अदृष्टपूर्वे तु सम्प्रति प्रत्यक्षे ऽनुत्पत्तिलक्षणम् एवाप्रामाण्यम् इत्य् आह -- अदृष्टपूर्व इति। सम्बन्धज्ञानम् एव वा तदा जायत इत्य् आह -- सम्बन्धेति। न च सम्बन्ध एव पदस्य प्रमेय इति वाच्यम्, तस्यार्थापत्तिप्रमेयत्वाद् इत्य् अभिप्रायेणाह -- सम्बन्ध इति। तदर्थस् तु प्रत्यक्षाद् अवगत इत्य् आह -- यो ऽर्थ इति
adṛṣṭapūrve tu samprati pratyakṣe 'nutpattilakṣaṇam evāprāmāṇyam ity āha -- adṛṣṭapūrva iti. sambandhajñānam eva vā tadā jāyata ity āha -- sambandheti. na ca sambandha eva padasya prameya iti vācyam, tasyārthāpattiprameyatvād ity abhiprāyeṇāha -- sambandha iti. tadarthas tu pratyakṣād avagata ity āha -- yo 'rtha iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.