Moksopaya with Bhaskarakantha's Tika [MT] 2.5.5

समासमौ अर्थानर्थोत्पादकत्वात् समविषमौ । आत्मीयः उच्छास्त्रः । अन्यदीयः शास्त्रोक्तः इति । द्वौ पुरुषार्थौ हुडाव् इव युध्येते युद्धं कुरुतः । तत्रापि समः शास्त्रोक्तः । असमः उच्छास्त्र इति विभागः । तत्र तयोः द्वयोः पुरुषार्थयोः मध्ये । अतिबलो जयति । हुडः शृङ्गसहितो मृगविशेषः

samāsamau arthānarthotpādakatvāt samaviṣamau | ātmīyaḥ ucchāstraḥ | anyadīyaḥ śāstroktaḥ iti | dvau puruṣārthau huḍāv iva yudhyete yuddhaṃ kurutaḥ | tatrāpi samaḥ śāstroktaḥ | asamaḥ ucchāstra iti vibhāgaḥ | tatra tayoḥ dvayoḥ puruṣārthayoḥ madhye | atibalo jayati | huḍaḥ śṛṅgasahito mṛgaviśeṣaḥ

Devanagari rendered by HREEM from the edition's roman (IAST) text; the IAST is the edition's own.

Sanskrit only: no published translation is held for this verse.