एवम् उत्पन्ने जगति या ब्रह्मणश् चिन् मननरूपिणी साहङ्कारं परिकल्प्य ब्रह्मताम् एति । यास् त्व् अन्याश् चिच्छक्तयस् सर्वशक्तिभिर् अभिन्ना एव भिन्नाः कल्प्यन्त इव जगति स्फारतां नीते पितामहरूपेण मनसा समुल्लसन्ति । त एते सहस्रशो विपरिवर्तमाना जीवा उच्यन्ते । ते ऽभ्युत्थिता एव चिन्नभसो नभसि तन्मात्रैर् आवलिता गगनपवनान्तर्वर्तिनश् चतुर्दशविधाया भूतजातेर् मध्याद् यस्या अभ्याशे तिष्ठति तस्या एव प्राणशक्तिद्वारेण प्रविश्य शरीरं स्थावरं जङ्गमं वा बीजतां गच्छन्ति । तदनु योनितो जगति जायन्ते तदनु काकतालीयोत्पन्नवासनाप्रवाहानुरूपकर्मफलभागिनो भवन्ति । ततः कर्मफलरज्जुभिर् वासनावलिताभिर् बद्ध शरीरा भ्रमन्तः पतन्ति प्रोत्पतन्ति च । इत्थं चैता भूतजातयः
evam utpanne jagati yā brahmaṇaś cin mananarūpiṇī sāhaṅkāraṃ parikalpya brahmatām eti | yās tv anyāś cicchaktayas sarvaśaktibhir abhinnā eva bhinnāḥ kalpyanta iva jagati sphāratāṃ nīte pitāmaharūpeṇa manasā samullasanti | ta ete sahasraśo viparivartamānā jīvā ucyante | te 'bhyutthitā eva cinnabhaso nabhasi tanmātrair āvalitā gaganapavanāntarvartinaś caturdaśavidhāyā bhūtajāter madhyād yasyā abhyāśe tiṣṭhati tasyā eva prāṇaśaktidvāreṇa praviśya śarīraṃ sthāvaraṃ jaṅgamaṃ vā bījatāṃ gacchanti | tadanu yonito jagati jāyante tadanu kākatālīyotpannavāsanāpravāhānurūpakarmaphalabhāgino bhavanti | tataḥ karmaphalarajjubhir vāsanāvalitābhir baddha śarīrā bhramantaḥ patanti protpatanti ca | itthaṃ caitā bhūtajātayaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.