अस्ति सायंदोहः, तथास्ति प्रातर्दोहः। सन्ति तु दोहधर्माः शाखाहरणम्, गवां प्रस्थापनम्, प्रसावनम्, गोदोहनम् इत्येवमादयः। ते किं सायंदोहार्थाः, उतोभयार्था इति। किं तावत् प्राप्तम्? दोहयोस् तयोर् असंयुक्तं धर्मैः शृतं भवेत्। कस्मात्? सायंदोहस्य हि क्रम औपवसथ्ये ऽहनि शाखाहरणादीन् समामनन्ति, तस्मिन्न् एवाहनि सायंदोहः। तस्मात् क्रमात् सायंदोहार्था दोहधर्मा इति। प्रकरणाविभागाद् वा तत्संयुक्तस्य कालशास्त्रम्
asti sāyaṃdohaḥ, tathāsti prātardohaḥ. santi tu dohadharmāḥ śākhāharaṇam, gavāṃ prasthāpanam, prasāvanam, godohanam ityevamādayaḥ. te kiṃ sāyaṃdohārthāḥ, utobhayārthā iti. kiṃ tāvat prāptam? dohayos tayor asaṃyuktaṃ dharmaiḥ śṛtaṃ bhavet. kasmāt? sāyaṃdohasya hi krama aupavasathye 'hani śākhāharaṇādīn samāmananti, tasminn evāhani sāyaṃdohaḥ. tasmāt kramāt sāyaṃdohārthā dohadharmā iti. prakaraṇāvibhāgād vā tatsaṃyuktasya kālaśāstram
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.