सप्तमं भागं कापिलवास्तव्यानां शाक्यानाम् अनुप्रयच्छति येन कापिलवास्तव्याः शाक्याः कपिलवस्तुनि भगवतः शरीरस्तूपं प्रतिष्ठापयन्ति पूर्ववद् यावत् पूजयन्ति ॥ अष्टमं भागं वर्षाकारस्य ब्राह्मणमगधमहामात्रस्यानुप्रयच्छति येन राजा मागधो ऽजातशत्रुर् वैदेहीपुत्रो राजगृहे भगवतः शरीरस्तूपं प्रतिष्ठापयति च्छत्रध्वजपताकांश् चारोपयति महांश् च प्रस्थापयति गन्धैर् माल्यैः पुष्पैर् धूपैर् वाद्यैः सत्करोति गुरुकरो(त्)इ मा(न)यति पूजयति ॥
saptamaṃ bhāgaṃ kāpilavāstavyānāṃ śākyānām anuprayacchati yena kāpilavāstavyāḥ śākyāḥ kapilavastuni bhagavataḥ śarīrastūpaṃ pratiṣṭhāpayanti pūrvavad yāvat pūjayanti || aṣṭamaṃ bhāgaṃ varṣākārasya brāhmaṇamagadhamahāmātrasyānuprayacchati yena rājā māgadho 'jātaśatrur vaidehīputro rājagṛhe bhagavataḥ śarīrastūpaṃ pratiṣṭhāpayati cchatradhvajapatākāṃś cāropayati mahāṃś ca prasthāpayati gandhair mālyaiḥ puṣpair dhūpair vādyaiḥ satkaroti gurukaro(t)i mā(na)yati pūjayati ||
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.