Manava-Grhyasutra 2.9

इति द्वितीयपुरुषे ऽष्टमः खण्डः ॥८॥ नवमः खण्डः उत्तमायाः प्रदोषे चतुष्पथे ऽङ्गशो गां कारयेत्

iti dvitīyapuruṣe 'ṣṭamaḥ khaṇḍaḥ //8// navamaḥ khaṇḍaḥ uttamāyāḥ pradoṣe catuṣpathe 'ṅgaśo gāṃ kārayet

Sanskrit only: no published translation is held for this verse.

यो य आगच्छेत्तस्मै तस्मै दद्यात्

yo ya āgacchettasmai tasmai dadyāt

Sanskrit only: no published translation is held for this verse.

श्वो ऽन्यां कारयेत्

śvo 'nyāṃ kārayet

Sanskrit only: no published translation is held for this verse.

तस्यावपां जुहुयात्-- वह वपां जातवेदः पितृभ्यो यत्रैतान्वेत्थ निहितान्पराके मेदसो घृतस्य कुल्या अभिनिःस्रवन्तु सत्याः सन्तु यजमानस्य कामाः स्वाहा । इति

tasyāvapāṃ juhuyāt-- vaha vapāṃ jātavedaḥ pitṛbhyo yatraitānvettha nihitānparāke medaso ghṛtasya kulyā abhiniḥsravantu satyāḥ santu yajamānasya kāmāḥ svāhā / iti

Sanskrit only: no published translation is held for this verse.

अथास्या वक्षसा उदगोदनं श्रपयति

athāsyā vakṣasā udagodanaṃ śrapayati

Sanskrit only: no published translation is held for this verse.

तस्याष्टकाहोमकल्पेन शेषो व्याख्यातः

tasyāṣṭakāhomakalpena śeṣo vyākhyātaḥ

Sanskrit only: no published translation is held for this verse.

अवशिष्टं भक्तं रन्धयति

avaśiṣṭaṃ bhaktaṃ randhayati

Sanskrit only: no published translation is held for this verse.

श्वो ऽवशिष्टं भक्तं रन्धयित्वा पिण्डानामावृता त्रीन्मांसौदनपिण्डान्निदधाति

śvo 'vaśiṣṭaṃ bhaktaṃ randhayitvā piṇḍānāmāvṛtā trīnmāṃsaudanapiṇḍānnidadhāti

Sanskrit only: no published translation is held for this verse.

श्राद्धमपरपक्षे पितृभ्यो दद्यात्

śrāddhamaparapakṣe pitṛbhyo dadyāt

Sanskrit only: no published translation is held for this verse.

अनुगुप्तमन्नं ब्राह्मणान् भोजयेन् नावेदविद्भुञ्जीतेति श्रुतिः

anuguptamannaṃ brāhmaṇān bhojayen nāvedavidbhuñjīteti śrutiḥ

Sanskrit only: no published translation is held for this verse.

यदि गवा पशुना वा कुर्वीत प्रोक्षणमुपपायनं पर्यग्निकरणमुल्मुकहरणं वपाहोममिति

yadi gavā paśunā vā kurvīta prokṣaṇamupapāyanaṃ paryagnikaraṇamulmukaharaṇaṃ vapāhomamiti

Sanskrit only: no published translation is held for this verse.

त्रैधं वपां जुहुयात् स्थालीपाकमवदानानि च

traidhaṃ vapāṃ juhuyāt sthālīpākamavadānāni ca

Sanskrit only: no published translation is held for this verse.

सोमाय पितृमते स्वधा नम इति जुहोति यमायाङ्गिरस्वते पितृमते स्वधा नम इति द्वितीयाम् । अग्नये काव्यवाहनाय स्वधा नम इति तृतीयाम्

somāya pitṛmate svadhā nama iti juhoti yamāyāṅgirasvate pitṛmate svadhā nama iti dvitīyām / agnaye kāvyavāhanāya svadhā nama iti tṛtīyām

Sanskrit only: no published translation is held for this verse.

एवं मासि मासि नियतं तन्त्रं पिण्डपितृयज्ञे

evaṃ māsi māsi niyataṃ tantraṃ piṇḍapitṛyajñe

Sanskrit only: no published translation is held for this verse.