यदि तूच्यते -- सविकल्पकेन ज्ञानमात्रपक्षो व्यवस्थाप्यते सर्वविकल्पानां मिथ्यात्वाद्, निर्विकल्पकेन त्वात्मानं लभत इति। तद् अयुक्तम्। न हि ज्ञानमात्रं विश्वं क्षणिका भावा इत्य् आदि निर्विकल्पकेन कस्यचित् प्रतिभाति। अनुमानेन त्य् एवञ्जातीयका अर्थाः साध्यन्ते। तच् च सविकल्पलत्वान् मिथ्यैवेति ज्ञानास्तित्वादिपक्षो दुर्लभः। अतो युक्तं मोक्षयत्नस्य वैफल्यम् इत्य् आह -- विकल्पेति सार्थेन। अत्र च निर्विकल्पकसत्यत्वे स्तम्भादिधियाम् अपि तथाविधानां सत्यत्वापत्तेर् न बाह्यार्थाभावः सिध्यतीति वक्तव्यम्। तदुपेक्ष्यैवोत्तरविभवात् परिहारान्तरम् उक्तम् इति
yadi tūcyate -- savikalpakena jñānamātrapakṣo vyavasthāpyate sarvavikalpānāṃ mithyātvād, nirvikalpakena tvātmānaṃ labhata iti. tad ayuktam. na hi jñānamātraṃ viśvaṃ kṣaṇikā bhāvā ity ādi nirvikalpakena kasyacit pratibhāti. anumānena ty evañjātīyakā arthāḥ sādhyante. tac ca savikalpalatvān mithyaiveti jñānāstitvādipakṣo durlabhaḥ. ato yuktaṃ mokṣayatnasya vaiphalyam ity āha -- vikalpeti sārthena. atra ca nirvikalpakasatyatve stambhādidhiyām api tathāvidhānāṃ satyatvāpatter na bāhyārthābhāvaḥ sidhyatīti vaktavyam. tadupekṣyaivottaravibhavāt parihārāntaram uktam iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.