यस् तु वदति -- नार्थाकारो ज्ञाने सङ्क्रामति। न चार्थस्थः प्रतिबिम्बो दृश्यते। किन् तु ज्ञानम् अर्थेनायोगोलकम् इवाग्निना संस्पृष्टम्। अतो ऽयसीव भास्वराकारो मोहाद् अर्थाकारो ज्ञाने दृश्यत इति। तं प्रत्याह -- बह्येति। अयस् तेजसोर् हि सन्निकर्षाद् युक्तो मोहाद् अविवेकभ्रमः। बाह्याभ्यन्तरदेशौ तु ज्ञानार्थाव् असम्पृक्तौ। ततः कथम् अनयोर् मोहाद् अविवेकभ्रम इति
yas tu vadati -- nārthākāro jñāne saṅkrāmati. na cārthasthaḥ pratibimbo dṛśyate. kin tu jñānam arthenāyogolakam ivāgninā saṃspṛṣṭam. ato 'yasīva bhāsvarākāro mohād arthākāro jñāne dṛśyata iti. taṃ pratyāha -- bahyeti. ayas tejasor hi sannikarṣād yukto mohād avivekabhramaḥ. bāhyābhyantaradeśau tu jñānārthāv asampṛktau. tataḥ katham anayor mohād avivekabhrama iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.