वसन्तेन ऋतुना देवा वसवस् त्रिवृता स्तुतम् । रथन्तरेण तेजसा हविर् इन्द्रे वयो दधुः ॥ ग्रीष्मेण ऋतुना देवा रुद्राः पञ्चदशे स्तुतम् । बृहता यशसा बलं हविर् इन्द्रे वयो दधुः ॥ वर्षाभिर् ऋतुनादित्याः स्तोमे सप्तदशे स्तुतम् । वैरूपेण विशौजसा हविर् इन्द्रे वयो दधुः ॥ शारदेन ऋतुना देवा एकविंश ऋभवः स्तुतम् । वैराजेन श्रिया श्रियं हविर् इन्द्रे वयो दधुः ॥ हेमन्तेन ऋतुना देवास् त्रिणवे मरुतः स्तुतम् । बलेन शक्वरीः सहो हविर् इन्द्रे वयो दधुः ॥ शैशिरेण ऋतुना देवास् त्रयस्त्रिंशे ऽमृतं स्तुतम् । सत्येन रेवतीः क्षत्रं हविर् इन्द्रे वयो दधुः ॥ इति तृतीयकाण्डे सौत्रामणीयो नाम एकादशः प्रपाठकः
vasantena ṛtunā devā vasavas trivṛtā stutam / rathantareṇa tejasā havir indre vayo dadhuḥ // grīṣmeṇa ṛtunā devā rudrāḥ pañcadaśe stutam / bṛhatā yaśasā balaṃ havir indre vayo dadhuḥ // varṣābhir ṛtunādityāḥ stome saptadaśe stutam / vairūpeṇa viśaujasā havir indre vayo dadhuḥ // śāradena ṛtunā devā ekaviṃśa ṛbhavaḥ stutam / vairājena śriyā śriyaṃ havir indre vayo dadhuḥ // hemantena ṛtunā devās triṇave marutaḥ stutam / balena śakvarīḥ saho havir indre vayo dadhuḥ // śaiśireṇa ṛtunā devās trayastriṃśe 'mṛtaṃ stutam / satyena revatīḥ kṣatraṃ havir indre vayo dadhuḥ // iti tṛtīyakāṇḍe sautrāmaṇīyo nāma ekādaśaḥ prapāṭhakaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.