सर्गान्तश्लोकेन दशरथविनयोक्त्या मुनेर् हर्षगमनं कथयति इदम् अतिमधुरं निशम्य वाक्यं श्रुतिसुखम् अर्थविदा विनीतम् उक्तम् । प्रथितगुणवशाद् गुणैर् विशिष्टं मुनिवृषभः परमं जगाम हर्षम् ॥मु १,५।५५॥ [राम् इ १७, ३९] अतिमधुरम् उत्कृष्टमधुराख्यगुणविशिष्टं । श्रुतिसुखं कर्णसुखम् । अर्थविदा परमार्थज्ञेन दशरथेन । विनीतं सविनयं यथा भवति तथोक्तं कथितं । तथा प्रथिताः ये गुणाः वाक्यगुणास् । तद्वशात् गुणैः विशिष्टम् । प्रथितगुणविशिष्टम् इति यावत् । ईदृशं वाक्यं निशम्य सः मुनिवृषभः मुनिश्रेष्ठः कौशिकः । परमं हर्षं जगाम । दातृविनयेन हि अर्थिनो महान् हर्षो जायते । इति शिवम्
sargāntaślokena daśarathavinayoktyā muner harṣagamanaṃ kathayati idam atimadhuraṃ niśamya vākyaṃ śrutisukham arthavidā vinītam uktam / prathitaguṇavaśād guṇair viśiṣṭaṃ munivṛṣabhaḥ paramaṃ jagāma harṣam //MU 1,5.55// [Rām I 17, 39] atimadhuram utkṛṣṭamadhurākhyaguṇaviśiṣṭaṃ | śrutisukhaṃ karṇasukham | arthavidā paramārthajñena daśarathena | vinītaṃ savinayaṃ yathā bhavati tathoktaṃ kathitaṃ | tathā prathitāḥ ye guṇāḥ vākyaguṇās | tadvaśāt guṇaiḥ viśiṣṭam | prathitaguṇaviśiṣṭam iti yāvat | īdṛśaṃ vākyaṃ niśamya saḥ munivṛṣabhaḥ muniśreṣṭhaḥ kauśikaḥ | paramaṃ harṣaṃ jagāma | dātṛvinayena hi arthino mahān harṣo jāyate | iti śivam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.