धनयुक्तस्य एव हि आपत्सु सम्पत्सु च दुःखादिस्पर्शो न भवतीति पूर्ववाक्ये भावः । फलितम् आह तस्माद् इति । तस्मात् ततो हेतोः । अनहङ्कारिता धनः धनम् भवति । देहात्मत्वे निश्चितः पुरुषो हि देहार्थम् भोगजालम् इच्छन् भोगराहित्यरूपायाम् आपदि दुःखी भवति । तत्सम्पत्तिरूपायां सम्पदि सुखी भवति । चिन्मात्रात्मत्वे निश्चितो ऽहं न तादृशो भवामीति भावः
dhanayuktasya eva hi āpatsu sampatsu ca duḥkhādisparśo na bhavatīti pūrvavākye bhāvaḥ | phalitam āha tasmād iti | tasmāt tato hetoḥ | anahaṅkāritā dhanaḥ dhanam bhavati | dehātmatve niścitaḥ puruṣo hi dehārtham bhogajālam icchan bhogarāhityarūpāyām āpadi duḥkhī bhavati | tatsampattirūpāyāṃ sampadi sukhī bhavati | cinmātrātmatve niścito 'haṃ na tādṛśo bhavāmīti bhāvaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.