२,५९ जाग्रज्ज्ञानप्रतियोग्यपेक्षया स्वमते स्वप्नादिधियां मिथ्यात्वम् उक्तम्। तत्रैवोपपत्तिम् आह -- स्वप्नेति। स्वप्नादिप्रत्ययविधर्माणो हि जाग्रत्प्रत्ययाः। सर्वलोकप्रसिद्धा हि ते। स्वप्नस् तु कस्यचिद् एव निद्राक्रान्तान्तःकरणस्य भवति। अतो यथा तद्बाधके प्रत्यये सार्वलौकिके स्वप्नादिप्रतियोगित्वम् एवम् अन्येषाम् अपि जाग्रत्स्तम्भादिज्ञानानां तत्प्रतियोगित्वं, तदपेक्षया च स्वप्नादिधियां मिथ्यात्वम् इति
2,59 jāgrajjñānapratiyogyapekṣayā svamate svapnādidhiyāṃ mithyātvam uktam. tatraivopapattim āha -- svapneti. svapnādipratyayavidharmāṇo hi jāgratpratyayāḥ. sarvalokaprasiddhā hi te. svapnas tu kasyacid eva nidrākrāntāntaḥkaraṇasya bhavati. ato yathā tadbādhake pratyaye sārvalaukike svapnādipratiyogitvam evam anyeṣām api jāgratstambhādijñānānāṃ tatpratiyogitvaṃ, tadapekṣayā ca svapnādidhiyāṃ mithyātvam iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.