मनोर् वै पात्राण्य् आसंस् तेषां समाहन्यमानानां यावन्तो ऽसुरा उपाशृण्वंस् तावन्तस् तद् अहर् नाभवन्न् अथ वा एतौ तर्ह्य् असुराणां ब्राह्मणा आस्तां तृष्टावरुत्री ता अब्रुवंश् चिकित्सतं ना इति ता अब्रूतां मनो यज्वा वै श्रद्धादेवो ऽसीमानि नौ पात्राणि देहीति तानि वा आभ्याम् अददात् तान्य् अग्निना समक्षापयतां तान् ज्वालान् ऋषभः समलेट् तं सा मेनिर् अन्वपद्यत तस्य रुवतो यावन्तो ऽसुरा उपाशृण्वंस् तावन्तस् तद् अहर् नाभवंस् ता अब्रूतां मनो यज्वा वै श्रद्धादेवो ऽस्य् अनेन त्व ऋषभेण याजयावेति तेन वा एनम् अयाजयतां तस्य श्रोणिम् अनवत्तां सुपर्ण उदमथ्नात् सा मनाय्या उपस्थम् आपद्यत तां सा मेनिर् अन्वपद्यत तस्या वदन्त्या यावन्तो ऽसुरा उपाशृण्वंस् तावन्तस् तद् अहर् नाभवंस् ता अब्रूतां मनो यज्वा वै श्रद्धादेवो ऽस्य् अनया त्वा पत्न्या याजयावेति तां प्रोक्ष्य पर्यग्निं कृत्वेध्माबर्हिर् अछैतां स इन्द्रो ऽवेद् इमे वै ते असुरमाये मनुं पत्न्या व्यर्धयता इति तम् इन्द्रो ब्राह्मणो ब्रुवाण उपैत् सो ऽब्रवीन् मनो यज्वा वै श्रद्धादेवो ऽसि याजयानि त्वा कतमस् त्वम् असि ब्राह्मणः ॥ मनाय्या : फ़्न् चोर्रेच्तुरेन् उन्द् चोन्जेच्तुरेन् ज़ु देम् गन्ज़ेन् Wएर्क्। किं ब्राह्मणस्य पितरं किम् उ पृछसि मातरम् । श्रुतं चेद् अस्मिन् वेद्यं स पिता स पितामहः ॥ केनेत्य् आभ्यां ब्राह्मणाभ्याम् इतीशे ऽहं ब्राह्मणयोर् इतीशिष हीत्य् अब्रवीद् अतिथिपतिर् वावातिथीनाम् ईष्टा इति स द्वितीयां वेदिम् उद्धन्तुम् उपापद्यत ता इध्माबर्हिर् बिभ्रता ऐतां ता अब्रूतां किम् इदं करोषीतीमं मनुं याजयिष्यामीति केनेति युवाभ्याम् इति ता अवित्ताम् इन्द्रो वावेति तौ न्यस्येध्माबर्हिः पलायेतां तौ यद् अधावतां परस्ताद् एवेन्द्रः प्रत्यौत् ॥ पलायेताम् : फ़्न् चोर्रेच्तुरेन् उन्द् चोन्जेच्तुरेन् ज़ु देम् गन्ज़ेन् Wएर्क्। तौ वृशश् चैवाषश् चाभवतां तद् वृशस्य चैवाषस्य च जन्म स मनुर् इन्द्रम् अब्रवीत् सं मे यज्ञं स्थापय मा मे यज्ञो विकृष्टो भूद् इति सो ऽब्रवीद् यत्काम एताम् आलब्धाः स ते कामः समृध्यताम् अथोत्सृजेति तां वा उदसृजत् तद् ऋद्ध्या एव पात्नीवतस् त्वाष्ट्रः स्यात् त्वाष्ट्रा हि पशवो ऽवाचीनं नाभ्याः कार्यो ऽवाचीनं हि नाभ्याः स्त्रिया वीर्यवद् व्यवव्लिनाति वा एकादशिनी यज्ञं यत् पात्नीवतः प्रत्युत्तब्ध्यै
manor vai pātrāṇy āsaṃs teṣāṃ samāhanyamānānāṃ yāvanto 'surā upāśṛṇvaṃs tāvantas tad ahar nābhavann atha vā etau tarhy asurāṇāṃ brāhmaṇā āstāṃ tṛṣṭāvarutrī tā abruvaṃś cikitsataṃ nā iti tā abrūtāṃ mano yajvā vai śraddhādevo 'sīmāni nau pātrāṇi dehīti tāni vā ābhyām adadāt tāny agninā samakṣāpayatāṃ tān jvālān ṛṣabhaḥ samaleṭ taṃ sā menir anvapadyata tasya ruvato yāvanto 'surā upāśṛṇvaṃs tāvantas tad ahar nābhavaṃs tā abrūtāṃ mano yajvā vai śraddhādevo 'sy anena tva ṛṣabheṇa yājayāveti tena vā enam ayājayatāṃ tasya śroṇim anavattāṃ suparṇa udamathnāt sā manāyyā upastham āpadyata tāṃ sā menir anvapadyata tasyā vadantyā yāvanto 'surā upāśṛṇvaṃs tāvantas tad ahar nābhavaṃs tā abrūtāṃ mano yajvā vai śraddhādevo 'sy anayā tvā patnyā yājayāveti tāṃ prokṣya paryagniṃ kṛtvedhmābarhir achaitāṃ sa indro 'ved ime vai te asuramāye manuṃ patnyā vyardhayatā iti tam indro brāhmaṇo bruvāṇa upait so 'bravīn mano yajvā vai śraddhādevo 'si yājayāni tvā katamas tvam asi brāhmaṇaḥ // manāyyā : FN Correcturen und Conjecturen zu dem ganzen Werk. kiṃ brāhmaṇasya pitaraṃ kim u pṛchasi mātaram / śrutaṃ ced asmin vedyaṃ sa pitā sa pitāmahaḥ // kenety ābhyāṃ brāhmaṇābhyām itīśe 'haṃ brāhmaṇayor itīśiṣa hīty abravīd atithipatir vāvātithīnām īṣṭā iti sa dvitīyāṃ vedim uddhantum upāpadyata tā idhmābarhir bibhratā aitāṃ tā abrūtāṃ kim idaṃ karoṣītīmaṃ manuṃ yājayiṣyāmīti keneti yuvābhyām iti tā avittām indro vāveti tau nyasyedhmābarhiḥ palāyetāṃ tau yad adhāvatāṃ parastād evendraḥ pratyaut // palāyetām : FN Correcturen und Conjecturen zu dem ganzen Werk. tau vṛśaś caivāṣaś cābhavatāṃ tad vṛśasya caivāṣasya ca janma sa manur indram abravīt saṃ me yajñaṃ sthāpaya mā me yajño vikṛṣṭo bhūd iti so 'bravīd yatkāma etām ālabdhāḥ sa te kāmaḥ samṛdhyatām athotsṛjeti tāṃ vā udasṛjat tad ṛddhyā eva pātnīvatas tvāṣṭraḥ syāt tvāṣṭrā hi paśavo 'vācīnaṃ nābhyāḥ kāryo 'vācīnaṃ hi nābhyāḥ striyā vīryavad vyavavlināti vā ekādaśinī yajñaṃ yat pātnīvataḥ pratyuttabdhyai
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.