इति मे भगवता पूर्वम् उक्तम् । तद् एतद् अद्य तुभ्यं कथितम् । तस्माद् अस्माद् अनाख्याद् ब्रह्मणस् सर्वगतात् पूर्वं मनाङ् मननम् उत्पद्यते । स्वयम् एव तद् घनतां प्राप्य मनस् सम्पद्यते । तन् मनस् तन्मात्रकल्पनपूर्वकं सन्निवेशं भावयति । ततस् तैजसः पुरुषस् सम्पद्यते । सो ऽयं ब्रह्मेत्य् आत्मनि नाम कृतवान् । तेन नाम यो ऽयं परमेष्ठी तन् मनस्तत्त्वं विद्धि । स मनस्तत्त्वाकारो भगवान् ब्रह्मा सङ्कल्पमयत्वाद् यद् एव सङ्कल्पयति तद् एव पश्यति । ततस् तेनेयम् अविद्या परिकल्पितानात्मन्य् आत्माभिमानमयीति । तेन ब्रह्मणा गिरितृणजलधिमयम् इदं क्रमेण जगत् परिकल्पितम् । इत्थं क्रमेण ब्रह्मतत्त्वाद् इयम् आगता सृष्टिर् अन्यत इवागतेयम् इति लक्ष्यते
iti me bhagavatā pūrvam uktam | tad etad adya tubhyaṃ kathitam | tasmād asmād anākhyād brahmaṇas sarvagatāt pūrvaṃ manāṅ mananam utpadyate | svayam eva tad ghanatāṃ prāpya manas sampadyate | tan manas tanmātrakalpanapūrvakaṃ sanniveśaṃ bhāvayati | tatas taijasaḥ puruṣas sampadyate | so 'yaṃ brahmety ātmani nāma kṛtavān | tena nāma yo 'yaṃ parameṣṭhī tan manastattvaṃ viddhi | sa manastattvākāro bhagavān brahmā saṅkalpamayatvād yad eva saṅkalpayati tad eva paśyati | tatas teneyam avidyā parikalpitānātmany ātmābhimānamayīti | tena brahmaṇā giritṛṇajaladhimayam idaṃ krameṇa jagat parikalpitam | itthaṃ krameṇa brahmatattvād iyam āgatā sṛṣṭir anyata ivāgateyam iti lakṣyate
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.