भूयास्म ते सुमतौ विश्ववेदा आष्ठाः प्रतिष्ठाम् अविदो हि गाधम् । सत्यं वदन्तीर् महिमानम् आपान्या वो अन्याम् अति मा प्रयुक्त ॥ रुशद्विधाना समना पुरस्तात् प्रजानती यामम् उषा अयासीत् । ब्रह्मद्विषस् तमसा देवशत्रून् अभिवहन्ती विश्ववारा व्यवाट् ॥ पञ्च व्युष्टीर् अनु पञ्च दोहा गां पञ्चनाम्नीम् ऋतवो ऽनु पञ्च । पञ्च दिशः पञ्चदशेन क्ळ्प्ताः समानमूर्ध्नीर् अभि लोकम् एकम् ॥ त्रिंशत् स्वसारा उपयन्ति निष्कृतं समानं केतुं प्रतिमुञ्चमानाः । ऋतूंस् तन्वते कवयः प्रजानतीर् मध्ये छन्दसः परियन्ति भास्वतीः ॥ ज्योतिष्मतीः प्रतिमुञ्चते नभो देवी रात्री सूर्यस्य व्रतानि । विपश्यन्ति पशवो जायमाना नानारूपा मातुर् अस्या उपस्थे ॥ प्रथमा ह व्युवास सा धेनुर् अभवद् यमे । सा नः पयस्वती दुहा उत्तरामुत्तरां समाम्
bhūyāsma te sumatau viśvavedā āṣṭhāḥ pratiṣṭhām avido hi gādham / satyaṃ vadantīr mahimānam āpānyā vo anyām ati mā prayukta // ruśadvidhānā samanā purastāt prajānatī yāmam uṣā ayāsīt / brahmadviṣas tamasā devaśatrūn abhivahantī viśvavārā vyavāṭ // pañca vyuṣṭīr anu pañca dohā gāṃ pañcanāmnīm ṛtavo 'nu pañca / pañca diśaḥ pañcadaśena kḷptāḥ samānamūrdhnīr abhi lokam ekam // triṃśat svasārā upayanti niṣkṛtaṃ samānaṃ ketuṃ pratimuñcamānāḥ / ṛtūṃs tanvate kavayaḥ prajānatīr madhye chandasaḥ pariyanti bhāsvatīḥ // jyotiṣmatīḥ pratimuñcate nabho devī rātrī sūryasya vratāni / vipaśyanti paśavo jāyamānā nānārūpā mātur asyā upasthe // prathamā ha vyuvāsa sā dhenur abhavad yame / sā naḥ payasvatī duhā uttarāmuttarāṃ samām
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.