रूपं : ⟨ रूपम् रूपं : फ़्न् एमेन्देद्। एद्।: रपं। ऊर्ध्वबाहुं : फ़्न् एमेन्देद्। एद्।: ऊर्ध्वबाहुस्। धर्मधिकरि, प्।४८५ दिश एनं व्यास्थापयति वज्रेण वा एतद् इमा दिशो ऽभिजयति तस्माद् वा एतस्य सर्वा दिशो ऽभिजिता यांयाम् अभिपर्यावर्तते दिशो वै स्वर्गो लोक एतद्देवत्या वा इमा दिशो यथादेवतं वा एतद् आभ्यो दिग्भ्यो ऽधि स्वर्गं लोकम् एति सोमस्य त्विषिर् असि त्विषिमत् तवेव मे त्विषिर् भूयाद् इति व्याघ्रचर्मं विवेष्टयति सोमे वा एका त्विषिर् व्याघ्र एका सर्प एका ता एवावरुन्द्धे प्रत्यस्तं नमुचेः शिरा इति सीसं पण्डगाय प्रत्यस्यति पाप्मा वै नमुचेः शिरः पाप्मानं वावास्मा एतत् प्रत्यस्यति स्वर्गं लोकम् अभ्यारोहन्न् अवेष्टा दन्दशूका इति लोहितायसं केशवापाय दन्दशूकान् एवास्मात् तेन निरवदयते तस्माद् वा एतस्य नाभिचारो ऽस्ति यावन्तो हि मृत्यवस् तान् अस्मान् निरवदयते मृत्योः पाहीति रजतं रुक्मम् अधस्ताद् उपोहते मृत्योर् वा एतद् रूपं यद् व्याघ्रो ऽमृतं हिरण्यम् अमृतेनैव मृत्युम् अन्तर्धत्ते दिदिवः पाहीति हरितं रुक्मम् उपरिष्टाद् अध्यूहते दिव्याया एवैनम् अशन्या योयावेयं वै रजतासौ हरिण्य् आभ्याम् एवैनं परिगृह्यायुर् वै हिरण्यम् आयुष्या एवैनम् अभ्यतिक्षरन्ति वर्चो वै हिरण्यं वर्चस्या एवैनम् अभ्यतिक्षरन्ति वरुणस्य वा अभिषिच्यमानस्याप इन्द्रियं वीर्यं निरघ्नन् यद् रुक्मम् अन्तर्दधातीन्द्रियस्य वीर्यस्यानिर्घाताय शतमानो भवति शतक्षरः शतायुर् वै पुरुषः शतवीर्य आयुर् एव वीर्यम् आप्नोति
rūpaṃ : ⟨ rūpam rūpaṃ : FN emended. Ed.: rapaṃ. ūrdhvabāhuṃ : FN emended. Ed.: ūrdhvabāhus. Dharmadhikari, p.485 diśa enaṃ vyāsthāpayati vajreṇa vā etad imā diśo 'bhijayati tasmād vā etasya sarvā diśo 'bhijitā yāṃyām abhiparyāvartate diśo vai svargo loka etaddevatyā vā imā diśo yathādevataṃ vā etad ābhyo digbhyo 'dhi svargaṃ lokam eti somasya tviṣir asi tviṣimat taveva me tviṣir bhūyād iti vyāghracarmaṃ viveṣṭayati some vā ekā tviṣir vyāghra ekā sarpa ekā tā evāvarunddhe pratyastaṃ namuceḥ śirā iti sīsaṃ paṇḍagāya pratyasyati pāpmā vai namuceḥ śiraḥ pāpmānaṃ vāvāsmā etat pratyasyati svargaṃ lokam abhyārohann aveṣṭā dandaśūkā iti lohitāyasaṃ keśavāpāya dandaśūkān evāsmāt tena niravadayate tasmād vā etasya nābhicāro 'sti yāvanto hi mṛtyavas tān asmān niravadayate mṛtyoḥ pāhīti rajataṃ rukmam adhastād upohate mṛtyor vā etad rūpaṃ yad vyāghro 'mṛtaṃ hiraṇyam amṛtenaiva mṛtyum antardhatte didivaḥ pāhīti haritaṃ rukmam upariṣṭād adhyūhate divyāyā evainam aśanyā yoyāveyaṃ vai rajatāsau hariṇy ābhyām evainaṃ parigṛhyāyur vai hiraṇyam āyuṣyā evainam abhyatikṣaranti varco vai hiraṇyaṃ varcasyā evainam abhyatikṣaranti varuṇasya vā abhiṣicyamānasyāpa indriyaṃ vīryaṃ niraghnan yad rukmam antardadhātīndriyasya vīryasyānirghātāya śatamāno bhavati śatakṣaraḥ śatāyur vai puruṣaḥ śatavīrya āyur eva vīryam āpnoti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.