कः पुनः स्वप्नतुल्यत्वे दोषः, अत आह -- न हीति। किम् इति न प्रवर्तते अत आह -- यादृच्छिकत्वाद् इति। न हि स्वप्नसुखं मे भवतीति विद्वांसः प्रयस्यन्ति। यादृच्छिकं हि स्वप्नसुखम् अगणितसाम्परायिकैहिकनिमित्तं, न तत् प्रयस्यतो भवतीति बुद्ध्वा विद्वद्भिस् तूष्णीम् उदासीनैर् एवास्येत, न क्वचित् प्रयत्नः क्रियेतेत्य् अर्थः
kaḥ punaḥ svapnatulyatve doṣaḥ, ata āha -- na hīti. kim iti na pravartate ata āha -- yādṛcchikatvād iti. na hi svapnasukhaṃ me bhavatīti vidvāṃsaḥ prayasyanti. yādṛcchikaṃ hi svapnasukham agaṇitasāmparāyikaihikanimittaṃ, na tat prayasyato bhavatīti buddhvā vidvadbhis tūṣṇīm udāsīnair evāsyeta, na kvacit prayatnaḥ kriyetety arthaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.