चेतनया अनुविद्धः व्याप्तः । नभःस्थः पयोनिबद्धः जलावष्टब्धः । अणुचयः परमाणुसमूहः । पदार्थलक्ष्म्याः पृथग्विभागेन पदार्थलक्ष्मीसम्बन्धिना पृथक् विभागेन । आलोक्यते । उक्तविशेषणाः परमाणव एव नानार्थभावेन दृश्यन्ते इति यावत् । एतज् जगद् अस्ति । इतरत् अन्यत् । किञ्चिज् जगन् नास्ति । पदार्थनानाभावस्यैव जगत्त्वात् । अतश् चात्र किं रम्यत्वं किं वारम्यत्वम् इति भावः
cetanayā anuviddhaḥ vyāptaḥ | nabhaḥsthaḥ payonibaddhaḥ jalāvaṣṭabdhaḥ | aṇucayaḥ paramāṇusamūhaḥ | padārthalakṣmyāḥ pṛthagvibhāgena padārthalakṣmīsambandhinā pṛthak vibhāgena | ālokyate | uktaviśeṣaṇāḥ paramāṇava eva nānārthabhāvena dṛśyante iti yāvat | etaj jagad asti | itarat anyat | kiñcij jagan nāsti | padārthanānābhāvasyaiva jagattvāt | ataś cātra kiṃ ramyatvaṃ kiṃ vāramyatvam iti bhāvaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.