हे साधो । अहम् अस्य पुरः स्फुरतः । जागतस्य जगत्सम्बन्धिनः । तद्विषयस्येति यावत् । तथा आकाशवर्णवत् आकाशनीलिमवत् । जातस्य प्रादुर्भूतस्य । मिथ्याभातस्येति यावत् । भ्रमस्य जगत्त्वज्ञानरूपस्य मिथ्याज्ञानस्य । अपुनःस्मरणम् पुनःस्मृतिविषयभावानयनम् । उपेक्षाम् इति यावत् । वरम् उत्कृष्टं । विस्मरणम् विस्मृतिं । मन्ये । उपेक्षा एवात्र युक्ता । न विस्मृतिः । तस्याः जाड्यव्याप्तत्वाद् इति भावः
he sādho | aham asya puraḥ sphurataḥ | jāgatasya jagatsambandhinaḥ | tadviṣayasyeti yāvat | tathā ākāśavarṇavat ākāśanīlimavat | jātasya prādurbhūtasya | mithyābhātasyeti yāvat | bhramasya jagattvajñānarūpasya mithyājñānasya | apunaḥsmaraṇam punaḥsmṛtiviṣayabhāvānayanam | upekṣām iti yāvat | varam utkṛṣṭaṃ | vismaraṇam vismṛtiṃ | manye | upekṣā evātra yuktā | na vismṛtiḥ | tasyāḥ jāḍyavyāptatvād iti bhāvaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.