अनेन वृत्तान्तेन सिद्धं स्वमनीषितं कथयति यथा भृगुसुतस्यैष विभ्रमः प्रोदितः स्वयम् । प्रत्येकम् अप्य् एवम् एव दृष्टान्तो ःत्र भृगोः सुतः ॥मु ४,१७।५॥यथा भृगुसुतस्य एषः समनन्तरोक्तः । विभ्रमः नानायोनिप्रतिभासरूपो विभ्रमः । स्वयम् स्वभावेन । प्रोदितः प्रादुर्भूतः । एवम् एव तथैव । प्रत्येकम् प्रतिपुरुषम् । उदेति । सर्वे एव स्वमनःप्रतिभासरूपम् एव जगत् पश्यन्तीति भावः । अस्यार्थस्य दृढीकरणार्थम् पुनर् अपि शुक्रस्य दृष्टान्तत्वं कथयति दृष्टान्तो ःत्रेति
anena vṛttāntena siddhaṃ svamanīṣitaṃ kathayati yathā bhṛgusutasyaiṣa vibhramaḥ proditaḥ svayam / pratyekam apy evam eva dṛṣṭānto ḥtra bhṛgoḥ sutaḥ //MU 4,17.5//yathā bhṛgusutasya eṣaḥ samanantaroktaḥ | vibhramaḥ nānāyonipratibhāsarūpo vibhramaḥ | svayam svabhāvena | proditaḥ prādurbhūtaḥ | evam eva tathaiva | pratyekam pratipuruṣam | udeti | sarve eva svamanaḥpratibhāsarūpam eva jagat paśyantīti bhāvaḥ | asyārthasya dṛḍhīkaraṇārtham punar api śukrasya dṛṣṭāntatvaṃ kathayati dṛṣṭānto ḥtreti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.