यो वा अग्निम् अयोनिम् अनायतनं चिनुते ऽयोनिर् अनायतनो भवत्य् आपो वा अग्नेर् योनिर् यत् कुम्भेष्टका उपदधाति योनिमन्तम् एवायतनवन्तम् अग्निं चिनुते योनिमान् आयतनवान् भवत्य् अधरसपत्नो ऽग्निश् चेतव्या इत्य् आहुर् आपो वा अग्नेः सपत्नो यत् कुम्भेष्टका उपदधात्य् अधरसपत्नम् एवाग्निं चिनुते ऽधरो ऽस्मात् पाप्मा भवत्य् अधरः सपत्नः शुग् वा अग्निर् आपः शान्तिर् यत् कुम्भेष्टका उपदधाति शान्त्यै यत् कुम्भाश् च कुम्भ्यश् च तन् मिथुनं यद् द्वन्द्वं प्रजात्यै द्वादशोपदधाति द्वादश मासाः संवत्सरः संवत्सरम् एवाप्त्वावरुन्द्धे नैवारश् चरुस् त्रयोदशो भवत्य् अस्ति मासस् त्रयोदशस् तम् एवैतेनाप्त्वावरुन्द्धे पयसि भवति यत् पयो ग्राम्यं तेनान्नाद्यम् अवरुन्द्धे यन् नीवारा आरण्यं तेन तेनैव तद् उभयम् अवरुन्द्धे ॥ इत्य् उपरिकाण्डे वसोर्धारीयः चतुर्थः प्रपाठकः
yo vā agnim ayonim anāyatanaṃ cinute 'yonir anāyatano bhavaty āpo vā agner yonir yat kumbheṣṭakā upadadhāti yonimantam evāyatanavantam agniṃ cinute yonimān āyatanavān bhavaty adharasapatno 'gniś cetavyā ity āhur āpo vā agneḥ sapatno yat kumbheṣṭakā upadadhāty adharasapatnam evāgniṃ cinute 'dharo 'smāt pāpmā bhavaty adharaḥ sapatnaḥ śug vā agnir āpaḥ śāntir yat kumbheṣṭakā upadadhāti śāntyai yat kumbhāś ca kumbhyaś ca tan mithunaṃ yad dvandvaṃ prajātyai dvādaśopadadhāti dvādaśa māsāḥ saṃvatsaraḥ saṃvatsaram evāptvāvarunddhe naivāraś carus trayodaśo bhavaty asti māsas trayodaśas tam evaitenāptvāvarunddhe payasi bhavati yat payo grāmyaṃ tenānnādyam avarunddhe yan nīvārā āraṇyaṃ tena tenaiva tad ubhayam avarunddhe // ity uparikāṇḍe vasordhārīyaḥ caturthaḥ prapāṭhakaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.