मूलसाधने च ये धर्मादिविकल्पैर् दोषा उक्ताः, ते ऽप्य् अत्रानुमाने ऽनुसन्धातव्या इत्य् आह -- पूर्वेति। एवं पुनस् तत्पातनिकां कृत्वा तत्रैव दूषणान्तरम् आह -- तस्य चेति। तस्य च पूर्वसाधनस्याधुना दोषान्तरम् अभिदध्महे। धर्मधर्मिणौ विकल्प्य दूषितौ। हेतुर् अपि तस्योभयसिद्धो नास्ति, साध्याभेदात्। न हि प्रत्यय एष साध्ये स एव हेतुर् वाच्यो भवति, प्रतिज्ञार्थैकदेशत्वात्। अतो हेतुशून्यं साधनम् इति। ननु सामान्यस्य हेतुतया पक्षैकदेशत्वं प्रतिक्षिप्तम् अत आह -- सामान्यम् इति। उक्तम् इदम् अस्माभिर् उभयसिद्धो हेतुर् नास्तीति। भिन्नाभिन्नं हि प्रत्ययत्वं तवासिद्धम्, अत्यन्ताभिन्नं च न नः किञ्चिद् अस्तीति सिद्धं नोभयसिद्धो हेतुर् अस्तीति
mūlasādhane ca ye dharmādivikalpair doṣā uktāḥ, te 'py atrānumāne 'nusandhātavyā ity āha -- pūrveti. evaṃ punas tatpātanikāṃ kṛtvā tatraiva dūṣaṇāntaram āha -- tasya ceti. tasya ca pūrvasādhanasyādhunā doṣāntaram abhidadhmahe. dharmadharmiṇau vikalpya dūṣitau. hetur api tasyobhayasiddho nāsti, sādhyābhedāt. na hi pratyaya eṣa sādhye sa eva hetur vācyo bhavati, pratijñārthaikadeśatvāt. ato hetuśūnyaṃ sādhanam iti. nanu sāmānyasya hetutayā pakṣaikadeśatvaṃ pratikṣiptam ata āha -- sāmānyam iti. uktam idam asmābhir ubhayasiddho hetur nāstīti. bhinnābhinnaṃ hi pratyayatvaṃ tavāsiddham, atyantābhinnaṃ ca na naḥ kiñcid astīti siddhaṃ nobhayasiddho hetur astīti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.