Mahāparinirvāṇasūtra 16

उपेत्य भगवन्तम् एवं वद्(आमि ॥ परिनिर्वाहि भगवन् परिनिर्वाणसमयः सुगतस्य ॥)

upetya bhagavantam evaṃ vad(āmi || parinirvāhi bhagavan parinirvāṇasamayaḥ sugatasya ||)

Sanskrit only: no published translation is held for this verse.

एतर्हि भदन्त भगवतः श्रावकाः पण्डिता व्यक्ता मेधाविनः ॥ अ(लम् उत्पन्नोत्पन्नानां परप्रवादिनां सह धर्मेण निग्रहीतारः स्वस्य वादस्य प)र्यवदातारो भिक्षवो भिक्षुण्य उपासका उपासिका वैस्तारिकं च ते ब्रह्म(चर्यं बाहुजन्यं पृथुभूतं यावद् देवमनुष्येभ्यः सम्यक्संप्रकाशितम् ॥)

etarhi bhadanta bhagavataḥ śrāvakāḥ paṇḍitā vyaktā medhāvinaḥ || a(lam utpannotpannānāṃ parapravādināṃ saha dharmeṇa nigrahītāraḥ svasya vādasya pa)ryavadātāro bhikṣavo bhikṣuṇya upāsakā upāsikā vaistārikaṃ ca te brahma(caryaṃ bāhujanyaṃ pṛthubhūtaṃ yāvad devamanuṣyebhyaḥ samyaksaṃprakāśitam ||)

Sanskrit only: no published translation is held for this verse.

अल्पोत्सुकस् त्वं पापीयन् भव न चिरस्येदानीं तथागतस्य त्रयाणां मासानाम् अत्ययाद् अनुपधिशेषे नि(र्)व्(आ)णधातौ परिन्(इ)र्वाणं भविष्यति ॥

alpotsukas tvaṃ pāpīyan bhava na cirasyedānīṃ tathāgatasya trayāṇāṃ māsānām atyayād anupadhiśeṣe ni(r)v(ā)ṇadhātau parin(i)rvāṇaṃ bhaviṣyati ||

Sanskrit only: no published translation is held for this verse.

अथ मारस्य पापीयस एतद् अभवत् ॥ परिनिर्वास्य्(अते) श्रमणो गौतम इति विदित्वा हृष्टस् तुष्ट उदग्रः प्रीतिसौमनस्यजातस् तत्रैवान्तर्हितः ॥

atha mārasya pāpīyasa etad abhavat || parinirvāsy(ate) śramaṇo gautama iti viditvā hṛṣṭas tuṣṭa udagraḥ prītisaumanasyajātas tatraivāntarhitaḥ ||

Sanskrit only: no published translation is held for this verse.

अथ भगवत एतद् अभवत् ॥ यन् न्व् अह्(अं) तद्रूपान् ऋद्ध्यभिसंस्कारान् अभिस(ं)स्कुर्यां (य)था समाहिते चित्ते जीवितसंस्कारान् अधिष्ठायायुःसंस्कारान् उत्सृजेयम् ॥

atha bhagavata etad abhavat || yan nv ah(aṃ) tadrūpān ṛddhyabhisaṃskārān abhisa(ṃ)skuryāṃ (ya)thā samāhite citte jīvitasaṃskārān adhiṣṭhāyāyuḥsaṃskārān utsṛjeyam ||

Sanskrit only: no published translation is held for this verse.

अथ भगवांस् तद्रूपान् ऋद्ध्यभिसंस्कारान् अभिसंस्करोति यथा समाहिते चित्ते जीवित(संस्कारान् अधि)ष्ठायायुःसंस्कारान् उत्सृजति ॥ समनन्त(र्)ओत्स्(ऋ)ष्टायुःसंस्कारेष्व् अत्यर्थं तस्मिन् समये महापृथिवीचालश् चाभूद् उल्कापा(ता) द्(इ)शोदाहा (अन्तरीक्षे देवदुन्)दुभयो ऽभिनदन्ति ॥

atha bhagavāṃs tadrūpān ṛddhyabhisaṃskārān abhisaṃskaroti yathā samāhite citte jīvita(saṃskārān adhi)ṣṭhāyāyuḥsaṃskārān utsṛjati || samananta(r)ots(ṛ)ṣṭāyuḥsaṃskāreṣv atyarthaṃ tasmin samaye mahāpṛthivīcālaś cābhūd ulkāpā(tā) d(i)śodāhā (antarīkṣe devadun)dubhayo 'bhinadanti ||

Sanskrit only: no published translation is held for this verse.

अथ भगवांस् तस्मात् समाधेर् व्युत्था(य त)स्या(ं) वेलायां (गा)था(ं) बभाषे ॥

atha bhagavāṃs tasmāt samādher vyutthā(ya ta)syā(ṃ) velāyāṃ (gā)thā(ṃ) babhāṣe ||

Sanskrit only: no published translation is held for this verse.