परिहरति -- कथञ्चिद् इति। अयम् अभिप्रायः -- निर्भागं हि ज्ञानम् इति वः सिद्धान्तः। न चैवंविधस्य द्वैरूप्यम् उपपन्नम्। आत्मा तु केनचिदात्मना ग्राहकः। केनचिदात्मना ग्राह्य इति किं नोपपद्यते। तथा हि -- अस्यार्थसंयुक्तेन्द्रियसंयुक्तमनस्संयोगिनः प्रत्ययो नाम धर्मभेदो जायते। स चास्मात् कथञ्चिद् धर्मरूपेण भिन्नः। तेन चायं ग्राहकः। यत् तस्य पृथिव्यादिद्रव्यान्तरसाधारणं द्रव्यादिरूपं तद् ग्राह्यम्। ज्ञानस्य तु नैवंविधः कश्चिद् विभागो बौद्धैर् इष्यते। अतः कथं तस्य द्वैरूप्यम् इति
pariharati -- kathañcid iti. ayam abhiprāyaḥ -- nirbhāgaṃ hi jñānam iti vaḥ siddhāntaḥ. na caivaṃvidhasya dvairūpyam upapannam. ātmā tu kenacidātmanā grāhakaḥ. kenacidātmanā grāhya iti kiṃ nopapadyate. tathā hi -- asyārthasaṃyuktendriyasaṃyuktamanassaṃyoginaḥ pratyayo nāma dharmabhedo jāyate. sa cāsmāt kathañcid dharmarūpeṇa bhinnaḥ. tena cāyaṃ grāhakaḥ. yat tasya pṛthivyādidravyāntarasādhāraṇaṃ dravyādirūpaṃ tad grāhyam. jñānasya tu naivaṃvidhaḥ kaścid vibhāgo bauddhair iṣyate. ataḥ kathaṃ tasya dvairūpyam iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.