तान् एव त्रीन् प्रकारान् दर्शयति -- सन्न् इति। साध्यतदभावयोस् सन् साधारणो ऽभिधीयते। यथा प्रमेयत्वं नित्यानित्यत्वयोः। द्वाभ्यां साध्यतदभावाभ्यां व्यावृत्तो ऽसाधारणः क्षितेर् एव गन्धवत्त्वम्। व्यावृत्तं हि तत् सकलसजातीयविजातीयद्रव्यान्तरगुणकर्मभ्यः। द्वौ विरुद्धार्थसम्बन्धाव् इति। यौ विरुद्धाव्यभिचारीति परैर् अभिहितौ, तौ चानन्तरम् एवोदाहार्याव् इति नेह व्याख्यायेते इति
tān eva trīn prakārān darśayati -- sann iti. sādhyatadabhāvayos san sādhāraṇo 'bhidhīyate. yathā prameyatvaṃ nityānityatvayoḥ. dvābhyāṃ sādhyatadabhāvābhyāṃ vyāvṛtto 'sādhāraṇaḥ kṣiter eva gandhavattvam. vyāvṛttaṃ hi tat sakalasajātīyavijātīyadravyāntaraguṇakarmabhyaḥ. dvau viruddhārthasambandhāv iti. yau viruddhāvyabhicārīti parair abhihitau, tau cānantaram evodāhāryāv iti neha vyākhyāyete iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.