Library·Mahābhārata (critical edition)·13·13.115
वैशंपायन उवाच ततो युधिष्ठिरो राजा शरतल्पे पितामहम् पुनर् एव महातेजाः पप्रच्छ वदतां वरम्
vaiśaṃpāyana uvāca tato yudhiṣṭhiro rājā śaratalpe pitāmaham punar eva mahātejāḥ papraccha vadatāṃ varam
Sanskrit only: no published translation is held for this verse.
ऋषयो ब्राह्मणा देवाः प्रशंसन्ति महामते अहिंसालक्षणं धर्मं वेदप्रामाण्यदर्शनात्
ṛṣayo brāhmaṇā devāḥ praśaṃsanti mahāmate ahiṃsālakṣaṇaṃ dharmaṃ vedaprāmāṇyadarśanāt
Sanskrit only: no published translation is held for this verse.
कर्मणा मनुजः कुर्वन् हिंसां पार्थिवसत्तम वाचा च मनसा चैव कथं दुःखात् प्रमुच्यते
karmaṇā manujaḥ kurvan hiṃsāṃ pārthivasattama vācā ca manasā caiva kathaṃ duḥkhāt pramucyate
Sanskrit only: no published translation is held for this verse.
भीष्म उवाच चतुर्विधेयं निर्दिष्टा अहिंसा ब्रह्मवादिभिः एषैकतो ऽपि विभ्रष्टा न भवत्य् अरिसूदन
bhīṣma uvāca caturvidheyaṃ nirdiṣṭā ahiṃsā brahmavādibhiḥ eṣaikato 'pi vibhraṣṭā na bhavaty arisūdana
Sanskrit only: no published translation is held for this verse.
यथा सर्वश् चतुष्पादस् त्रिभिः पादैर् न तिष्ठति तथैवेयं महीपाल प्रोच्यते कारणैस् त्रिभिः
yathā sarvaś catuṣpādas tribhiḥ pādair na tiṣṭhati tathaiveyaṃ mahīpāla procyate kāraṇais tribhiḥ
Sanskrit only: no published translation is held for this verse.
यथा नागपदे ऽन्यानि पदानि पदगामिनाम् सर्वाण्य् एवापिधीयन्ते पदजातानि कौञ्जरे एवं लोकेष्व् अहिंसा तु निर्दिष्टा धर्मतः परा
yathā nāgapade 'nyāni padāni padagāminām sarvāṇy evāpidhīyante padajātāni kauñjare evaṃ lokeṣv ahiṃsā tu nirdiṣṭā dharmataḥ parā
Sanskrit only: no published translation is held for this verse.
कर्मणा लिप्यते जन्तुर् वाचा च मनसैव च
karmaṇā lipyate jantur vācā ca manasaiva ca
Sanskrit only: no published translation is held for this verse.
पूर्वं तु मनसा त्यक्त्वा तथा वाचाथ कर्मणा त्रिकारणं तु निर्दिष्टं श्रूयते ब्रह्मवादिभिः
pūrvaṃ tu manasā tyaktvā tathā vācātha karmaṇā trikāraṇaṃ tu nirdiṣṭaṃ śrūyate brahmavādibhiḥ
Sanskrit only: no published translation is held for this verse.
मनोवाचि तथास्वादे दोषा ह्य् एषु प्रतिष्ठिताः न भक्षयन्त्य् अतो मांसं तपोयुक्ता मनीषिणः
manovāci tathāsvāde doṣā hy eṣu pratiṣṭhitāḥ na bhakṣayanty ato māṃsaṃ tapoyuktā manīṣiṇaḥ
Sanskrit only: no published translation is held for this verse.
दोषांस् तु भक्षणे राजन् मांसस्येह निबोध मे पुत्रमांसोपमं जानन् खादते यो विचेतनः
doṣāṃs tu bhakṣaṇe rājan māṃsasyeha nibodha me putramāṃsopamaṃ jānan khādate yo vicetanaḥ
Sanskrit only: no published translation is held for this verse.
मातापितृसमायोगे पुत्रत्वं जायते यथा रसं च प्रति जिह्वायाः प्रज्ञानं जायते तथा तथा शास्त्रेषु नियतं रागो ह्य् आस्वादिताद् भवेत्
mātāpitṛsamāyoge putratvaṃ jāyate yathā rasaṃ ca prati jihvāyāḥ prajñānaṃ jāyate tathā tathā śāstreṣu niyataṃ rāgo hy āsvāditād bhavet
Sanskrit only: no published translation is held for this verse.
असंस्कृताः संस्कृताश् च लवणालवणास् तथा प्रज्ञायन्ते यथा भावास् तथा चित्तं निरुध्यते
asaṃskṛtāḥ saṃskṛtāś ca lavaṇālavaṇās tathā prajñāyante yathā bhāvās tathā cittaṃ nirudhyate
Sanskrit only: no published translation is held for this verse.
भेरीशङ्खमृदङ्गाद्यांस् तन्त्रीशब्दांश् च पुष्कलान् निषेविष्यन्ति वै मन्दा मांसभक्षाः कथं नराः
bherīśaṅkhamṛdaṅgādyāṃs tantrīśabdāṃś ca puṣkalān niṣeviṣyanti vai mandā māṃsabhakṣāḥ kathaṃ narāḥ
Sanskrit only: no published translation is held for this verse.
अचिन्तितम् अनुद्दिष्टम् असंकल्पितम् एव च रसं गृद्ध्याभिभूता वै प्रशंसन्ति फलार्थिनः प्रशंसा ह्य् एव मांसस्य दोषकर्मफलान्विता
acintitam anuddiṣṭam asaṃkalpitam eva ca rasaṃ gṛddhyābhibhūtā vai praśaṃsanti phalārthinaḥ praśaṃsā hy eva māṃsasya doṣakarmaphalānvitā
Sanskrit only: no published translation is held for this verse.
जीवितं हि परित्यज्य बहवः साधवो जनाः स्वमांसैः परमांसानि परिपाल्य दिवं गताः
jīvitaṃ hi parityajya bahavaḥ sādhavo janāḥ svamāṃsaiḥ paramāṃsāni paripālya divaṃ gatāḥ
Sanskrit only: no published translation is held for this verse.
एवम् एषा महाराज चतुर्भिः कारणैर् वृता अहिंसा तव निर्दिष्टा सर्वधर्मार्थसंहिता
evam eṣā mahārāja caturbhiḥ kāraṇair vṛtā ahiṃsā tava nirdiṣṭā sarvadharmārthasaṃhitā
Sanskrit only: no published translation is held for this verse.