Moksopaya with Bhaskarakantha's Tika [MT] 3.10.18

इति अनेन प्रकारेण । एतत् अवशेषतया कथ्यमानम् । अजरं जरादोषरहितं । पदं स्थानं । तमःप्रकाशाभ्यां तमसा प्रकाशेन च । मुक्तं भवति । खात्मकत्वम् अस्य निवारयितुं प्रस्तौति । आकाशेति । त्वम् एनं परमात्मानम् । आकाशकोशम् एव आकाशमध्यम् एव । जगत्स्थितेः कोशं भाण्डागारं । विद्धि जानीहि

iti anena prakāreṇa | etat avaśeṣatayā kathyamānam | ajaraṃ jarādoṣarahitaṃ | padaṃ sthānaṃ | tamaḥprakāśābhyāṃ tamasā prakāśena ca | muktaṃ bhavati | khātmakatvam asya nivārayituṃ prastauti | ākāśeti | tvam enaṃ paramātmānam | ākāśakośam eva ākāśamadhyam eva | jagatsthiteḥ kośaṃ bhāṇḍāgāraṃ | viddhi jānīhi

Devanagari rendered by HREEM from the edition's roman (IAST) text; the IAST is the edition's own.

Sanskrit only: no published translation is held for this verse.