यद् अपीदम् उक्तम् -- शाब्दे हि सकृदुक्तम् एव वाक्यं सहसा नानार्थान् प्रतिभासयति विरुद्धानविरुद्धांश् च, चोदनालक्षणो ऽर्थो धर्मः, श्वेतो धावतीति च यथा, नैवम् अनुमाने। धूमो हि येनैव विदितव्याप्तिस् तत्रैकत्रैवे धियम् आदधाति। अतश् शब्दानुमानयोर् भेदः। प्रयोगश् च भवति -- शब्दो ऽनुमानाद् भिन्नः, एकदा नानार्थप्रतिभासाद् अक्षवद् इति। अवीतहेतुर् वा, लिङ्गम् एकं एव ३,११४ प्रकाशयति, यथा धूमादि, न च तथा शब्दः, अतो भिद्यत इति। तदुपन्यस्य दूषयति -- एकवाक्याद् इति। अनेनापि प्रकारेण न भिन्नतेत्य् अर्थ इति
yad apīdam uktam -- śābde hi sakṛduktam eva vākyaṃ sahasā nānārthān pratibhāsayati viruddhānaviruddhāṃś ca, codanālakṣaṇo 'rtho dharmaḥ, śveto dhāvatīti ca yathā, naivam anumāne. dhūmo hi yenaiva viditavyāptis tatraikatraive dhiyam ādadhāti. ataś śabdānumānayor bhedaḥ. prayogaś ca bhavati -- śabdo 'numānād bhinnaḥ, ekadā nānārthapratibhāsād akṣavad iti. avītahetur vā, liṅgam ekaṃ eva 3,114 prakāśayati, yathā dhūmādi, na ca tathā śabdaḥ, ato bhidyata iti. tadupanyasya dūṣayati -- ekavākyād iti. anenāpi prakāreṇa na bhinnatety artha iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.