाक्षो वागीशः शुचिरन्तरः
vāmadevo mahādevaḥ pāṇḍuḥ paridṛḍho dṛḍhaḥ / viśvarūpo virūpākṣo vāgīśaḥ śucirantaraḥ
Sanskrit only: no published translation is held for this verse.
सर्वप्रणयसंवादी वृषाङ्को वृषवाहनः । ईशः पिनाकी खट्वाङ्गी चित्रवेषश्चिरन्तनः
sarvapraṇayasaṃvādī vṛṣāṅko vṛṣavāhanaḥ / īśaḥ pinākī khaṭvāṅgī citraveṣaścirantanaḥ
Sanskrit only: no published translation is held for this verse.
तमोहरो महायोगी गोप्ता ब्रह्माङ्गहृज्जटी । कालकालः कृत्तिवासाः सुभगः प्रणवात्मकः
tamoharo mahāyogī goptā brahmāṅgahṛjjaṭī / kālakālaḥ kṛttivāsāḥ subhagaḥ praṇavātmakaḥ
Sanskrit only: no published translation is held for this verse.
उन्मत्तवेषश् चक्षुष्यो दुर्वासाः स्मरशासनः । दृढायुधः स्कन्दगुरुः परमेष्ठी परायणः
unmattaveṣaś cakṣuṣyo durvāsāḥ smaraśāsanaḥ / dṛḍhāyudhaḥ skandaguruḥ parameṣṭhī parāyaṇaḥ
Sanskrit only: no published translation is held for this verse.
अनादिमध्यनिधनो गिरिशो गिरिबान्धवः । कुबेरबन्धुः श्रीकण्ठो लोकवर्णोत्तमोत्तमः
anādimadhyanidhano giriśo giribāndhavaḥ / kuberabandhuḥ śrīkaṇṭho lokavarṇottamottamaḥ
Sanskrit only: no published translation is held for this verse.
सामान्यदेवः कोदण्डी नीलकण्ठः परश्वधी । विशालाक्षो मृगव्याधः सुरेशः सूर्यतापनः
sāmānyadevaḥ kodaṇḍī nīlakaṇṭhaḥ paraśvadhī / viśālākṣo mṛgavyādhaḥ sureśaḥ sūryatāpanaḥ
Sanskrit only: no published translation is held for this verse.
धर्मकर्माक्षमः क्षेत्रं भगवान् भगनेत्रभित् । उग्रः पशुपतिस् तार्क्ष्यः प्रियभक्तः प्रियंवदः
dharmakarmākṣamaḥ kṣetraṃ bhagavān bhaganetrabhit / ugraḥ paśupatis tārkṣyaḥ priyabhaktaḥ priyaṃvadaḥ
Sanskrit only: no published translation is held for this verse.
दाता दयाकरो दक्षः कपर्दी कामशासनः । श्मशाननिलयः सूक्ष्मः श्मशानस्थो महेश्वरः
dātā dayākaro dakṣaḥ kapardī kāmaśāsanaḥ / śmaśānanilayaḥ sūkṣmaḥ śmaśānastho maheśvaraḥ
Sanskrit only: no published translation is held for this verse.
लोककर्ता भूतपतिर् महाकर्ता महौषधी । उत्तरो गोपतिर्गोप्ता ज्ञानगम्यः पुरातनः
lokakartā bhūtapatir mahākartā mahauṣadhī / uttaro gopatirgoptā jñānagamyaḥ purātanaḥ
Sanskrit only: no published translation is held for this verse.
नीतिः सुनीतिः शुद्धात्मा सोमः सोमरतः सुखी । सोमपो ऽमृतपः सोमो महानीतिर्महामतिः
nītiḥ sunītiḥ śuddhātmā somaḥ somarataḥ sukhī / somapo 'mṛtapaḥ somo mahānītirmahāmatiḥ
Sanskrit only: no published translation is held for this verse.
अजातशत्रुरालोकः संभाव्यो हव्यवाहनः । लोककारो वेदकारः सूत्रकारः सनातनः
ajātaśatrurālokaḥ saṃbhāvyo havyavāhanaḥ / lokakāro vedakāraḥ sūtrakāraḥ sanātanaḥ
Sanskrit only: no published translation is held for this verse.
महर्षिः कपिलाचार्यो विश्वदीप्तिस्त्रिलोचनः । पिनाकपाणिर् भूदेवः स्वस्तिदः स्वस्तिकृत्सदा
maharṣiḥ kapilācāryo viśvadīptistrilocanaḥ / pinākapāṇir bhūdevaḥ svastidaḥ svastikṛtsadā
Sanskrit only: no published translation is held for this verse.
त्रिधामा सौभगः शर्वः सर्वज्ञः सर्वगोचरः । ब्रह्मधृग् विश्वसृक् स्वर्गः कर्णिकारः प्रियः कविः
tridhāmā saubhagaḥ śarvaḥ sarvajñaḥ sarvagocaraḥ / brahmadhṛg viśvasṛk svargaḥ karṇikāraḥ priyaḥ kaviḥ
Sanskrit only: no published translation is held for this verse.
शाखो विशाखो गोशाखः शिवो नैकः क्रतुः समः । गङ्गाप्लवोदको भावः सकलः स्थपतिः स्थिरः
śākho viśākho gośākhaḥ śivo naikaḥ kratuḥ samaḥ / gaṅgāplavodako bhāvaḥ sakalaḥ sthapatiḥ sthiraḥ
Sanskrit only: no published translation is held for this verse.
विजितात्मा विधेयात्मा भूतवाहनसारथिः । सगणो गणकार्यश् च सुकीर्तिश् छिन्नसंशयः
vijitātmā vidheyātmā bhūtavāhanasārathiḥ / sagaṇo gaṇakāryaś ca sukīrtiś chinnasaṃśayaḥ
Sanskrit only: no published translation is held for this verse.
कामदेवः कामपालो भस्मोद्धूलितविग्रहः । भस्मप्रियो भस्मशायी कामी कान्तः कृतागमः
kāmadevaḥ kāmapālo bhasmoddhūlitavigrahaḥ / bhasmapriyo bhasmaśāyī kāmī kāntaḥ kṛtāgamaḥ
Sanskrit only: no published translation is held for this verse.
समायुक्तो निवृत्तात्मा धर्मयुक्तः सदाशिवः । चतुर्मुखश्चतुर्बाहुर् दुरावासो दुरासदः
samāyukto nivṛttātmā dharmayuktaḥ sadāśivaḥ / caturmukhaścaturbāhur durāvāso durāsadaḥ
Sanskrit only: no published translation is held for this verse.
दुर्गमो दुर्लभो दुर्गः सर्वायुधविशारदः । अध्यात्मयोगनिलयः सुतन्तुस्तन्तुवर्धनः
durgamo durlabho durgaḥ sarvāyudhaviśāradaḥ / adhyātmayoganilayaḥ sutantustantuvardhanaḥ
Sanskrit only: no published translation is held for this verse.
शुभाङ्गो लोकसारङ्गो जगदीशो ऽमृताशनः । भस्मशुद्धिकरो मेरुर् ओजस्वी शुद्धविग्रहः
śubhāṅgo lokasāraṅgo jagadīśo 'mṛtāśanaḥ / bhasmaśuddhikaro merur ojasvī śuddhavigrahaḥ
Sanskrit only: no published translation is held for this verse.
हिरण्यरेतास् तरणिर् मरीचिर् महिमालयः । महाह्रदो महागर्भः सिद्धवृन्दारवन्दितः
hiraṇyaretās taraṇir marīcir mahimālayaḥ / mahāhrado mahāgarbhaḥ siddhavṛndāravanditaḥ
Sanskrit only: no published translation is held for this verse.
व्याघ्रचर्मधरो व्याली महाभूतो महानिधिः । अमृताङ्गो ऽमृतवपुः पञ्चयज्ञः प्रभञ्जनः
vyāghracarmadharo vyālī mahābhūto mahānidhiḥ / amṛtāṅgo 'mṛtavapuḥ pañcayajñaḥ prabhañjanaḥ
Sanskrit only: no published translation is held for this verse.
पञ्चविंशतितत्त्वज्ञः पारिजातः परावरः । सुलभः सुव्रतः शूरो वाङ्मयैकनिधिर्निधिः
pañcaviṃśatitattvajñaḥ pārijātaḥ parāvaraḥ / sulabhaḥ suvrataḥ śūro vāṅmayaikanidhirnidhiḥ
Sanskrit only: no published translation is held for this verse.
वर्णाश्रमगुरुर्वर्णी शत्रुजिच्छत्रुतापनः । आश्रमः क्षपणः क्षामो ज्ञानवानचलाचलः
varṇāśramagururvarṇī śatrujicchatrutāpanaḥ / āśramaḥ kṣapaṇaḥ kṣāmo jñānavānacalācalaḥ
Sanskrit only: no published translation is held for this verse.
प्रमाणभूतो दुर्ज्ञेयः सुपर्णो वायुवाहनः । धनुर्धरो धनुर्वेदो गुणराशिर्गुणाकरः
pramāṇabhūto durjñeyaḥ suparṇo vāyuvāhanaḥ / dhanurdharo dhanurvedo guṇarāśirguṇākaraḥ
Sanskrit only: no published translation is held for this verse.
अनन्तदृष्टिरानन्दो दण्डो दमयिता दमः । अभिवाद्यो महाचार्यो विश्वकर्मा विशारदः
anantadṛṣṭirānando daṇḍo damayitā damaḥ / abhivādyo mahācāryo viśvakarmā viśāradaḥ
Sanskrit only: no published translation is held for this verse.
वीतरागो विनीतात्मा तपस्वी भूतभावनः । उन्मत्तवेषः प्रच्छन्नो जितकामो जितप्रियः
vītarāgo vinītātmā tapasvī bhūtabhāvanaḥ / unmattaveṣaḥ pracchanno jitakāmo jitapriyaḥ
Sanskrit only: no published translation is held for this verse.
कल्याणप्रकृतिः कल्पः सर्वलोकप्रजापतिः । तपस्वी तारको धीमान् प्रधानप्रभुर् अव्ययः
kalyāṇaprakṛtiḥ kalpaḥ sarvalokaprajāpatiḥ / tapasvī tārako dhīmān pradhānaprabhur avyayaḥ
Sanskrit only: no published translation is held for this verse.
लोकपालो ऽन्तर्हितात्मा कल्पादिः कमलेक्षणः । वेदशास्त्रार्थतत्त्वज्ञो नियमो नियमाश्रयः
lokapālo 'ntarhitātmā kalpādiḥ kamalekṣaṇaḥ / vedaśāstrārthatattvajño niyamo niyamāśrayaḥ
Sanskrit only: no published translation is held for this verse.
चन्द्रः सूर्यः शनिः केतुर् विरामो विद्रुमच्छविः । भक्तिगम्यः परं ब्रह्म मृगबाणार्पणो ऽनघः
candraḥ sūryaḥ śaniḥ ketur virāmo vidrumacchaviḥ / bhaktigamyaḥ paraṃ brahma mṛgabāṇārpaṇo 'naghaḥ
Sanskrit only: no published translation is held for this verse.
अद्रिराजालयः कान्तः परमात्मा जगद्गुरुः । सर्वकर्माचलस्त्वष्टा मङ्गल्यो मङ्गलावृतः
adrirājālayaḥ kāntaḥ paramātmā jagadguruḥ / sarvakarmācalastvaṣṭā maṅgalyo maṅgalāvṛtaḥ
Sanskrit only: no published translation is held for this verse.
महातपा दीर्घतपाः स्थविष्ठः स्थविरो ध्रुवः । अहः संवत्सरो व्याप्तिः प्रमाणं परमं तपः
mahātapā dīrghatapāḥ sthaviṣṭhaḥ sthaviro dhruvaḥ / ahaḥ saṃvatsaro vyāptiḥ pramāṇaṃ paramaṃ tapaḥ
Sanskrit only: no published translation is held for this verse.
संवत्सरकरो मन्त्रः प्रत्ययः सर्वदर्शनः । अजः सर्वेश्वरः स्निग्धो महारेता महाबलः
saṃvatsarakaro mantraḥ pratyayaḥ sarvadarśanaḥ / ajaḥ sarveśvaraḥ snigdho mahāretā mahābalaḥ
Sanskrit only: no published translation is held for this verse.
योगी योग्यो महारेताः सिद्धः सर्वादिर् अग्निदः । वसुर्वसुमनाः सत्यः सर्वपापहरो हरः
yogī yogyo mahāretāḥ siddhaḥ sarvādir agnidaḥ / vasurvasumanāḥ satyaḥ sarvapāpaharo haraḥ
Sanskrit only: no published translation is held for this verse.
अमृतः शाश्वतः शान्तो बाणहस्तः प्रतापवान् । कमण्डलुधरो धन्वी वेदाङ्गो वेदविन्मुनिः
amṛtaḥ śāśvataḥ śānto bāṇahastaḥ pratāpavān / kamaṇḍaludharo dhanvī vedāṅgo vedavinmuniḥ
Sanskrit only: no published translation is held for this verse.
भ्राजिष्णुर् भोजनं भोक्ता लोकनेता दुराधरः । अतीन्द्रियो महामायः सर्वावासश्चतुष्पथः
bhrājiṣṇur bhojanaṃ bhoktā lokanetā durādharaḥ / atīndriyo mahāmāyaḥ sarvāvāsaścatuṣpathaḥ
Sanskrit only: no published translation is held for this verse.
कालयोगी महानादो महोत्साहो महाबलः । महाबुद्धिर् महावीर्यो भूतचारी पुरन्दरः
kālayogī mahānādo mahotsāho mahābalaḥ / mahābuddhir mahāvīryo bhūtacārī purandaraḥ
Sanskrit only: no published translation is held for this verse.
निशाचरः प्रेतचारी महाशक्तिर् महाद्युतिः । अनिर्देश्यवपुः श्रीमान् सर्वहार्यमितो गतिः
niśācaraḥ pretacārī mahāśaktir mahādyutiḥ / anirdeśyavapuḥ śrīmān sarvahāryamito gatiḥ
Sanskrit only: no published translation is held for this verse.
बहुश्रुतो बहुमयो नियतात्मा भवोद्भवः । ओजस्तेजो द्युतिकरो नर्तकः सर्वकामकः
bahuśruto bahumayo niyatātmā bhavodbhavaḥ / ojastejo dyutikaro nartakaḥ sarvakāmakaḥ
Sanskrit only: no published translation is held for this verse.
नृत्यप्रियो नृत्यनृत्यः प्रकाशात्मा प्रतापनः । बुद्धस्पष्टाक्षरो मन्त्रः सन्मानः सारसंप्लवः
nṛtyapriyo nṛtyanṛtyaḥ prakāśātmā pratāpanaḥ / buddhaspaṣṭākṣaro mantraḥ sanmānaḥ sārasaṃplavaḥ
Sanskrit only: no published translation is held for this verse.
युगादिकृद् युगावर्तो गंभीरो वृषवाहनः । इष्टो विशिष्टः शिष्टेष्टः शरभः शरभो धनुः
yugādikṛd yugāvarto gaṃbhīro vṛṣavāhanaḥ / iṣṭo viśiṣṭaḥ śiṣṭeṣṭaḥ śarabhaḥ śarabho dhanuḥ
Sanskrit only: no published translation is held for this verse.
अपां निधिरधिष्ठानं विजयो जयकालवित् । प्रतिष्ठितः प्रमाणज्ञो हिरण्यकवचो हरिः
apāṃ nidhiradhiṣṭhānaṃ vijayo jayakālavit / pratiṣṭhitaḥ pramāṇajño hiraṇyakavaco hariḥ
Sanskrit only: no published translation is held for this verse.
विरोचनः सुरगणो विद्येशो विबुधाश्रयः । बालरूपो बलोन्माथी विवर्तो गहनो गुरुः
virocanaḥ suragaṇo vidyeśo vibudhāśrayaḥ / bālarūpo balonmāthī vivarto gahano guruḥ
Sanskrit only: no published translation is held for this verse.
करणं कारणं कर्ता सर्वबन्धविमोचनः । विद्वत्तमो वीतभयो विश्वभर्ता निशाकरः
karaṇaṃ kāraṇaṃ kartā sarvabandhavimocanaḥ / vidvattamo vītabhayo viśvabhartā niśākaraḥ
Sanskrit only: no published translation is held for this verse.
व्यवसायो व्यवस्थानः स्थानदो जगदादिजः । दुन्दुभो ललितो विश्वो भवात्मात्मनि संस्थितः
vyavasāyo vyavasthānaḥ sthānado jagadādijaḥ / dundubho lalito viśvo bhavātmātmani saṃsthitaḥ
Sanskrit only: no published translation is held for this verse.
वीरेश्वरो वीरभद्रो वीरहा वीरभृद् विराट् । वीरचूडामणिर्वेत्ता तीव्रनादो नदीधरः
vīreśvaro vīrabhadro vīrahā vīrabhṛd virāṭ / vīracūḍāmaṇirvettā tīvranādo nadīdharaḥ
Sanskrit only: no published translation is held for this verse.
आज्ञाधरस्त्रिशूली च शिपिविष्टः शिवालयः । वालखिल्यो महाचापस् तिग्मांशुर् निधिर् अव्ययः
ājñādharastriśūlī ca śipiviṣṭaḥ śivālayaḥ / vālakhilyo mahācāpas tigmāṃśur nidhir avyayaḥ
Sanskrit only: no published translation is held for this verse.
अभिरामः सुशरणः सुब्रह्मण्यः सुधापतिः । मघवान्कौशिको गोमान् विश्रामः सर्वशासनः
abhirāmaḥ suśaraṇaḥ subrahmaṇyaḥ sudhāpatiḥ / maghavānkauśiko gomān viśrāmaḥ sarvaśāsanaḥ
Sanskrit only: no published translation is held for this verse.
ललाटाक्षो विश्वदेहः सारः संसारचक्रभृत् । अमोघदण्डी मध्यस्थो हिरण्यो ब्रह्मवर्चसी
lalāṭākṣo viśvadehaḥ sāraḥ saṃsāracakrabhṛt / amoghadaṇḍī madhyastho hiraṇyo brahmavarcasī
Sanskrit only: no published translation is held for this verse.
परमार्थः परमयः शम्बरो व्याघ्रको ऽनलः । रुचिर् वररुचिर् वन्द्यो वाचस्पतिरहर्पतिः
paramārthaḥ paramayaḥ śambaro vyāghrako 'nalaḥ / rucir vararucir vandyo vācaspatiraharpatiḥ
Sanskrit only: no published translation is held for this verse.
रविर्विरोचनः स्कन्धः शास्ता वैवस्वतो जनः । युक्तिरुन्नतकीर्तिश् च शान्तरागः पराजयः
ravirvirocanaḥ skandhaḥ śāstā vaivasvato janaḥ / yuktirunnatakīrtiś ca śāntarāgaḥ parājayaḥ
Sanskrit only: no published translation is held for this verse.
कैलासपतिकामारिः सविता रविलोचनः । विद्वत्तमो वीतभयो विश्वहर्ता निवारितः
kailāsapatikāmāriḥ savitā ravilocanaḥ / vidvattamo vītabhayo viśvahartā nivāritaḥ
Sanskrit only: no published translation is held for this verse.
नित्यो नियतकल्याणः पुण्यश्रवणकीर्तनः । दूरश्रवा विश्वसहो ध्येयो दुःस्वप्ननाशनः
nityo niyatakalyāṇaḥ puṇyaśravaṇakīrtanaḥ / dūraśravā viśvasaho dhyeyo duḥsvapnanāśanaḥ
Sanskrit only: no published translation is held for this verse.
उत्तारको दुष्कृतिहा दुर्धर्षो दुःसहो ऽभयः । अनादिर्भूर्भुवोलक्ष्मीः किरीटी त्रिदशाधिपः
uttārako duṣkṛtihā durdharṣo duḥsaho 'bhayaḥ / anādirbhūrbhuvolakṣmīḥ kirīṭī tridaśādhipaḥ
Sanskrit only: no published translation is held for this verse.
विश्वगोप्ता विश्वभर्ता सुधीरो रुचिराङ्गदः । जननो जनजन्मादिः प्रीतिमान्नीतिमान्नयः
viśvagoptā viśvabhartā sudhīro rucirāṅgadaḥ / janano janajanmādiḥ prītimānnītimānnayaḥ
Sanskrit only: no published translation is held for this verse.
विशिष्टः काश्यपो भानुर् भीमो भीमपराक्रमः । प्रणवः सप्तधाचारो महाकायो महाधनुः
viśiṣṭaḥ kāśyapo bhānur bhīmo bhīmaparākramaḥ / praṇavaḥ saptadhācāro mahākāyo mahādhanuḥ
Sanskrit only: no published translation is held for this verse.
जन्माधिपो महादेवः सकलागमपारगः । तत्त्वातत्त्वविवेकात्मा विभूष्णुर् भूतिभूषणः
janmādhipo mahādevaḥ sakalāgamapāragaḥ / tattvātattvavivekātmā vibhūṣṇur bhūtibhūṣaṇaḥ
Sanskrit only: no published translation is held for this verse.
ऋषिर्ब्राह्मणविज्जिष्णुर् जन्ममृत्युजरातिगः । यज्ञो यज्ञपतिर्यज्वा यज्ञान्तो ऽमोघविक्रमः
ṛṣirbrāhmaṇavijjiṣṇur janmamṛtyujarātigaḥ / yajño yajñapatiryajvā yajñānto 'moghavikramaḥ
Sanskrit only: no published translation is held for this verse.
महेन्द्रो दुर्भरः सेनी यज्ञाङ्गो यज्ञवाहनः । पञ्चब्रह्मसमुत्पत्तिर् विश्वेशो विमलोदयः
mahendro durbharaḥ senī yajñāṅgo yajñavāhanaḥ / pañcabrahmasamutpattir viśveśo vimalodayaḥ
Sanskrit only: no published translation is held for this verse.
आत्मयोनिर् अनाद्यन्तः षड्विंशत्सप्तलोकधृक् । गायत्रीवल्लभः प्रांशुर् विश्वावासः प्रभाकरः
ātmayonir anādyantaḥ ṣaḍviṃśatsaptalokadhṛk / gāyatrīvallabhaḥ prāṃśur viśvāvāsaḥ prabhākaraḥ
Sanskrit only: no published translation is held for this verse.
शिशुर्गिरिरतः सम्राट् सुषेणः सुरशत्रुहा । अमोघो ऽरिष्टमथनो मुकुन्दो विगतज्वरः
śiśurgirirataḥ samrāṭ suṣeṇaḥ suraśatruhā / amogho 'riṣṭamathano mukundo vigatajvaraḥ
Sanskrit only: no published translation is held for this verse.
स्वयंज्योतिर् अनुज्योतिर् आत्मज्योतिर् अचञ्चलः । पिङ्गलः कपिलश्मश्रुः शास्त्रनेत्रस् त्रयीतनुः
svayaṃjyotir anujyotir ātmajyotir acañcalaḥ / piṅgalaḥ kapilaśmaśruḥ śāstranetras trayītanuḥ
Sanskrit only: no published translation is held for this verse.
ज्ञानस्कन्धो महाज्ञानी निरुत्पत्तिर् उपप्लवः । भगो विवस्वानादित्यो योगाचार्यो बृहस्पतिः
jñānaskandho mahājñānī nirutpattir upaplavaḥ / bhago vivasvānādityo yogācāryo bṛhaspatiḥ
Sanskrit only: no published translation is held for this verse.
उदारकीर्तिर् उद्योगी सद्योगी सदसन्मयः । नक्षत्रमाली राकेशः साधिष्ठानः षडाश्रयः
udārakīrtir udyogī sadyogī sadasanmayaḥ / nakṣatramālī rākeśaḥ sādhiṣṭhānaḥ ṣaḍāśrayaḥ
Sanskrit only: no published translation is held for this verse.
पवित्रपाणिः पापारिर् मणिपूरो मनोगतिः । हृत्पुण्डरीकमासीनः शुक्लः शान्तो वृषाकपिः
pavitrapāṇiḥ pāpārir maṇipūro manogatiḥ / hṛtpuṇḍarīkamāsīnaḥ śuklaḥ śānto vṛṣākapiḥ
Sanskrit only: no published translation is held for this verse.
विष्णुर्ग्रहपतिः कृष्णः समर्थो ऽनर्थनाशनः । अधर्मशत्रुरक्षय्यः पुरुहूतः पुरुष्टुतः
viṣṇurgrahapatiḥ kṛṣṇaḥ samartho 'narthanāśanaḥ / adharmaśatrurakṣayyaḥ puruhūtaḥ puruṣṭutaḥ
Sanskrit only: no published translation is held for this verse.
ब्रह्मगर्भो बृहद्गर्भो धर्मधेनुर्धनागमः । जगद्धितैषी सुगतः कुमारः कुशलागमः
brahmagarbho bṛhadgarbho dharmadhenurdhanāgamaḥ / jagaddhitaiṣī sugataḥ kumāraḥ kuśalāgamaḥ
Sanskrit only: no published translation is held for this verse.
हिरण्यवर्णो ज्योतिष्मान् नानाभूतधरो ध्वनिः । अरोगो नियमाध्यक्षो विश्वामित्रो द्विजोत्तमः
hiraṇyavarṇo jyotiṣmān nānābhūtadharo dhvaniḥ / arogo niyamādhyakṣo viśvāmitro dvijottamaḥ
Sanskrit only: no published translation is held for this verse.
बृहज्ज्योतिः सुधामा च महाज्योतिरनुत्तमः । मातामहो मातरिश्वा नभस्वान् नागहारधृक्
bṛhajjyotiḥ sudhāmā ca mahājyotiranuttamaḥ / mātāmaho mātariśvā nabhasvān nāgahāradhṛk
Sanskrit only: no published translation is held for this verse.
पुलस्त्यः पुलहो ऽगस्त्यो जातूकर्ण्यः पराशरः । निरावरणधर्मज्ञो विरिञ्चो विष्टरश्रवाः
pulastyaḥ pulaho 'gastyo jātūkarṇyaḥ parāśaraḥ / nirāvaraṇadharmajño viriñco viṣṭaraśravāḥ
Sanskrit only: no published translation is held for this verse.
आत्मभूर् अनिरुद्धो ऽत्रि- ज्ञानमूर्तिर् महायशाः । लोकचूडामणिर्वीरः चण्डसत्यपराक्रमः
ātmabhūr aniruddho 'tri- jñānamūrtir mahāyaśāḥ / lokacūḍāmaṇirvīraḥ caṇḍasatyaparākramaḥ
Sanskrit only: no published translation is held for this verse.
व्यालकल्पो महाकल्पो महावृक्षः कलाधरः । अलंकरिष्णुस् त्वचलो रोचिष्णुर्विक्रमोत्तमः
vyālakalpo mahākalpo mahāvṛkṣaḥ kalādharaḥ / alaṃkariṣṇus tvacalo rociṣṇurvikramottamaḥ
Sanskrit only: no published translation is held for this verse.
आशुशब्दपतिर्वेगी प्लवनः शिखिसारथिः । असंसृष्टो ऽतिथिः शक्रः प्रमाथी पापनाशनः
āśuśabdapatirvegī plavanaḥ śikhisārathiḥ / asaṃsṛṣṭo 'tithiḥ śakraḥ pramāthī pāpanāśanaḥ
Sanskrit only: no published translation is held for this verse.
वसुश्रवाः कव्यवाहः प्रतप्तो विश्वभोजनः । जर्यो जराधिशमनो लोहितश् च तनूनपात्
vasuśravāḥ kavyavāhaḥ pratapto viśvabhojanaḥ / jaryo jarādhiśamano lohitaś ca tanūnapāt
Sanskrit only: no published translation is held for this verse.
पृषदश्वो नभोयोनिः सुप्रतीकस् तमिस्रहा । निदाघस्तपनो मेघः पक्षः परपुरंजयः
pṛṣadaśvo nabhoyoniḥ supratīkas tamisrahā / nidāghastapano meghaḥ pakṣaḥ parapuraṃjayaḥ
Sanskrit only: no published translation is held for this verse.
मुखानिलः सुनिष्पन्नः सुरभिः शिशिरात्मकः । वसंतो माधवो ग्रीष्मो नभस्यो बीजवाहनः
mukhānilaḥ suniṣpannaḥ surabhiḥ śiśirātmakaḥ / vasaṃto mādhavo grīṣmo nabhasyo bījavāhanaḥ
Sanskrit only: no published translation is held for this verse.
अङ्गिरा मुनिरात्रेयो विमलो विश्ववाहनः । पावनः पुरुजिच्छक्रस् त्रिविद्यो नरवाहनः
aṅgirā munirātreyo vimalo viśvavāhanaḥ / pāvanaḥ purujicchakras trividyo naravāhanaḥ
Sanskrit only: no published translation is held for this verse.
मनो बुद्धिरहङ्कारः क्षेत्रज्ञः क्षेत्रपालकः । तेजोनिधिर् ज्ञाननिधिर् विपाको विघ्नकारकः
mano buddhirahaṅkāraḥ kṣetrajñaḥ kṣetrapālakaḥ / tejonidhir jñānanidhir vipāko vighnakārakaḥ
Sanskrit only: no published translation is held for this verse.
अधरो ऽनुत्तरो ज्ञेयो ज्येष्ठो निःश्रेयसालयः । शैलो नगस्तनुर्देहो दानवारिररिन्दमः
adharo 'nuttaro jñeyo jyeṣṭho niḥśreyasālayaḥ / śailo nagastanurdeho dānavārirarindamaḥ
Sanskrit only: no published translation is held for this verse.
चारुधीर् जनकश्चारु- विशल्यो लोकशल्यकृत् । चतुर्वेदश्चतुर्भावश् चतुरश्चतुरप्रियः
cārudhīr janakaścāru- viśalyo lokaśalyakṛt / caturvedaścaturbhāvaś caturaścaturapriyaḥ
Sanskrit only: no published translation is held for this verse.
आम्नायो ऽथ समाम्नायस् तीर्थदेवशिवालयः । बहुरूपो महारूपः सर्वरूपश् चराचरः
āmnāyo 'tha samāmnāyas tīrthadevaśivālayaḥ / bahurūpo mahārūpaḥ sarvarūpaś carācaraḥ
Sanskrit only: no published translation is held for this verse.
न्यायनिर्वाहको न्यायो न्यायगम्यो निरञ्जनः । सहस्रमूर्धा देवेन्द्रः सर्वशस्त्रप्रभञ्जनः
nyāyanirvāhako nyāyo nyāyagamyo nirañjanaḥ / sahasramūrdhā devendraḥ sarvaśastraprabhañjanaḥ
Sanskrit only: no published translation is held for this verse.
मुण्डो विरूपो विकृतो दण्डी दान्तो गुणोत्तमः । पिङ्गलाक्षो ऽथ हर्यक्षो नीलग्रीवो निरामयः
muṇḍo virūpo vikṛto daṇḍī dānto guṇottamaḥ / piṅgalākṣo 'tha haryakṣo nīlagrīvo nirāmayaḥ
Sanskrit only: no published translation is held for this verse.
सहस्रबाहुः सर्वेशः शरण्यः सर्वलोकभृत् । पद्मासनः परं ज्योतिः परावरं परं फलम्
sahasrabāhuḥ sarveśaḥ śaraṇyaḥ sarvalokabhṛt / padmāsanaḥ paraṃ jyotiḥ parāvaraṃ paraṃ phalam
Sanskrit only: no published translation is held for this verse.
पद्मगर्भो महागर्भो विश्वगर्भो विचक्षणः । परावरज्ञो बीजेशः सुमुखः सुमहास्वनः
padmagarbho mahāgarbho viśvagarbho vicakṣaṇaḥ / parāvarajño bījeśaḥ sumukhaḥ sumahāsvanaḥ
Sanskrit only: no published translation is held for this verse.
देवासुरगुरुर्देवो देवासुरनमस्कृतः । देवासुरमहामात्रो देवासुरमहाश्रयः
devāsuragururdevo devāsuranamaskṛtaḥ / devāsuramahāmātro devāsuramahāśrayaḥ
Sanskrit only: no published translation is held for this verse.
देवादिदेवो देवर्षि- देवासुरवरप्रदः । देवासुरेश्वरो दिव्यो देवासुरमहेश्वरः
devādidevo devarṣi- devāsuravarapradaḥ / devāsureśvaro divyo devāsuramaheśvaraḥ
Sanskrit only: no published translation is held for this verse.
सर्वदेवमयो ऽचिन्त्यो देवतात्मात्मसंभवः । ईड्यो ऽनीशः सुरव्याघ्रो देवसिंहो दिवाकरः
sarvadevamayo 'cintyo devatātmātmasaṃbhavaḥ / īḍyo 'nīśaḥ suravyāghro devasiṃho divākaraḥ
Sanskrit only: no published translation is held for this verse.
विबुधाग्रवरश्रेष्ठः सर्वदेवोत्तमोत्तमः । शिवज्ञानरतः श्रीमान् शिखिश्रीपर्वतप्रियः
vibudhāgravaraśreṣṭhaḥ sarvadevottamottamaḥ / śivajñānarataḥ śrīmān śikhiśrīparvatapriyaḥ
Sanskrit only: no published translation is held for this verse.