यत् तु मे हृद्गतं वाक्यं तस्य कार्यविनिर्णयम् । कुरु त्वं राजशार्दूल धर्मं समनुपालय ॥मु १,६।३॥ [राम् इ १८, ३] तुशब्दः वाक्यवाच्यस्य कार्यस्यातिकष्टं सम्पादनीयतां द्योतयति । तस्य कार्यनिर्णयम् हृद्गतवाक्यवाच्यकार्यनिर्णयम् इत्य् अर्थः । ननु किमर्थं करोमीत्य् । अत्राह धर्मम् इति । तवानेन धर्मपालनम् भविष्यतीति भावः
yat tu me hṛdgataṃ vākyaṃ tasya kāryavinirṇayam / kuru tvaṃ rājaśārdūla dharmaṃ samanupālaya //MU 1,6.3// [Rām I 18, 3] tuśabdaḥ vākyavācyasya kāryasyātikaṣṭaṃ sampādanīyatāṃ dyotayati | tasya kāryanirṇayam hṛdgatavākyavācyakāryanirṇayam ity arthaḥ | nanu kimarthaṃ karomīty | atrāha dharmam iti | tavānena dharmapālanam bhaviṣyatīti bhāvaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.