संज्ञानं नो दिवा पशोः संज्ञानं नक्तम् अर्वतः । संज्ञानं नः स्वेभ्यः संज्ञानम् अरणेभ्यः संज्ञानम् अश्विना युवम् इहास्मभ्यं नियछतम् ॥ सम् इन्द्र राया सम् इषा रभेमहि सं वाजैः पुरुश्चन्द्रैर् अभिद्युभिः । सं देव्या प्रमत्या वीरशुष्मया गोअग्रयाश्ववत्या रभेमहि ॥ गोअग्रयाश्ववत्या : फ़्न् चोर्रेच्तुरेन् उन्द् चोन्जेच्तुरेन् ज़ु देम् गन्ज़ेन् Wएर्क्। इन्द्रवायू सुसंदृशा सुहवेह हवामहे । यथा नः सर्वा इज् जनः संगमे सुमना असत् ॥ सं वो मनांसि सं व्रता सम् आकूतीर् अनंसत । अमी ये विव्रताः स्थ तान् वः संनमयामसि ॥ समाना वा आकूतानि समाना हृदयानि वः । समानम् अस्तु वो मनो यथा वः सुसहासति ॥ समानो मन्त्रः समितिः समानी समानं व्रतं सह चित्तम् एषाम् । समानं क्रतुम् अभिमन्त्रयध्वं समानेन वो हविषा जुहोमि ॥ संगछध्वं संजानीध्वं सं वो मनांसि जानताम् । देवा भागं यथा पूर्वे संजानाना उपासते
saṃjñānaṃ no divā paśoḥ saṃjñānaṃ naktam arvataḥ / saṃjñānaṃ naḥ svebhyaḥ saṃjñānam araṇebhyaḥ saṃjñānam aśvinā yuvam ihāsmabhyaṃ niyachatam // sam indra rāyā sam iṣā rabhemahi saṃ vājaiḥ puruścandrair abhidyubhiḥ / saṃ devyā pramatyā vīraśuṣmayā goagrayāśvavatyā rabhemahi // goagrayāśvavatyā : FN Correcturen und Conjecturen zu dem ganzen Werk. indravāyū susaṃdṛśā suhaveha havāmahe / yathā naḥ sarvā ij janaḥ saṃgame sumanā asat // saṃ vo manāṃsi saṃ vratā sam ākūtīr anaṃsata / amī ye vivratāḥ stha tān vaḥ saṃnamayāmasi // samānā vā ākūtāni samānā hṛdayāni vaḥ / samānam astu vo mano yathā vaḥ susahāsati // samāno mantraḥ samitiḥ samānī samānaṃ vrataṃ saha cittam eṣām / samānaṃ kratum abhimantrayadhvaṃ samānena vo haviṣā juhomi // saṃgachadhvaṃ saṃjānīdhvaṃ saṃ vo manāṃsi jānatām / devā bhāgaṃ yathā pūrve saṃjānānā upāsate
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.