Madhva Anandatirtha: Anuvyakhyana 3.4

हर्याज्ञाकरणादेव पुण्यमेभिरवाप्यते । हरिपूजेति चोद्देशात् कथं न शुभमाप्नुयुः

haryājñākaraṇādeva puṇyamebhiravāpyate / haripūjeti coddeśāt kathaṃ na śubhamāpnuyuḥ

Sanskrit only: no published translation is held for this verse.

अतो यथाक्रमं धर्मज्ञानयोः फलमञ्जसा । सर्वप्राणिगतं देवाः प्राप्नुवन्त्या विरिञ्चतः

ato yathākramaṃ dharmajñānayoḥ phalamañjasā / sarvaprāṇigataṃ devāḥ prāpnuvantyā viriñcataḥ

Sanskrit only: no published translation is held for this verse.

देवा एव हि देवानां विशिष्टा विनियामकाः । ब्रह्मा त्वखिलदेवानां नराणां च नियामकः । अतः सर्वगुणानेष प्रापनोत्यधिकमन्यतः

devā eva hi devānāṃ viśiṣṭā viniyāmakāḥ / brahmā tvakhiladevānāṃ narāṇāṃ ca niyāmakaḥ / ataḥ sarvaguṇāneṣa prāpanotyadhikamanyataḥ

Sanskrit only: no published translation is held for this verse.

द्रव्यस्वातन्त्र्यविज्ञानप्रयत्नैरधिकं फलम् । देवानामन्यगं चापि तेषु यद् ब्रह्मणो हि तत्

dravyasvātantryavijñānaprayatnairadhikaṃ phalam / devānāmanyagaṃ cāpi teṣu yad brahmaṇo hi tat

Sanskrit only: no published translation is held for this verse.

बृहत्तन्त्रोदितं वाक्यं हरिणा फलनिर्णये । लोके ऽप्येतादृशगुणैः फलाधिक्यं हि दृश्यते

bṛhattantroditaṃ vākyaṃ hariṇā phalanirṇaye / loke 'pyetādṛśaguṇaiḥ phalādhikyaṃ hi dṛśyate

Sanskrit only: no published translation is held for this verse.

एवञ्च कलिपूर्वाणामसुराणां महत् फलम् । अशुभेषु सदैव स्यान्मिथ्याज्ञानादिकेषु हि

evañca kalipūrvāṇāmasurāṇāṃ mahat phalam / aśubheṣu sadaiva syānmithyājñānādikeṣu hi

Sanskrit only: no published translation is held for this verse.

शुभाशुभफलं देवा असुराश्च समाप्नुयुः । क्रमेणैव यथाशक्ति यथा ये ये प्रयोजकाः

śubhāśubhaphalaṃ devā asurāśca samāpnuyuḥ / krameṇaiva yathāśakti yathā ye ye prayojakāḥ

Sanskrit only: no published translation is held for this verse.

प्रेरका अपि पापानां न देवाः पापमाप्नुयुः । इति प्रकाशिकायां हि प्रोवाच हरिरञ्जसा

prerakā api pāpānāṃ na devāḥ pāpamāpnuyuḥ / iti prakāśikāyāṃ hi provāca harirañjasā

Sanskrit only: no published translation is held for this verse.

यद्यप्येवं सुराणां च दैत्यानां च महत् फलम् । शुभाशुभेभ्य एवञ्च कर्तुश्च स्याद् यथोदितम्

yadyapyevaṃ surāṇāṃ ca daityānāṃ ca mahat phalam / śubhāśubhebhya evañca kartuśca syād yathoditam

Sanskrit only: no published translation is held for this verse.

तस्मान्निरयमानुष्यस्वर्गमुक्त्युपभोगिनः । मानुषोत्तममारभ्य देवास्तु निरयं विना

tasmānnirayamānuṣyasvargamuktyupabhoginaḥ / mānuṣottamamārabhya devāstu nirayaṃ vinā

Sanskrit only: no published translation is held for this verse.

असुरास्तु विना मुक्तिं तमो ऽन्धमपि चाप्नुयुः । इति तत्त्वविवेकोक्तं स्वयं भगवता वचः

asurāstu vinā muktiṃ tamo 'ndhamapi cāpnuyuḥ / iti tattvavivekoktaṃ svayaṃ bhagavatā vacaḥ

Sanskrit only: no published translation is held for this verse.

ज्ञानदा अपिचाचार्या विशेषात् फलमाप्नुयुः । मुक्तावष्टगुणं शिष्याद् गुरुरापनोति शोभनम्

jñānadā apicācāryā viśeṣāt phalamāpnuyuḥ / muktāvaṣṭaguṇaṃ śiṣyād gururāpanoti śobhanam

Sanskrit only: no published translation is held for this verse.

तद्गुरुर्द्विगुणं तस्मात् सार्धं तावत् ततो ऽपरे । देवाः सहस्रगुणितं क्रमात् तस्माद् यथोत्तरम्

tadgururdviguṇaṃ tasmāt sārdhaṃ tāvat tato 'pare / devāḥ sahasraguṇitaṃ kramāt tasmād yathottaram

Sanskrit only: no published translation is held for this verse.

ब्रह्मा महौघगुणितमेवं फलविनिर्णयः । इत्याह भगवाञ्छास्त्रे गुरुवृत्ताभिधे स्वयम् । युक्तं च तन्न गोदाता गोमात्रफलमाप्नुयात्

brahmā mahaughaguṇitamevaṃ phalavinirṇayaḥ / ityāha bhagavāñchāstre guruvṛttābhidhe svayam / yuktaṃ ca tanna godātā gomātraphalamāpnuyāt

Sanskrit only: no published translation is held for this verse.

य इमं परमं गुह्यं मद्भक्तेष्वभिधास्यति । भक्तिं मयि परां कृत्वा मामेवैष्यत्यसंशयः

ya imaṃ paramaṃ guhyaṃ madbhakteṣvabhidhāsyati / bhaktiṃ mayi parāṃ kṛtvā māmevaiṣyatyasaṃśayaḥ

Sanskrit only: no published translation is held for this verse.

न च तस्मान्मनुष्येषु कश्चिन्मे प्रियकृत्तमः । भविता न च मे तस्मादन्यः प्रियतरो भुवि । इत्याह भगवानेवमपि पात्रमपेक्ष्यते

na ca tasmānmanuṣyeṣu kaścinme priyakṛttamaḥ / bhavitā na ca me tasmādanyaḥ priyataro bhuvi / ityāha bhagavānevamapi pātramapekṣyate

Sanskrit only: no published translation is held for this verse.

एवमेवाविरोधेन प्रारब्धस्यैव कर्मणः । ज्ञानं दृष्टफलं प्रोक्तं मुक्तिश्चेहैव लभ्यते

evamevāvirodhena prārabdhasyaiva karmaṇaḥ / jñānaṃ dṛṣṭaphalaṃ proktaṃ muktiścehaiva labhyate

Sanskrit only: no published translation is held for this verse.