च : फ़्न् चा ऋक् विश्वे नो अद्य मरुतो विश्व ऊती विश्वे भवन्त्व् अग्नयः समिद्धाः । विश्वे नो देवा अवसागमन्न् इह विश्वम् अस्तु द्रविणं वाजो अस्मे ॥ वाजो मे सप्त प्रदिशश् चतस्रो वा परावतः । वाजो मा विश्वैर् देवैर् धनसाता इहावतु ॥ वाजः पुरस्ताद् उत मध्यतो नो वाजो देवान् ऋतुभिः कल्पयाति । वाजस्य हि प्रसवे नन्नमीति विश्व आशा वाजपतिर् भवेयम् ॥ वाजो मे अद्य प्रसुवाति दानं वाजो देवान् हविषा वर्धयाति । वाजो हि मा सर्ववीरं चकार सर्वा आशा वाजपतिर् जयेयम् ॥ सं मा सृजामि पयसा पृथिव्याः सं मा सृजाम्य् अद्भिर् ओषधीभिः । सो ऽहं वाजं सनेयम् अग्ने ॥ पयः पृथिव्यां पया ओषधीषु पयो दिव्य् अन्तरिक्षे पयो धाः । पयस्वतीः प्रदिशः सन्तु मह्यम्
ca : FN cā ṛk viśve no adya maruto viśva ūtī viśve bhavantv agnayaḥ samiddhāḥ / viśve no devā avasāgamann iha viśvam astu draviṇaṃ vājo asme // vājo me sapta pradiśaś catasro vā parāvataḥ / vājo mā viśvair devair dhanasātā ihāvatu // vājaḥ purastād uta madhyato no vājo devān ṛtubhiḥ kalpayāti / vājasya hi prasave nannamīti viśva āśā vājapatir bhaveyam // vājo me adya prasuvāti dānaṃ vājo devān haviṣā vardhayāti / vājo hi mā sarvavīraṃ cakāra sarvā āśā vājapatir jayeyam // saṃ mā sṛjāmi payasā pṛthivyāḥ saṃ mā sṛjāmy adbhir oṣadhībhiḥ / so 'haṃ vājaṃ saneyam agne // payaḥ pṛthivyāṃ payā oṣadhīṣu payo divy antarikṣe payo dhāḥ / payasvatīḥ pradiśaḥ santu mahyam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.