यदि त्व् एकभ्रमरादिद्रव्यनीलिमैव विशेष इष्यते, तन् न। तस्यापि पक्षादिस्वावयवाश्रितनीलविशेषापेक्षया सामान्यरूपत्वात्। पक्षनीलिमापि तदवयवनीलापेक्षया सामान्यम् एव। एवं च अपरमाणुभ्यः प्रसङ्गो दर्शयितव्य इत्य् आह -- ते चापीति। निर्भागा हि परमाणव इति तद्रूपम् असाधारणम् एवेति। तेभ्यस् तु प्राक् द्व्यणुकरूपम् अपि द्वयोस् साधारणम् इत्य् आह -- द्व्यणुकस्यापीति
yadi tv ekabhramarādidravyanīlimaiva viśeṣa iṣyate, tan na. tasyāpi pakṣādisvāvayavāśritanīlaviśeṣāpekṣayā sāmānyarūpatvāt. pakṣanīlimāpi tadavayavanīlāpekṣayā sāmānyam eva. evaṃ ca aparamāṇubhyaḥ prasaṅgo darśayitavya ity āha -- te cāpīti. nirbhāgā hi paramāṇava iti tadrūpam asādhāraṇam eveti. tebhyas tu prāk dvyaṇukarūpam api dvayos sādhāraṇam ity āha -- dvyaṇukasyāpīti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.