Madhva Anandatirtha: Anuvyakhyana 1.1

इति शङ्कानिवृत्त्यर्थमाकाश इति नाम च । परतो ऽपिवरीयस्त्वपूर्वाल्लिङ्गाद्धरेर्भवेत्

iti śaṅkānivṛttyarthamākāśa iti nāma ca / parato 'pivarīyastvapūrvālliṅgāddharerbhavet

Sanskrit only: no published translation is held for this verse.

इति शङ्कानिवृत्त्यर्थमाकाश इति नाम च । परतो ऽपि वरीयस्त्व पूर्वाल्लिङ्गाद्धरेर्भवेत्

iti śaṅkānivṛttyarthamākāśa iti nāma ca / parato 'pi varīyastva pūrvālliṅgāddharerbhavet

Sanskrit only: no published translation is held for this verse.

प्राणादिहेतुतादृष्टेरतिदेशो हि तादृशः । लिङ्गं बलवदेव स्यात् प्रेरको ऽस्यापि यद्धरिः

prāṇādihetutādṛṣṭeratideśo hi tādṛśaḥ / liṅgaṃ balavadeva syāt prerako 'syāpi yaddhariḥ

Sanskrit only: no published translation is held for this verse.

नित्यत्वादेव शब्दस्य तत्स्वभावः कथं हरेः । कथं प्रसिद्धबहुलशब्दानामयथार्थता

nityatvādeva śabdasya tatsvabhāvaḥ kathaṃ hareḥ / kathaṃ prasiddhabahulaśabdānāmayathārthatā

Sanskrit only: no published translation is held for this verse.

इति चेत् तद्धरेरेव बाहुल्याच्छ्रुतिलिङ्गयोः । तादृशत्वाच्च तच्छक्तेर्बाहुल्ये श्रुतिलिङ्गयोः

iti cet taddharereva bāhulyācchrutiliṅgayoḥ / tādṛśatvācca tacchakterbāhulye śrutiliṅgayoḥ

Sanskrit only: no published translation is held for this verse.

अन्यस्य मुख्यवाच्यत्वमिति तन्नात्रगस्य हि । विष्णोरेव तु लिङ्गानि प्राणस्थानि तु सर्वशः

anyasya mukhyavācyatvamiti tannātragasya hi / viṣṇoreva tu liṅgāni prāṇasthāni tu sarvaśaḥ

Sanskrit only: no published translation is held for this verse.

प्राणसंवादपूर्वाणि मुख्यतो जीवगानि च । अभ्यार्चच्छतवर्षाणि प्राणवंशत्वमित्यपि

prāṇasaṃvādapūrvāṇi mukhyato jīvagāni ca / abhyārcacchatavarṣāṇi prāṇavaṃśatvamityapi

Sanskrit only: no published translation is held for this verse.

तस्मादन्यत्रगैः शब्दैरुक्तन्यायैः समन्ततः । एको नारायणो देवो भण्यते नात्र संशयः

tasmādanyatragaiḥ śabdairuktanyāyaiḥ samantataḥ / eko nārāyaṇo devo bhaṇyate nātra saṃśayaḥ

Sanskrit only: no published translation is held for this verse.

वासुदेवादिरूपेण चतुर्मूर्तिश्च सर्वशः । अथवा पञ्चमूर्तिः स प्रोक्तो ऽधिकरणं प्रति

vāsudevādirūpeṇa caturmūrtiśca sarvaśaḥ / athavā pañcamūrtiḥ sa prokto 'dhikaraṇaṃ prati

Sanskrit only: no published translation is held for this verse.

प्रतिसूत्रं प्रतिपदं प्रत्यक्षरमथापि वा । तैस्तैर्युक्तिश्रुतिन्यायविशेषैर्योग्यता यथा

pratisūtraṃ pratipadaṃ pratyakṣaramathāpi vā / taistairyuktiśrutinyāyaviśeṣairyogyatā yathā

Sanskrit only: no published translation is held for this verse.

बृहत्तन्त्रप्रमाणेन बह्वर्थमपि सङ्ग्रहात् । उच्यते नरबुद्धीनामपि किञ्चिद्ग्रहार्थतः

bṛhattantrapramāṇena bahvarthamapi saṅgrahāt / ucyate narabuddhīnāmapi kiñcidgrahārthataḥ

Sanskrit only: no published translation is held for this verse.

ग्रन्थो ऽयमपि बह्वर्थो भाष्यं चात्यर्थविस्तरम् । बहुज्ञा एव जानन्ति विशेषणार्थमेतयोः । तस्मान्महागुणो विष्णुर्नाम्नायपुनरुक्तितः

grantho 'yamapi bahvartho bhāṣyaṃ cātyarthavistaram / bahujñā eva jānanti viśeṣaṇārthametayoḥ / tasmānmahāguṇo viṣṇurnāmnāyapunaruktitaḥ

Sanskrit only: no published translation is held for this verse.