अनुमत्या अष्टाकपालं निर्वपन्ति ये प्रत्यञ्चः शम्याम् अतिशीयन्ते तन् नैरृतम् एककपालम् उभौ सह शृतौ कुर्वन्ति नैरृतेन पूर्वेण प्रचरन्ति दक्षिणा परेत्य स्वकृता इरिण एकोल्मुकं निधाय विस्रंसिकायाः काण्डाभ्यां जुहोति ॥ जुषाणा निरृतिर् वेतु स्वाहा ॥ वासः कृष्णं भिन्नान्तं दक्षिणा पुनर् एत्यानुमत्या अष्टाकपालेन प्रचरन्ति धेनुर् दक्षिणाथ य उदञ्चः शम्याम् अतिशीयन्ते तान् उदङ् परेत्य वल्मीकवपाम् उद्रुज्य जुहुयात् ॥ इदम् अहम् अमुष्यामुष्यायणस्य क्षेत्रियम् अवयजे ॥ तत् पुनर् अपिदधाति ॥ इदम् अहम् अमुष्यामुष्यायणस्य क्षेत्रियम् अपिदधामि ॥ श्वो भूत आदित्येभ्यो भुवद्वद्भ्यो घृते चरुर् वरो दक्षिणा श्वो भूत आग्नावैष्णव एकादशकपालो ऽनड्वान् वामनो दक्षिणा श्वो भूते ऽग्नीषोमीया एकादशकपालो हिरण्यं दक्षिणा श्वो भूत ऐन्द्राग्न एकादशकपालो ऽनड्वान् ऋषभो दक्षिणा श्वो भूत आग्नेयो ऽष्टाकपालो माहेन्द्रं दधि वासः क्षौमं दक्षिणा
anumatyā aṣṭākapālaṃ nirvapanti ye pratyañcaḥ śamyām atiśīyante tan nairṛtam ekakapālam ubhau saha śṛtau kurvanti nairṛtena pūrveṇa pracaranti dakṣiṇā paretya svakṛtā iriṇa ekolmukaṃ nidhāya visraṃsikāyāḥ kāṇḍābhyāṃ juhoti // juṣāṇā nirṛtir vetu svāhā // vāsaḥ kṛṣṇaṃ bhinnāntaṃ dakṣiṇā punar etyānumatyā aṣṭākapālena pracaranti dhenur dakṣiṇātha ya udañcaḥ śamyām atiśīyante tān udaṅ paretya valmīkavapām udrujya juhuyāt // idam aham amuṣyāmuṣyāyaṇasya kṣetriyam avayaje // tat punar apidadhāti // idam aham amuṣyāmuṣyāyaṇasya kṣetriyam apidadhāmi // śvo bhūta ādityebhyo bhuvadvadbhyo ghṛte carur varo dakṣiṇā śvo bhūta āgnāvaiṣṇava ekādaśakapālo 'naḍvān vāmano dakṣiṇā śvo bhūte 'gnīṣomīyā ekādaśakapālo hiraṇyaṃ dakṣiṇā śvo bhūta aindrāgna ekādaśakapālo 'naḍvān ṛṣabho dakṣiṇā śvo bhūta āgneyo 'ṣṭākapālo māhendraṃ dadhi vāsaḥ kṣaumaṃ dakṣiṇā
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.