Moksopaya with Bhaskarakantha's Tika [MT] 3.10.10

सोम्याम्भसि क्षोभरहिते जले । न चास्ति । तदानीम् अलभ्यत्वात् । न च नास्ति । अग्रे स्फुटीभविष्यमाणत्वात् । दार्ष्टान्तिकम् आह तथेति । भासमानत्वाद् अशून्यपदं गतं । परमार्थतो नकिञ्चिद्रूपत्वाच् छून्यपदं गतम् इति योज्यम्

somyāmbhasi kṣobharahite jale | na cāsti | tadānīm alabhyatvāt | na ca nāsti | agre sphuṭībhaviṣyamāṇatvāt | dārṣṭāntikam āha tatheti | bhāsamānatvād aśūnyapadaṃ gataṃ | paramārthato nakiñcidrūpatvāc chūnyapadaṃ gatam iti yojyam

Devanagari rendered by HREEM from the edition's roman (IAST) text; the IAST is the edition's own.

Sanskrit only: no published translation is held for this verse.