Mahayanasutralamkara 17

महायानसूत्रालंकारे पारमिताधिकारः [षोडशः] समाप्तः सप्तदशो ऽधिकारः बुद्धपूजाविभागे सप्त श्लोकाः । संमुखं विमुखं पूजा बुद्धानां चीवरादिभिः । गाढप्रसन्नचित्तस्य संभारद्वयपूरये

mahāyānasūtrālaṃkāre pāramitādhikāraḥ [ṣoḍaśaḥ] samāptaḥ saptadaśo 'dhikāraḥ buddhapūjāvibhāge sapta ślokāḥ / saṃmukhaṃ vimukhaṃ pūjā buddhānāṃ cīvarādibhiḥ / gāḍhaprasannacittasya saṃbhāradvayapūraye

Sanskrit only: no published translation is held for this verse.

अबन्ध्यबुद्धजन्मत्वे प्रणिधानवतः सतः । त्रयस्यानुपलम्भस्तु निष्पन्ना बुद्धपूजा

abandhyabuddhajanmatve praṇidhānavataḥ sataḥ / trayasyānupalambhastu niṣpannā buddhapūjā

Sanskrit only: no published translation is held for this verse.

सत्वानामप्रमेयानां परिपाकाय चापरा । उपधेश्चित्ततश्चान्या अधिमुक्तेर्निधानतः

satvānāmaprameyānāṃ paripākāya cāparā / upadheścittataścānyā adhimukternidhānataḥ

Sanskrit only: no published translation is held for this verse.

अनुकम्पाक्षमाभ्यां च समुदाचारतो ऽपरा । वस्त्वाभोगावबोधाच्च विमुक्तेश्च तथात्वतः

anukampākṣamābhyāṃ ca samudācārato 'parā / vastvābhogāvabodhācca vimukteśca tathātvataḥ

Sanskrit only: no published translation is held for this verse.

आश्रयाद्वस्तुतः पूजा निमित्तात्परिणामनात् । हेतुतो ज्ञानतः क्षेत्रान्निश्रयाच्च प्रदर्शिता

āśrayādvastutaḥ pūjā nimittātpariṇāmanāt / hetuto jñānataḥ kṣetrānniśrayācca pradarśitā

Sanskrit only: no published translation is held for this verse.

हेतुतः फलतश्चैव आत्मना च परैरपि । लाभसत्कारतश्चैव प्रतिपत्तेर्द्विधा च सा

hetutaḥ phalataścaiva ātmanā ca parairapi / lābhasatkārataścaiva pratipatterdvidhā ca sā

Sanskrit only: no published translation is held for this verse.

परीत्ता महती पूजा समानामानिका च सा । प्रयोगाद्गतितश्चैव प्रणिधानाच्च सा मता

parīttā mahatī pūjā samānāmānikā ca sā / prayogādgatitaścaiva praṇidhānācca sā matā

Sanskrit only: no published translation is held for this verse.

बुद्धेषु पूजा परमा स्वचित्तात् धर्माधिमुक्त्याशयतो विभुत्वात् । अकल्पनोपायपरिग्रहेण सर्वैककार्यत्वनिवेशतश्च

buddheṣu pūjā paramā svacittāt dharmādhimuktyāśayato vibhutvāt / akalpanopāyaparigraheṇa sarvaikakāryatvaniveśataśca

Sanskrit only: no published translation is held for this verse.

आश्रयाद्वस्तुतः सेवा निमित्तात्परिणामनात् । हेतुतो ज्ञानतः क्षेत्रान्निश्रयाच्च प्रदर्शिता

āśrayādvastutaḥ sevā nimittātpariṇāmanāt / hetuto jñānataḥ kṣetrānniśrayācca pradarśitā

Sanskrit only: no published translation is held for this verse.

मित्रं श्रयेद्दान्तशमोपशान्तं गुणाधिकं सोद्यममागमाढ्यं । प्रबुद्धतत्वं वचसाभ्युपेतं कृपात्मकं खेदविवर्जितं च

mitraṃ śrayeddāntaśamopaśāntaṃ guṇādhikaṃ sodyamamāgamāḍhyaṃ / prabuddhatatvaṃ vacasābhyupetaṃ kṛpātmakaṃ khedavivarjitaṃ ca

Sanskrit only: no published translation is held for this verse.

सत्कारलाभैः परिचर्यया च सेवेत मित्रं प्रतिपत्तितश्च । धर्मे तथाज्ञाशय एव धीमान् मित्रं प्रगच्छेत्समये नतश्च

satkāralābhaiḥ paricaryayā ca seveta mitraṃ pratipattitaśca / dharme tathājñāśaya eva dhīmān mitraṃ pragacchetsamaye nataśca

Sanskrit only: no published translation is held for this verse.

सत्कारलाभेषु गतस्पृहो ऽसौ प्रपत्तये तं परिणामयेच्च । यथानुशिष्टप्रतिपत्तितश्च संराधयेच्चित्तमतो ऽस्य धीरः

satkāralābheṣu gataspṛho 'sau prapattaye taṃ pariṇāmayecca / yathānuśiṣṭapratipattitaśca saṃrādhayeccittamato 'sya dhīraḥ

Sanskrit only: no published translation is held for this verse.

यानत्रये कौशलमेत्य बुद्ध्या स्वस्यैव यानस्य यतेत सिद्धौ । इति मानत्रयकौशलात् ज्ञानं । सत्वानमेयान्परिपाचनाय क्षेत्रस्य शुद्धस्य च साधनाय

yānatraye kauśalametya buddhyā svasyaiva yānasya yateta siddhau / iti mānatrayakauśalāt jñānaṃ / satvānameyānparipācanāya kṣetrasya śuddhasya ca sādhanāya

Sanskrit only: no published translation is held for this verse.

धर्मेषु दायादगुणेन युक्तो नैवामिषेण प्रवेसत्स मित्रम् । हेतोः फलाद्धर्ममुखानुयानात्सेवेत मित्रं बहितश्च धीमान्

dharmeṣu dāyādaguṇena yukto naivāmiṣeṇa pravesatsa mitram / hetoḥ phalāddharmamukhānuyānātseveta mitraṃ bahitaśca dhīmān

Sanskrit only: no published translation is held for this verse.

श्रुतश्रवाच्चेतसि योगतश्च समाननिर्मानमनो ऽनुयोगात् । गतिप्रयोगप्रणिधानतश्च कल्याणमित्रं हि भजेत् धीमान्

śrutaśravāccetasi yogataśca samānanirmānamano 'nuyogāt / gatiprayogapraṇidhānataśca kalyāṇamitraṃ hi bhajet dhīmān

Sanskrit only: no published translation is held for this verse.

सन्मित्रसेवा परमा स्वचित्ताद् धर्माधिमुक्त्याशयतो विभुत्वैः । अकल्पनोपायपरिग्रहेण सर्वैककार्यत्वनिवेशतश्च

sanmitrasevā paramā svacittād dharmādhimuktyāśayato vibhutvaiḥ / akalpanopāyaparigraheṇa sarvaikakāryatvaniveśataśca

Sanskrit only: no published translation is held for this verse.

ब्राह्मा विपक्षहीना ज्ञानेन गताश्च निर्विकल्पेन । त्रिविधालम्बनवृत्ताः सत्वानां पाचका धीरे

brāhmā vipakṣahīnā jñānena gatāśca nirvikalpena / trividhālambanavṛttāḥ satvānāṃ pācakā dhīre

Sanskrit only: no published translation is held for this verse.

सौख्यार्थिनि दुःखार्ते सुखिते क्लिष्टे च ते प्रवर्तन्ते । तद्देशिते च धर्मे तत्तथतायां च धीराणाम्

saukhyārthini duḥkhārte sukhite kliṣṭe ca te pravartante / taddeśite ca dharme tattathatāyāṃ ca dhīrāṇām

Sanskrit only: no published translation is held for this verse.

तस्याश्च तथतार्थत्वात् क्षान्तिलाभाद्विशुद्धितः । कर्मद्वयादनालम्बा मैत्री क्लेशक्षयादपि

tasyāśca tathatārthatvāt kṣāntilābhādviśuddhitaḥ / karmadvayādanālambā maitrī kleśakṣayādapi

Sanskrit only: no published translation is held for this verse.

ते निश्चलाश्च चलाश्च कृपणैरास्वादिता न च ज्ञेयाः । अचलेषु बोधिसत्त्वाः प्रतिष्ठिताः सक्तिविगतेषु

te niścalāśca calāśca kṛpaṇairāsvāditā na ca jñeyāḥ / acaleṣu bodhisattvāḥ pratiṣṭhitāḥ saktivigateṣu

Sanskrit only: no published translation is held for this verse.

असमाहितस्वभावा मृदुमध्या हीनभूमिका ये ऽपि । हीनाशयाः समाना हीनास्ते ह्यन्यथा त्वधिकाः

asamāhitasvabhāvā mṛdumadhyā hīnabhūmikā ye 'pi / hīnāśayāḥ samānā hīnāste hyanyathā tvadhikāḥ

Sanskrit only: no published translation is held for this verse.

ब्राह्म्यैर्विहृतविहारः कामिषु संजायते यदा धीमान् । संभारान्पूरयते सत्वांश्च विपाचयति तेन

brāhmyairvihṛtavihāraḥ kāmiṣu saṃjāyate yadā dhīmān / saṃbhārānpūrayate satvāṃśca vipācayati tena

Sanskrit only: no published translation is held for this verse.

सर्वत्र चाविरहितो ब्राह्म्यै रहितश्च तद्विपक्षेण । तत्प्रत्ययैरपि भृशैर्न याति विकृतिं प्रमत्तो ऽपि

sarvatra cāvirahito brāhmyai rahitaśca tadvipakṣeṇa / tatpratyayairapi bhṛśairna yāti vikṛtiṃ pramatto 'pi

Sanskrit only: no published translation is held for this verse.

व्यापादविहिंसाभ्यामरतिव्यापादकामरागैश्च । युक्तो हि बोधिसत्त्वो बहुविधमादीनवं स्पृशति

vyāpādavihiṃsābhyāmarativyāpādakāmarāgaiśca / yukto hi bodhisattvo bahuvidhamādīnavaṃ spṛśati

Sanskrit only: no published translation is held for this verse.

क्लेशैर्हन्त्यात्मानं सत्वानुपहन्ति शीलमुपहन्ति । सविलेखलाभहीनो रक्षाहीनस्तथा शास्त्रा[ता]

kleśairhantyātmānaṃ satvānupahanti śīlamupahanti / savilekhalābhahīno rakṣāhīnastathā śāstrā[tā]

Sanskrit only: no published translation is held for this verse.

साधिकरणो ऽशयस्वी परत्र संजायते ऽक्षणेषु स च । प्राप्ताप्राप्तविहीनो मनसि महद् दुःखमाप्नोति

sādhikaraṇo 'śayasvī paratra saṃjāyate 'kṣaṇeṣu sa ca / prāptāprāptavihīno manasi mahad duḥkhamāpnoti

Sanskrit only: no published translation is held for this verse.

एते सर्वे दोषा मैत्र्यादिषु सुस्थितस्य न भवन्ति । अक्लिष्टः संसारं सत्वार्थं नो च संत्यजति

ete sarve doṣā maitryādiṣu susthitasya na bhavanti / akliṣṭaḥ saṃsāraṃ satvārthaṃ no ca saṃtyajati

Sanskrit only: no published translation is held for this verse.

न तथैकपुत्रकेष्वपि गुणवत्स्वपि भवति सर्वसत्वानां । मैत्र्यादिचेतनेयं सत्वेषु यथा जिनसुतानां

na tathaikaputrakeṣvapi guṇavatsvapi bhavati sarvasatvānāṃ / maitryādicetaneyaṃ satveṣu yathā jinasutānāṃ

Sanskrit only: no published translation is held for this verse.

प्रदीप्तान् शत्रुवशगान् दुःखाक्रान्तांस्तमोवृतान् । दुर्गमार्गसमारूढान्महाबन्धनसंयुतान्

pradīptān śatruvaśagān duḥkhākrāntāṃstamovṛtān / durgamārgasamārūḍhānmahābandhanasaṃyutān

Sanskrit only: no published translation is held for this verse.

महाशनविषाक्रान्तलोलान्मार्गप्रनष्टकान् । उत्पथप्रस्थितान् सत्वान्दुर्बलान् करुणायते

mahāśanaviṣākrāntalolānmārgapranaṣṭakān / utpathaprasthitān satvāndurbalān karuṇāyate

Sanskrit only: no published translation is held for this verse.

हेठापहं ह्युत्तमबोधिबीजं सुखावहं ताय[प]कमिष्टहेतुं । स्वभावदं धर्ममुपाश्रितस्य बोधिर्न दूरे जिनात्मजस्य

heṭhāpahaṃ hyuttamabodhibījaṃ sukhāvahaṃ tāya[pa]kamiṣṭahetuṃ / svabhāvadaṃ dharmamupāśritasya bodhirna dūre jinātmajasya

Sanskrit only: no published translation is held for this verse.

विज्ञाय संसारगतं समग्रं दुःखात्मकं चैव निरात्मकं च । नोद्वेगमायाति न चापि दोषैः प्रबाध्यते कारुणिको ऽग्रबुद्धिः

vijñāya saṃsāragataṃ samagraṃ duḥkhātmakaṃ caiva nirātmakaṃ ca / nodvegamāyāti na cāpi doṣaiḥ prabādhyate kāruṇiko 'grabuddhiḥ

Sanskrit only: no published translation is held for this verse.

दुःखात्मकं लोकमवेक्षमाणो दुःखायते वेत्ति च तद्यथावत् । तस्याभ्युपायं परिवर्जने च न खेदमायत्यपि वा कृपालुः

duḥkhātmakaṃ lokamavekṣamāṇo duḥkhāyate vetti ca tadyathāvat / tasyābhyupāyaṃ parivarjane ca na khedamāyatyapi vā kṛpāluḥ

Sanskrit only: no published translation is held for this verse.

कृपा प्रकृत्या प्रतिसंख्यया च पूर्वं तदभ्यासविधानयोगात् । विपक्षहीना च विशुद्धिलाभात् चतुर्विधेयं करूणात्मकानां

kṛpā prakṛtyā pratisaṃkhyayā ca pūrvaṃ tadabhyāsavidhānayogāt / vipakṣahīnā ca viśuddhilābhāt caturvidheyaṃ karūṇātmakānāṃ

Sanskrit only: no published translation is held for this verse.

न सा कृपा या न समा सदा वा नाध्याशयाद्वा प्रतिपत्तितो वा । वैराग्यतो नानुपलम्भतो वा न बोधिसत्त्वो ह्यकृपस्तथा यः

na sā kṛpā yā na samā sadā vā nādhyāśayādvā pratipattito vā / vairāgyato nānupalambhato vā na bodhisattvo hyakṛpastathā yaḥ

Sanskrit only: no published translation is held for this verse.

करुणा क्षान्तिश्चिन्ता प्रणिधानं जन्मसत्वपरिपाकः । करुणातरुरेष महान्मूलादिः पुष्पपत्र[पश्चिमाग्र] (पश्चिमान्त)फलः

karuṇā kṣāntiścintā praṇidhānaṃ janmasatvaparipākaḥ / karuṇātarureṣa mahānmūlādiḥ puṣpapatra[paścimāgra] (paścimānta)phalaḥ

Sanskrit only: no published translation is held for this verse.

मूलं करुणा न भवेद् दुष्करचर्यासहिष्णुता न भवेत् । दुःखाक्षमश्च धीमान् सत्वार्थं चिन्तयेन्नैव

mūlaṃ karuṇā na bhaved duṣkaracaryāsahiṣṇutā na bhavet / duḥkhākṣamaśca dhīmān satvārthaṃ cintayennaiva

Sanskrit only: no published translation is held for this verse.

चिन्ताविहीनबुद्धिः प्रणिधानं शुक्लजन्मसु न कुर्यात् । शुभजन्माननुगच्छन्सत्वान्परिपाचयेन्नैव

cintāvihīnabuddhiḥ praṇidhānaṃ śuklajanmasu na kuryāt / śubhajanmānanugacchansatvānparipācayennaiva

Sanskrit only: no published translation is held for this verse.

करुणासेको मैत्री तद्दुःखे सौख्यतो विपुलपुष्टिः । शाखावृद्धिर्विशदा योनिमनस्कारतो ज्ञेया

karuṇāseko maitrī tadduḥkhe saukhyato vipulapuṣṭiḥ / śākhāvṛddhirviśadā yonimanaskārato jñeyā

Sanskrit only: no published translation is held for this verse.

पर्णत्यागादानं प्रणिधीनां संततेरनुच्छेदात् । द्विविधप्रत्ययसिद्धेः पुष्पमबन्ध्यं फलं चास्मात्

parṇatyāgādānaṃ praṇidhīnāṃ saṃtateranucchedāt / dvividhapratyayasiddheḥ puṣpamabandhyaṃ phalaṃ cāsmāt

Sanskrit only: no published translation is held for this verse.

कः कुर्वीत न करुणां सत्वेषु महाकृपागुणकरेषु । दुःखे ऽपि सौख्यमतुलं भवति यदेषां कृपाजनितं

kaḥ kurvīta na karuṇāṃ satveṣu mahākṛpāguṇakareṣu / duḥkhe 'pi saukhyamatulaṃ bhavati yadeṣāṃ kṛpājanitaṃ

Sanskrit only: no published translation is held for this verse.

अविष्टानां कृपया न तिष्ठति मनः शमे कृपालूनां । कुत एव लोकसौख्ये स्वजीविते वा भवेत्स्नेहः

aviṣṭānāṃ kṛpayā na tiṣṭhati manaḥ śame kṛpālūnāṃ / kuta eva lokasaukhye svajīvite vā bhavetsnehaḥ

Sanskrit only: no published translation is held for this verse.

स्नेहो न विद्यते ऽसौ यो ऽनिरवद्यो न लौकिको यश्च । धीमत्सु कृपास्नेहो निरवद्यो लोकसमतीतः

sneho na vidyate 'sau yo 'niravadyo na laukiko yaśca / dhīmatsu kṛpāsneho niravadyo lokasamatītaḥ

Sanskrit only: no published translation is held for this verse.

दुःखाज्ञानमहौघे महान्धकारे च निश्रितं लोकं । उद्धर्तुं य उपायः कथमिव न स्यात्स निरवद्यः

duḥkhājñānamahaughe mahāndhakāre ca niśritaṃ lokaṃ / uddhartuṃ ya upāyaḥ kathamiva na syātsa niravadyaḥ

Sanskrit only: no published translation is held for this verse.

स्नेहो न सो ऽस्त्यरिहतां लोके प्रत्येकबोधिबुद्धानां । प्रागेव तदन्येषां कथमिव लोकोत्तरो न स्यात्

sneho na so 'styarihatāṃ loke pratyekabodhibuddhānāṃ / prāgeva tadanyeṣāṃ kathamiva lokottaro na syāt

Sanskrit only: no published translation is held for this verse.

दुःखाभावे दुःखं यत्कृपया भवति बोधिसत्त्वानां । संत्रासयति तदादौ स्पृष्टं त्वभिनन्दयति गाढं

duḥkhābhāve duḥkhaṃ yatkṛpayā bhavati bodhisattvānāṃ / saṃtrāsayati tadādau spṛṣṭaṃ tvabhinandayati gāḍhaṃ

Sanskrit only: no published translation is held for this verse.

किमतः परमाश्चर्यं यद् दुःखं सौख्यमभिभवति सर्व । कृपया जनितं लौक्यं येन विमुक्तो अपि कृतार्थः

kimataḥ paramāścaryaṃ yad duḥkhaṃ saukhyamabhibhavati sarva / kṛpayā janitaṃ laukyaṃ yena vimukto api kṛtārthaḥ

Sanskrit only: no published translation is held for this verse.

कृपया सहितं दानं यद्दानसुखं करोति धीराणां । त्रैधातुकमुपभोगैर्न तत्सुखं तत्कलां स्पृशति

kṛpayā sahitaṃ dānaṃ yaddānasukhaṃ karoti dhīrāṇāṃ / traidhātukamupabhogairna tatsukhaṃ tatkalāṃ spṛśati

Sanskrit only: no published translation is held for this verse.

दुःखमयं संसारं यत्कृपया न त्यजति सत्वार्थं । परहितहेतोर्दुःखं किं कारूणिकैर्न समुपेतम्

duḥkhamayaṃ saṃsāraṃ yatkṛpayā na tyajati satvārthaṃ / parahitahetorduḥkhaṃ kiṃ kārūṇikairna samupetam

Sanskrit only: no published translation is held for this verse.

करूणा दानं भोगाः सदा कृपालोर्विवृद्धिमुपयान्ति । स्नेहानुग्रहजनितं तच्छक्तिकृतं सुखं चास्मात्

karūṇā dānaṃ bhogāḥ sadā kṛpālorvivṛddhimupayānti / snehānugrahajanitaṃ tacchaktikṛtaṃ sukhaṃ cāsmāt

Sanskrit only: no published translation is held for this verse.

वर्धे च वर्धयामि च दाने परिपाचयामि सुखयामि । आकर्षामि नयामि च करुणा सन्नान्प्रवदतीव

vardhe ca vardhayāmi ca dāne paripācayāmi sukhayāmi / ākarṣāmi nayāmi ca karuṇā sannānpravadatīva

Sanskrit only: no published translation is held for this verse.

दुःखे दुःखी कृपया सुखान्यनाधाय केन सुखितः स्यात् । सुखयत्यात्मानमतः कृपालुराधाय परसौख्यम्

duḥkhe duḥkhī kṛpayā sukhānyanādhāya kena sukhitaḥ syāt / sukhayatyātmānamataḥ kṛpālurādhāya parasaukhyam

Sanskrit only: no published translation is held for this verse.

स्वं दानं कारूणिकः शास्तीव सदैव निःस्वसुखकामः । भोगैः सुखय परं वा मामप्ययुतसौख्यम्

svaṃ dānaṃ kārūṇikaḥ śāstīva sadaiva niḥsvasukhakāmaḥ / bhogaiḥ sukhaya paraṃ vā māmapyayutasaukhyam

Sanskrit only: no published translation is held for this verse.

सफलं दानं दत्तं तन्मे सत्वेषु तत्सुखसुखेन । फल तेष्वेव निकामं यदि मे कर्तव्यता ते ऽस्ति

saphalaṃ dānaṃ dattaṃ tanme satveṣu tatsukhasukhena / phala teṣveva nikāmaṃ yadi me kartavyatā te 'sti

Sanskrit only: no published translation is held for this verse.

भोगेद्वेष्टुर्दातुर्भोगा बहुशुभतरोपसर्पन्ति । न हि तत्सुखं मतं मे दाने पारंपरो ऽस्मि यतः

bhogedveṣṭurdāturbhogā bahuśubhataropasarpanti / na hi tatsukhaṃ mataṃ me dāne pāraṃparo 'smi yataḥ

Sanskrit only: no published translation is held for this verse.

सर्वास्तिपरित्यागे यत्कृपया मां निरीक्षसे सततं । ननु ते तेन ज्ञेयं न मत्फलेनार्थिता ऽस्येति

sarvāstiparityāge yatkṛpayā māṃ nirīkṣase satataṃ / nanu te tena jñeyaṃ na matphalenārthitā 'syeti

Sanskrit only: no published translation is held for this verse.

दानाभिरतो न स्यां प्राप्तं चेत्तत्फलं न विसृजेयं । क्षणमपि दानेन विना दानाभिरतो भवति नैव

dānābhirato na syāṃ prāptaṃ cettatphalaṃ na visṛjeyaṃ / kṣaṇamapi dānena vinā dānābhirato bhavati naiva

Sanskrit only: no published translation is held for this verse.

अकृतं न फलसि यस्मात्प्रतिकारापेक्षया न मे तुल्यं । प्रतिकारनिर्व्यपेक्षः परत्र फलदो ऽस्य कामं ते

akṛtaṃ na phalasi yasmātpratikārāpekṣayā na me tulyaṃ / pratikāranirvyapekṣaḥ paratra phalado 'sya kāmaṃ te

Sanskrit only: no published translation is held for this verse.

निरवद्यं शुद्धपदं हितावहं चैव सानुरक्षं च । निर्मृग्यं निर्लेपं जिनात्मजानां कृपादानम्

niravadyaṃ śuddhapadaṃ hitāvahaṃ caiva sānurakṣaṃ ca / nirmṛgyaṃ nirlepaṃ jinātmajānāṃ kṛpādānam

Sanskrit only: no published translation is held for this verse.

सकलं विपुलं श्रेष्ठं सततं मुदितं निरामिषं शुद्धं । बोधिनतं कुशलनतं जिनात्मजानां कृषादानम्

sakalaṃ vipulaṃ śreṣṭhaṃ satataṃ muditaṃ nirāmiṣaṃ śuddhaṃ / bodhinataṃ kuśalanataṃ jinātmajānāṃ kṛṣādānam

Sanskrit only: no published translation is held for this verse.

न तथोपभोगतुष्टिं लभते भोगी यथा परित्यागात् । तुष्टिमुपैति कृपालुः सुखत्रयाप्यायितमनस्कः

na tathopabhogatuṣṭiṃ labhate bhogī yathā parityāgāt / tuṣṭimupaiti kṛpāluḥ sukhatrayāpyāyitamanaskaḥ

Sanskrit only: no published translation is held for this verse.

कृपणकृपा रौद्रकृपा संक्षुब्धकृपा कृपा प्रमत्तेषु । विषयपरतन्त्रकरुणा मिथ्याभिनिविष्टकरुणा च

kṛpaṇakṛpā raudrakṛpā saṃkṣubdhakṛpā kṛpā pramatteṣu / viṣayaparatantrakaruṇā mithyābhiniviṣṭakaruṇā ca

Sanskrit only: no published translation is held for this verse.

करुणा बोधिसत्वानां सुखाद् दुःखात्तदन्वयात् । करुणा बोधिसत्त्वानां हेतोर्मित्रात्स्वभावतः

karuṇā bodhisatvānāṃ sukhād duḥkhāttadanvayāt / karuṇā bodhisattvānāṃ hetormitrātsvabhāvataḥ

Sanskrit only: no published translation is held for this verse.

करुणा बोधिसत्त्वानां समा ज्ञेया तदाशयात् । प्रतिपत्तेर्विरागाच्च नोपलम्भाद्विशुद्धितः

karuṇā bodhisattvānāṃ samā jñeyā tadāśayāt / pratipattervirāgācca nopalambhādviśuddhitaḥ

Sanskrit only: no published translation is held for this verse.

मैत्राद्रिभावनाग्रा स्वचित्ततो धर्मतो ऽधिमोक्षाच्च । आशयतो ऽपि विभुत्वादविकल्पादैक्यतश्चापि

maitrādribhāvanāgrā svacittato dharmato 'dhimokṣācca / āśayato 'pi vibhutvādavikalpādaikyataścāpi

Sanskrit only: no published translation is held for this verse.

इति भगवति जातसुप्रसादो महदुपधिध्रुवसत्किर्यामिपूजी । बहुगुणहितमित्रनित्यसेवो जगदनुकम्पक एति सर्वसिद्धिं

iti bhagavati jātasuprasādo mahadupadhidhruvasatkiryāmipūjī / bahuguṇahitamitranityasevo jagadanukampaka eti sarvasiddhiṃ

Sanskrit only: no published translation is held for this verse.