एतद् ब्रह्मतत्त्वं सर्वथा सर्वदैव सर्वत एव सर्वशक्ति सर्वाकारं सर्वेश्वरं सर्वगं सर्वम् एवेति । एष त्व् आत्मा सर्वशक्तित्वाद् अनन्तशक्तित्वाच् च क्वचिच् चिच्छक्तिं प्रकटयति क्वचिज् जडशक्तिं क्वचिद् उल्लासं क्वचिच् छान्तिं क्वचित् किञ्चित् क्वचिन् नकिञ्चित् प्रकटयति । यत्र यदा यद् एवासौ यथा भावयति तत्र तदा तद् एवासौ तथा पश्यति
etad brahmatattvaṃ sarvathā sarvadaiva sarvata eva sarvaśakti sarvākāraṃ sarveśvaraṃ sarvagaṃ sarvam eveti | eṣa tv ātmā sarvaśaktitvād anantaśaktitvāc ca kvacic cicchaktiṃ prakaṭayati kvacij jaḍaśaktiṃ kvacid ullāsaṃ kvacic chāntiṃ kvacit kiñcit kvacin nakiñcit prakaṭayati | yatra yadā yad evāsau yathā bhāvayati tatra tadā tad evāsau tathā paśyati
Sanskrit only: no published translation is held for this verse.
सर्वशक्तेर् हि या यैव यथोदेति तथैव सा । तदा स्वशक्तिर् नानाभारूपिणी सा स्वभावतः
sarvaśakter hi yā yaiva yathodeti tathaiva sā / tadā svaśaktir nānābhārūpiṇī sā svabhāvataḥ
Sanskrit only: no published translation is held for this verse.
इमाश् शक्तयो ऽयम् आत्मेत्य् एवं विकल्पजालं व्यवहारार्थं धीमद्भिः परिकल्पितं लोके न त्व् आत्मनि विद्यते भेदः । यथोर्मितरङ्गैः पयसां कटकाङ्गदकेयूरैर् वा हेम्नः अवयवावयविनोस् संवित् काल्पनिकी द्विधा न वास्तवी । यथा यच् चेत्यते तथैव तन् न बाह्यतो नान्तरतश् चेतनं समुदेति हि । सर्वात्मत्वात् स्वम् आभासं क्वचित् किञ्चित् प्रपश्यति सर्वाकारमयं ब्रह्मैवेदं तत्र मिथ्याज्ञानवद्भिश् शक्तिशक्तिमत्ते अवयवावयविरूपे कल्पिते न पारमार्थिके सद् वा भवत्व् असद् वा चिद् यत् सङ्कल्पयत्य् अभिनिविष्टा तत् तत्पश्यति सकलं तत् तत् सद्वस्तुवद् भाति
imāś śaktayo 'yam ātmety evaṃ vikalpajālaṃ vyavahārārthaṃ dhīmadbhiḥ parikalpitaṃ loke na tv ātmani vidyate bhedaḥ | yathormitaraṅgaiḥ payasāṃ kaṭakāṅgadakeyūrair vā hemnaḥ avayavāvayavinos saṃvit kālpanikī dvidhā na vāstavī | yathā yac cetyate tathaiva tan na bāhyato nāntarataś cetanaṃ samudeti hi | sarvātmatvāt svam ābhāsaṃ kvacit kiñcit prapaśyati sarvākāramayaṃ brahmaivedaṃ tatra mithyājñānavadbhiś śaktiśaktimatte avayavāvayavirūpe kalpite na pāramārthike sad vā bhavatv asad vā cid yat saṅkalpayaty abhiniviṣṭā tat tatpaśyati sakalaṃ tat tat sadvastuvad bhāti
Sanskrit only: no published translation is held for this verse.