स्वकार्येण विमर्शं त्वं कर्तुम् अर्हसि कौशिक । भगवन् नास्त्य् अदेयं हि त्वयि यत् प्रतिपद्यते ॥मु १,५।५३॥ [राम् इ १७, ३८अब् (*५५८)] हे कौशिक । त्वं । स्वकार्येण सह विमर्शं कर्तुम् अर्हसि किम् मम कार्यम् अस्तीति विचारं कर्तुम् अर्हसीति भावः । ननु किमर्थम् अहं स्वकार्येण सह विमर्शं करोमीत्य् । अत्राह भगवन्न् इति । हि यस्मात् । हे भगवन् । त्वयि यत् प्रतिपद्यते उपयुज्यते । तत् अदेयं नास्ति । तद् ददाम्य् एवेत्य् अर्थः
svakāryeṇa vimarśaṃ tvaṃ kartum arhasi kauśika / bhagavan nāsty adeyaṃ hi tvayi yat pratipadyate //MU 1,5.53// [Rām I 17, 38ab (*558)] he kauśika | tvaṃ | svakāryeṇa saha vimarśaṃ kartum arhasi kim mama kāryam astīti vicāraṃ kartum arhasīti bhāvaḥ | nanu kimartham ahaṃ svakāryeṇa saha vimarśaṃ karomīty | atrāha bhagavann iti | hi yasmāt | he bhagavan | tvayi yat pratipadyate upayujyate | tat adeyaṃ nāsti | tad dadāmy evety arthaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.