मनस्ताम् पद्मजेत्य् अपरनामधेययुक्तशुद्धमनोभावम् । यातेनेव गतेनेव । ब्रह्मणा पदार्थरूपतया बृंहितेन शुद्धचिन्मात्रेण । शुद्धात् आत्मनः स्वस्मात् । अनन्यत् अभिन्नम् । इदं जगत् तन्यते विस्तार्यते । स्वात्मनि प्रकटीक्रियत इति यावत् । केनेव । वारिणेव यथा वारिणा । आत्मनः अनन्यत् द्रवत्वम् आद्यस्पन्दनासमवायिकारणभूतः द्रवत्वाख्यः गुणः । विस्तार्यते । तथेत्य् अर्थः । मनस्तायाम् अपि परमार्थतः चिन्मात्रत्वानपायाद् इवशब्दोपादानम् । अतः जगतो ऽपि चिन्मात्राद् उत्पन्नत्वेन चिन्मात्रत्वम् एव युक्तम् इति भावः
manastām padmajety aparanāmadheyayuktaśuddhamanobhāvam | yāteneva gateneva | brahmaṇā padārtharūpatayā bṛṃhitena śuddhacinmātreṇa | śuddhāt ātmanaḥ svasmāt | ananyat abhinnam | idaṃ jagat tanyate vistāryate | svātmani prakaṭīkriyata iti yāvat | keneva | vāriṇeva yathā vāriṇā | ātmanaḥ ananyat dravatvam ādyaspandanāsamavāyikāraṇabhūtaḥ dravatvākhyaḥ guṇaḥ | vistāryate | tathety arthaḥ | manastāyām api paramārthataḥ cinmātratvānapāyād ivaśabdopādānam | ataḥ jagato 'pi cinmātrād utpannatvena cinmātratvam eva yuktam iti bhāvaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.