इतीत्यन्तं । टीका । हि यस्मात् । एवंविधाः पूर्वोक्ताः । वृत्तयः व्यापाराः । आत्मतत्त्वस्य परमात्मस्वरूपस्य । यद् अवलोकनं । तस्माद् एव । पुरुषेण लभ्यन्ते । नान्यतः । तस्माद् पुरुषेण यावज्जीवं विचारेणात्मैवान्वेष्टव्यः । किंरूपो ऽसाव् इति विमर्शनीयः । ततः उपासनीयः । उपासनं चात्र अविच्छिन्नप्रवाहेणानुसन्धानविषयीकरणम् एव ज्ञेयम् । ततः ज्ञातव्यः । स्थूलदेहादिव्यतिरेकेन स्थूलदेहवत् निःसंशयम् आत्मतत्त्वेन ज्ञातव्यः । इतरत् स्थूलदेहादि । न ज्ञातव्यम् । इतिशब्दः गद्यसमाप्तौ
itītyantaṃ | ṭīkā | hi yasmāt | evaṃvidhāḥ pūrvoktāḥ | vṛttayaḥ vyāpārāḥ | ātmatattvasya paramātmasvarūpasya | yad avalokanaṃ | tasmād eva | puruṣeṇa labhyante | nānyataḥ | tasmād puruṣeṇa yāvajjīvaṃ vicāreṇātmaivānveṣṭavyaḥ | kiṃrūpo 'sāv iti vimarśanīyaḥ | tataḥ upāsanīyaḥ | upāsanaṃ cātra avicchinnapravāheṇānusandhānaviṣayīkaraṇam eva jñeyam | tataḥ jñātavyaḥ | sthūladehādivyatirekena sthūladehavat niḥsaṃśayam ātmatattvena jñātavyaḥ | itarat sthūladehādi | na jñātavyam | itiśabdaḥ gadyasamāptau
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.