किम् इति न स्याद् अत आह -- न हीति। संवेद्यमान एव हि भावो विषय इति विषयविदः। अत उपलम्भोत्तरकालम् एव विषयभावान् न तन्निबन्धन आकारबोधः शक्यते ऽङ्गीकर्तुम् इति। एवं तु कल्प्यमान इतरेतराश्रयं प्राप्नोतीत्य् आह -- विषयेति। नीलत्वविषयत्वेन संसर्गात् तदाकारो निष्पद्यते। तदाकारनिष्पत्त्या च तस्य विषयभाव इति दुरुत्तरम् इतरेतराश्रयम् इति
kim iti na syād ata āha -- na hīti. saṃvedyamāna eva hi bhāvo viṣaya iti viṣayavidaḥ. ata upalambhottarakālam eva viṣayabhāvān na tannibandhana ākārabodhaḥ śakyate 'ṅgīkartum iti. evaṃ tu kalpyamāna itaretarāśrayaṃ prāpnotīty āha -- viṣayeti. nīlatvaviṣayatvena saṃsargāt tadākāro niṣpadyate. tadākāraniṣpattyā ca tasya viṣayabhāva iti duruttaram itaretarāśrayam iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.