Mahapratisaramahavidyarajni 4

परित्रायस्व महासत्त्व मोचयास्मान् महाभयात् । अथ खलु महासार्थवाहो दृढचित्तो महामतिः

paritrāyasva mahāsattva mocayāsmān mahābhayāt | atha khalu mahāsārthavāho dṛḍhacitto mahāmatiḥ

Sanskrit only: no published translation is held for this verse.

वणिजो विक्लवीभूतान् इदं वचनम् अब्रवीत् । मा भैर् मा भैर् वणिजो भवन्तो धीरतां व्रजत

vaṇijo viklavībhūtān idaṃ vacanam abravīt | mā bhair mā bhair vaṇijo bhavanto dhīratāṃ vrajata

Sanskrit only: no published translation is held for this verse.

अहं वो मोचयिष्यामि अतो दुःखमहार्णवात् । ततो धीरमनसो भूत्वा वणिज इदं वचनम् अब्रुवन्

ahaṃ vo mocayiṣyāmi ato duḥkhamahārṇavāt | tato dhīramanaso bhūtvā vaṇija idaṃ vacanam abruvan

Sanskrit only: no published translation is held for this verse.

किम् एतन् महासत्त्व ब्रूहि शीघ्रम् अविघ्नतः । यावज् जीवितम् अस्माकं त्वत्प्रभावान् महामते

kim etan mahāsattva brūhi śīghram avighnataḥ | yāvaj jīvitam asmākaṃ tvatprabhāvān mahāmate

Sanskrit only: no published translation is held for this verse.

कथ्यतां ज्ञानमाहात्म्यं पश्चात् त्वं किं करिष्यसि । ततः सार्थपतिस् तेषाम् इमां विद्याम् उदाहरत्

kathyatāṃ jñānamāhātmyaṃ paścāt tvaṃ kiṃ kariṣyasi | tataḥ sārthapatis teṣām imāṃ vidyām udāharat

Sanskrit only: no published translation is held for this verse.

अस्ति मे महाविद्या प्रतिसरानामविश्रुता । दमनी सर्वदुष्टानां महाबलपराक्रमा

asti me mahāvidyā pratisarānāmaviśrutā | damanī sarvaduṣṭānāṃ mahābalaparākramā

Sanskrit only: no published translation is held for this verse.