एवं तावद् धर्मी विकल्प्य दूषितः। धर्मम् इदानीं निरालम्बनत्वं विकल्प्य दूषयति -- निरालम्बनतेति। सर्वथा निरालम्बनत्वे साध्ये ऽप्रसिद्धविशेषणः पक्षो भवति। न हि सर्वथा निरालम्बनत्वं नाम किञ्चिद् २,४८ अस्ति। सर्वत्र देशकालान्तरावस्थितबाह्यालम्बनाभ्युपगमात्। यश् च स्वप्नप्रत्ययो दृष्टान्ततयोक्तः, सो ऽपि न सर्वथा निरालम्बनः। सर्वत्र यथाकथञ्चिदालम्बनसिद्धेर् वक्ष्यमाणत्वात्। अतो दृष्टान्ताभावो ऽप्य् एवं सत्यापद्येतेति
evaṃ tāvad dharmī vikalpya dūṣitaḥ. dharmam idānīṃ nirālambanatvaṃ vikalpya dūṣayati -- nirālambanateti. sarvathā nirālambanatve sādhye 'prasiddhaviśeṣaṇaḥ pakṣo bhavati. na hi sarvathā nirālambanatvaṃ nāma kiñcid 2,48 asti. sarvatra deśakālāntarāvasthitabāhyālambanābhyupagamāt. yaś ca svapnapratyayo dṛṣṭāntatayoktaḥ, so 'pi na sarvathā nirālambanaḥ. sarvatra yathākathañcidālambanasiddher vakṣyamāṇatvāt. ato dṛṣṭāntābhāvo 'py evaṃ satyāpadyeteti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.