अथ खलु भगवान् शाक्यमुनिः पुनरपि शुद्धावासभवनमवलोक्य मञ्जुश्रियं कुमारभूतमामन्त्रयते स्म । अस्ति मञ्जुश्रीस्त्वदीयकल्पविसरे सर्वभयोत्पादनिमित्तनिर्घातगतानि आश्चर्यनिमित्तलिङ्गानि कथयन्ति शुभाशुभं सुभिक्षदुर्भिक्षपरराष्ट्रगमनं अनावृष्टिमतिवृष्टिं सत्त्वानां सूचयन्ति महासाधनादिषु यो विघ्नं कारयन्ति ततो साधकेन च मन्तव्यं साध्यासाध्यानि च तस्मिं देशे कर्तव्यमकर्तव्येति ज्ञातव्यम् । ततो यदि न शोभनानि निमित्तानि भवन्ति तस्माद् देशादपक्रम्य अन्यत्र गत्वा साधयितव्यानि । अथ चेच्छोभनानि निमित्तानि भवन्ति । तस्मिन्नेव देशे साधयितव्यानि । तत्रैव च स्थातव्यम् । एवं ज्ञात्वा साधकेन मन्त्रचर्याभियुक्तेन कर्तव्यमकर्तव्यमिति मन्त्रचर्यायां निमित्तानि ज्ञात्वा शुभाशुभं बोद्धव्यमिति ॥ अथ खलु मञ्जुश्रीः कुमारभूतो भगवतः पादयोर्निपत्य पुनरप्येवमाह - तत् साधु भगवां देशयतु निमित्तज्ञानपरिवर्तविसरम् । तद् भविष्यति सर्वसत्त्वानां हिताय सुखाय सर्वमन्त्रचर्याभियुक्तानां बोधिसत्त्वानां महासत्त्वानां शुभाशुभफलोदयनिमित्तलिङ्गानि । यस्ते सर्वसत्त्वा मन्त्रचर्यानुप्रविष्टा साध्यासाध्यं कालनिमित्तं ज्ञात्वा स्थातव्यं, प्रक्रमितव्यमिति पश्यन्ते ॥ एवमुक्ते भगवां शाक्यमुनिः मञ्जुश्रियं कुमारभूतमामन्त्रयते स्म । तेन हि मञ्जुश्रीः शृणु साधु च सुष्ठु च मनसि कुरु भाषिष्ये ऽहं ते ॥ आदौ तावद् भवेल्लिङ्गमुत्पातानां समोदयम् । महद् भयमनादिस्थममानुषाणां तु चेष्टितम्
atha khalu bhagavān śākyamuniḥ punarapi śuddhāvāsabhavanamavalokya mañjuśriyaṃ kumārabhūtamāmantrayate sma / asti mañjuśrīstvadīyakalpavisare sarvabhayotpādanimittanirghātagatāni āścaryanimittaliṅgāni kathayanti śubhāśubhaṃ subhikṣadurbhikṣapararāṣṭragamanaṃ anāvṛṣṭimativṛṣṭiṃ sattvānāṃ sūcayanti mahāsādhanādiṣu yo vighnaṃ kārayanti tato sādhakena ca mantavyaṃ sādhyāsādhyāni ca tasmiṃ deśe kartavyamakartavyeti jñātavyam / tato yadi na śobhanāni nimittāni bhavanti tasmād deśādapakramya anyatra gatvā sādhayitavyāni / atha cecchobhanāni nimittāni bhavanti / tasminneva deśe sādhayitavyāni / tatraiva ca sthātavyam / evaṃ jñātvā sādhakena mantracaryābhiyuktena kartavyamakartavyamiti mantracaryāyāṃ nimittāni jñātvā śubhāśubhaṃ boddhavyamiti // atha khalu mañjuśrīḥ kumārabhūto bhagavataḥ pādayornipatya punarapyevamāha - tat sādhu bhagavāṃ deśayatu nimittajñānaparivartavisaram / tad bhaviṣyati sarvasattvānāṃ hitāya sukhāya sarvamantracaryābhiyuktānāṃ bodhisattvānāṃ mahāsattvānāṃ śubhāśubhaphalodayanimittaliṅgāni / yaste sarvasattvā mantracaryānupraviṣṭā sādhyāsādhyaṃ kālanimittaṃ jñātvā sthātavyaṃ, prakramitavyamiti paśyante // evamukte bhagavāṃ śākyamuniḥ mañjuśriyaṃ kumārabhūtamāmantrayate sma / tena hi mañjuśrīḥ śṛṇu sādhu ca suṣṭhu ca manasi kuru bhāṣiṣye 'haṃ te // ādau tāvad bhavelliṅgamutpātānāṃ samodayam / mahad bhayamanādisthamamānuṣāṇāṃ tu ceṣṭitam
Sanskrit only: no published translation is held for this verse.
सर्वे च ग्रहनक्षत्राः कूष्माण्डा ग्रहराक्षसाः । मातरा देवताश्चैव सर्वे प्रेता महर्द्धिकाः
sarve ca grahanakṣatrāḥ kūṣmāṇḍā graharākṣasāḥ / mātarā devatāścaiva sarve pretā maharddhikāḥ
Sanskrit only: no published translation is held for this verse.
दर्शयन्ति तदा लिङ्गं महोत्पातानां च सम्भवे । आदिमन्तं ततो मध्यं अशुभं चैव ते तदा
darśayanti tadā liṅgaṃ mahotpātānāṃ ca sambhave / ādimantaṃ tato madhyaṃ aśubhaṃ caiva te tadā
Sanskrit only: no published translation is held for this verse.
भूमिस्थितिर्नाशकं च कथयन्ति विविधाश्रयात् । सर्वमानुषसत्त्वेषु भूतले ऽस्मिन्निबोधताम्
bhūmisthitirnāśakaṃ ca kathayanti vividhāśrayāt / sarvamānuṣasattveṣu bhūtale 'sminnibodhatām
Sanskrit only: no published translation is held for this verse.
कबन्धा विविधाश्चापि पक्षिणश्च समाकुलाः । दृश्यन्ते सर्वतो लोके तस्माद् देशादपक्रमेत्
kabandhā vividhāścāpi pakṣiṇaśca samākulāḥ / dṛśyante sarvato loke tasmād deśādapakramet
Sanskrit only: no published translation is held for this verse.
रात्रौ शक्रायुधं दृष्ट्वा धनुश्चापि विशेषतः । शरनाराचपाशाश्च विविधा प्रहरणोद्भवाः । दृश्यन्ते गगनाद् रात्रौ तस्माद् देशादपक्रमेत्
rātrau śakrāyudhaṃ dṛṣṭvā dhanuścāpi viśeṣataḥ / śaranārācapāśāśca vividhā praharaṇodbhavāḥ / dṛśyante gaganād rātrau tasmād deśādapakramet
Sanskrit only: no published translation is held for this verse.
चन्द्रबिम्बे यदाकाशे दृश्यन्ते विकृतरूपिणः । कबन्धा पुत्तलाश्चैव नृत्यन्ता गगनालये । सुषिरं छिद्रमित्याहुर्दृश्यते शशिमण्डले
candrabimbe yadākāśe dṛśyante vikṛtarūpiṇaḥ / kabandhā puttalāścaiva nṛtyantā gaganālaye / suṣiraṃ chidramityāhurdṛśyate śaśimaṇḍale
Sanskrit only: no published translation is held for this verse.
पुरुषा उच्चनीचाश्च युध्यन्तां शशिमण्डले । दृश्येयुर्मानुषे लोके तस्माद् देशादपक्रमेत्
puruṣā uccanīcāśca yudhyantāṃ śaśimaṇḍale / dṛśyeyurmānuṣe loke tasmād deśādapakramet
Sanskrit only: no published translation is held for this verse.
विविधा प्राणहराश्चापि नानाभूतगणास्तथा । नृत्यमानाश्च युध्येयुस्तस्माद् देशादपक्रमेत्
vividhā prāṇaharāścāpi nānābhūtagaṇāstathā / nṛtyamānāśca yudhyeyustasmād deśādapakramet
Sanskrit only: no published translation is held for this verse.
मण्डलाकारंसङ्काशं दृश्यस्थः शशिमण्डलम् । तादृशं तु ततो दृष्ट्वा तस्माद् देशादपक्रमेत्
maṇḍalākāraṃsaṅkāśaṃ dṛśyasthaḥ śaśimaṇḍalam / tādṛśaṃ tu tato dṛṣṭvā tasmād deśādapakramet
Sanskrit only: no published translation is held for this verse.
युद्ध्यन्तां सर्वसङ्ख्यांश्च दृश्यन्ते शशिमण्डले । एकस्तत्र पतेत् क्षिप्रं यस्य यो दिशिमाश्रितः । तं देवदिशिमित्याहुः भूपतिर्मृयते ध्रूवम्
yuddhyantāṃ sarvasaṅkhyāṃśca dṛśyante śaśimaṇḍale / ekastatra patet kṣipraṃ yasya yo diśimāśritaḥ / taṃ devadiśimityāhuḥ bhūpatirmṛyate dhrūvam
Sanskrit only: no published translation is held for this verse.
तादृशं दृष्ट्वा सत्त्वाख्यं विविधाकारसम्भवम् । अचिरात् तत्र भयात् क्षिप्रं तस्माद् देशादपक्रमेत्
tādṛśaṃ dṛṣṭvā sattvākhyaṃ vividhākārasambhavam / acirāt tatra bhayāt kṣipraṃ tasmād deśādapakramet
Sanskrit only: no published translation is held for this verse.
शरनाराचशक्तिश्च दृष्ट्वा तत्र निशाकरे । तस्करोपद्रवं क्षिप्रं शस्त्रसम्पातजं भयम्
śaranārācaśaktiśca dṛṣṭvā tatra niśākare / taskaropadravaṃ kṣipraṃ śastrasampātajaṃ bhayam
Sanskrit only: no published translation is held for this verse.
दृष्ट्वा विकृतरूपास्तु नानासत्त्वसमाश्रयाम् । रात्रौ भूतले चन्द्रे तस्माद् देशादपक्रमेत्
dṛṣṭvā vikṛtarūpāstu nānāsattvasamāśrayām / rātrau bhūtale candre tasmād deśādapakramet
Sanskrit only: no published translation is held for this verse.
कृष्णवर्णा विहङ्गास्तु शुक्ला चैव सपीतलाः । रक्ताश्चैव तथा धूम्राः स्वभावविकृताश्रया
kṛṣṇavarṇā vihaṅgāstu śuklā caiva sapītalāḥ / raktāścaiva tathā dhūmrāḥ svabhāvavikṛtāśrayā
Sanskrit only: no published translation is held for this verse.
ते वै विवर्णवर्णास्तु दृश्यन्ते भूतले यदा । तादृशं लक्षणं दृष्ट्वा तस्माद् देशादपक्रमेत्
te vai vivarṇavarṇāstu dṛśyante bhūtale yadā / tādṛśaṃ lakṣaṇaṃ dṛṣṭvā tasmād deśādapakramet
Sanskrit only: no published translation is held for this verse.
शुक्ला पक्षा भवेत् कृष्णा कृष्णा पक्षा तथा सिता । दृश्यन्ते विकृतरूपास्तु विहङ्गाश्चैव महीतले । तादृशं लक्षणं दृष्ट्वा तस्माद् देशादपक्रमेत्
śuklā pakṣā bhavet kṛṣṇā kṛṣṇā pakṣā tathā sitā / dṛśyante vikṛtarūpāstu vihaṅgāścaiva mahītale / tādṛśaṃ lakṣaṇaṃ dṛṣṭvā tasmād deśādapakramet
Sanskrit only: no published translation is held for this verse.
मृगक्रोष्टुकगणाः सर्वे प्रविशेयुर्ग्राममालयम् । श्वापदा व्यालिनो धूर्ता म्लेच्छोपद्रवतस्कराः
mṛgakroṣṭukagaṇāḥ sarve praviśeyurgrāmamālayam / śvāpadā vyālino dhūrtā mlecchopadravataskarāḥ
Sanskrit only: no published translation is held for this verse.
भवेयुर्भयकृतं तेषां दुर्भिक्षं वापि वर्णितम् । विविधा भूतगणाश्चापि दृश्यन्ते तु महीतले
bhaveyurbhayakṛtaṃ teṣāṃ durbhikṣaṃ vāpi varṇitam / vividhā bhūtagaṇāścāpi dṛśyante tu mahītale
Sanskrit only: no published translation is held for this verse.
विकृताविकृतरूपिण्यः यक्षराक्षसकिन्नराः । दिवा रात्रौ तथा नित्यं नृत्यन्ते च महीतले । तादृशं लक्षणं दृष्ट्वा तस्माद् देशादपक्रमेत्
vikṛtāvikṛtarūpiṇyaḥ yakṣarākṣasakinnarāḥ / divā rātrau tathā nityaṃ nṛtyante ca mahītale / tādṛśaṃ lakṣaṇaṃ dṛṣṭvā tasmād deśādapakramet
Sanskrit only: no published translation is held for this verse.
नरनारीकुमारांश्च क्रन्देयुर्भृशं भूतले । रात्रौ दिवा तथा नित्यं व्याधिस्तत्र मिहागमः
naranārīkumārāṃśca krandeyurbhṛśaṃ bhūtale / rātrau divā tathā nityaṃ vyādhistatra mihāgamaḥ
Sanskrit only: no published translation is held for this verse.
उरगा विकृतबीभत्सा दृश्यन्ते वसुधातले । गृहे रथ्ये तथा भिन्ध्या मन्दिरे वृक्षसन्निधौ । सर्वतो व्याप्य तिष्ठन्ते भवेत् तत्र महाभयेम्
uragā vikṛtabībhatsā dṛśyante vasudhātale / gṛhe rathye tathā bhindhyā mandire vṛkṣasannidhau / sarvato vyāpya tiṣṭhante bhavet tatra mahābhayem
Sanskrit only: no published translation is held for this verse.
महामार्योपसर्गं च विषविस्फोटमूर्च्छनम् । दुर्भिक्षं राष्ट्रभङ्गं च भवेत् तत्र जनागमे
mahāmāryopasargaṃ ca viṣavisphoṭamūrcchanam / durbhikṣaṃ rāṣṭrabhaṅgaṃ ca bhavet tatra janāgame
Sanskrit only: no published translation is held for this verse.
विकृताविकृतबीभत्सा पक्षिणश्वानक्रोष्टुका । ऊर्ध्वतुण्डा यदाकाशे रवन्ते विकृतानना
vikṛtāvikṛtabībhatsā pakṣiṇaśvānakroṣṭukā / ūrdhvatuṇḍā yadākāśe ravante vikṛtānanā
Sanskrit only: no published translation is held for this verse.
अर्धरात्रौ तु मध्याह्ने उभे मर्त्ये च कुत्सिता । भवेन्महाभयं क्षिप्रं परचक्रसमागमम्
ardharātrau tu madhyāhne ubhe martye ca kutsitā / bhavenmahābhayaṃ kṣipraṃ paracakrasamāgamam
Sanskrit only: no published translation is held for this verse.
दुर्भिक्षमतिवृष्टिश्च भवेत् तत्र समासतः । मासमेकेन सप्ताहान्महादुःखोपपीडिताः
durbhikṣamativṛṣṭiśca bhavet tatra samāsataḥ / māsamekena saptāhānmahāduḥkhopapīḍitāḥ
Sanskrit only: no published translation is held for this verse.
अन्योन्यं भूतले वासा मानुषा तस्कराग्निना । महाशस्त्रभयं तत्र तस्माद् देशादपक्रमेत्
anyonyaṃ bhūtale vāsā mānuṣā taskarāgninā / mahāśastrabhayaṃ tatra tasmād deśādapakramet
Sanskrit only: no published translation is held for this verse.
गगनस्था सर्वतो मेघा दृश्यन्ते च वक्रसम्भवा । स्फुटाकाराथ रौद्राश्च तीव्रगर्जननादिनः
gaganasthā sarvato meghā dṛśyante ca vakrasambhavā / sphuṭākārātha raudrāśca tīvragarjananādinaḥ
Sanskrit only: no published translation is held for this verse.
सप्तस्फुटा द्विश्चतुर्वा च दृश्यन्ते उरगाश्रयाः । सुघोरा घोरवक्राश्च दृश्यन्ते गगनाश्रया
saptasphuṭā dviścaturvā ca dṛśyante uragāśrayāḥ / sughorā ghoravakrāśca dṛśyante gaganāśrayā
Sanskrit only: no published translation is held for this verse.
तादृशं लक्षणं दृष्ट्वा अचिअरात् तत्र महाभयम् । महामार्योपद्रवं च ज्वरो व्याधिः रोगाश्चैव महाभयाः
tādṛśaṃ lakṣaṇaṃ dṛṣṭvā aciarāt tatra mahābhayam / mahāmāryopadravaṃ ca jvaro vyādhiḥ rogāścaiva mahābhayāḥ
Sanskrit only: no published translation is held for this verse.
सद्यः प्राणहराः क्षिप्रं विषाः स्थावरजङ्गमाः । उत्सृजन्ति तदा मेघां तदा वृष्टिं च दारुणम्
sadyaḥ prāṇaharāḥ kṣipraṃ viṣāḥ sthāvarajaṅgamāḥ / utsṛjanti tadā meghāṃ tadā vṛṣṭiṃ ca dāruṇam
Sanskrit only: no published translation is held for this verse.
नश्यते भूतयस्तत्र अन्योन्या निरपेक्षिणः । तादृशं लक्षणं दृष्ट्वा तस्माद् देशादपक्रमेत्
naśyate bhūtayastatra anyonyā nirapekṣiṇaḥ / tādṛśaṃ lakṣaṇaṃ dṛṣṭvā tasmād deśādapakramet
Sanskrit only: no published translation is held for this verse.
महाप्रपातदुर्भिक्षमुल्कापातां समन्ततः । धूमकेतोश्च निर्घातां दिशादाहां कथयिष्यामि ते
mahāprapātadurbhikṣamulkāpātāṃ samantataḥ / dhūmaketośca nirghātāṃ diśādāhāṃ kathayiṣyāmi te
Sanskrit only: no published translation is held for this verse.
शृणु प्रपातं दृश्यस्थं उल्किनां चैव जायते । रात्रौ दिवा समन्ता वै उल्कापातो भवेद् यदि । महाभयमनारोग्यं ज्ञात्वा मन्त्री व्रजेत् ततः
śṛṇu prapātaṃ dṛśyasthaṃ ulkināṃ caiva jāyate / rātrau divā samantā vai ulkāpāto bhaved yadi / mahābhayamanārogyaṃ jñātvā mantrī vrajet tataḥ
Sanskrit only: no published translation is held for this verse.
महोल्काज्वलमानाया दिशं गच्छेत् वै सदा । तादृशं नृपतीनां भङ्गः यतो वक्त्रं ततो भयम्
maholkājvalamānāyā diśaṃ gacchet vai sadā / tādṛśaṃ nṛpatīnāṃ bhaṅgaḥ yato vaktraṃ tato bhayam
Sanskrit only: no published translation is held for this verse.
विदिशां पतते उल्कां समन्ताद्वै निशि सर्वदा । तत्र देशे महाव्याधिः दुर्भिक्षनृपघातनम्
vidiśāṃ patate ulkāṃ samantādvai niśi sarvadā / tatra deśe mahāvyādhiḥ durbhikṣanṛpaghātanam
Sanskrit only: no published translation is held for this verse.
दिवारात्रौ यदा उल्का पतते वै समन्ततः । तादृशं च भवेन्मृत्युर्नृपतीनां च मन्त्रिणाम् । तं बुद्ध्वा मन्त्रजापी स्याद् ज्ञात्वा तस्माद्देशादपक्रमेत्
divārātrau yadā ulkā patate vai samantataḥ / tādṛśaṃ ca bhavenmṛtyurnṛpatīnāṃ ca mantriṇām / taṃ buddhvā mantrajāpī syād jñātvā tasmāddeśādapakramet
Sanskrit only: no published translation is held for this verse.
उल्किनः प्रपते युद्धाद् यतो पुच्छस्ततो भयम् । अन्या वा दृश्यते भङ्गो नृपतीनां रणसङ्कटे
ulkinaḥ prapate yuddhād yato pucchastato bhayam / anyā vā dṛśyate bhaṅgo nṛpatīnāṃ raṇasaṅkaṭe
Sanskrit only: no published translation is held for this verse.
महाक्षोभं तदा चक्रे महोल्का ग्रहचिह्निते । समन्तात् पतते क्षिप्रं तस्माद् देशादपक्रमेत्
mahākṣobhaṃ tadā cakre maholkā grahacihnite / samantāt patate kṣipraṃ tasmād deśādapakramet
Sanskrit only: no published translation is held for this verse.
यादृशं उल्कमावेश्य आश्रयात् पतते सदा । तां दिशं व्याधिदुर्भिक्षं राष्ट्रभङ्गं च जायते
yādṛśaṃ ulkamāveśya āśrayāt patate sadā / tāṃ diśaṃ vyādhidurbhikṣaṃ rāṣṭrabhaṅgaṃ ca jāyate
Sanskrit only: no published translation is held for this verse.
गमनागमनयोर्मृत्युस्तारकाणां तदाश्रयात् । यो ऽयं नक्षत्रजातस्थः तस्य मृत्युभयं भवेत्
gamanāgamanayormṛtyustārakāṇāṃ tadāśrayāt / yo 'yaṃ nakṣatrajātasthaḥ tasya mṛtyubhayaṃ bhavet
Sanskrit only: no published translation is held for this verse.
द्विरात्रान्नश्यते जन्तुर्नक्षत्रा पतते भुवि । नराधिपानां च सर्वेषामेष एव विधिर्भवेत्
dvirātrānnaśyate janturnakṣatrā patate bhuvi / narādhipānāṃ ca sarveṣāmeṣa eva vidhirbhavet
Sanskrit only: no published translation is held for this verse.
यो ऽयं पश्यते देवः इष्टं + ष्वेदमाकुलम् । रात्रौ दर्शने ऽवश्यं प्रतिमायां दिवा तदा । तस्य मृत्युभयं विद्यान्मासैः षट्भिस्तदा स्मृतः
yo 'yaṃ paśyate devaḥ iṣṭaṃ + ṣvedamākulam / rātrau darśane 'vaśyaṃ pratimāyāṃ divā tadā / tasya mṛtyubhayaṃ vidyānmāsaiḥ ṣaṭbhistadā smṛtaḥ
Sanskrit only: no published translation is held for this verse.
प्रतिमा चलिता यस्य देवतेष्टस्य जन्तुनः । हसते रुदते चैव तं देशं वर्जयेत् सदा
pratimā calitā yasya devateṣṭasya jantunaḥ / hasate rudate caiva taṃ deśaṃ varjayet sadā
Sanskrit only: no published translation is held for this verse.
प्रतिमा पतते चैव विशीर्यते वा स्वकात्मना । तस्य भङ्गं भवेत् क्षिप्रं गृहाश्चैव नराधिपे । कुर्वन्ति विविधाकारां लिङ्गां विविधरूपिणाम्
pratimā patate caiva viśīryate vā svakātmanā / tasya bhaṅgaṃ bhavet kṣipraṃ gṛhāścaiva narādhipe / kurvanti vividhākārāṃ liṅgāṃ vividharūpiṇām
Sanskrit only: no published translation is held for this verse.
प्रतिमा यदि दृश्यस्था देवायतनमन्दिरे । तादृशं तु ततो दृष्ट्वा तस्माद् देशादपक्रमेत्
pratimā yadi dṛśyasthā devāyatanamandire / tādṛśaṃ tu tato dṛṣṭvā tasmād deśādapakramet
Sanskrit only: no published translation is held for this verse.
समन्तात् सर्वतो मन्त्री पश्येयुः प्रतिमां सदा । विकृतरूपबीभत्सां नानाविकृतमाश्रिताम्
samantāt sarvato mantrī paśyeyuḥ pratimāṃ sadā / vikṛtarūpabībhatsāṃ nānāvikṛtamāśritām
Sanskrit only: no published translation is held for this verse.
स्वयं वा पश्यते मन्त्री अन्यैर्वा भुवि । तादृशं लक्षणं दृष्ट्वा तस्माद् देशादपक्रमेत्
svayaṃ vā paśyate mantrī anyairvā bhuvi / tādṛśaṃ lakṣaṇaṃ dṛṣṭvā tasmād deśādapakramet
Sanskrit only: no published translation is held for this verse.
अर्घरात्रे तथा यामे तृतीये ऽर्धे यदि दृश्यते । तारकाणां महावृष्टिं तस्माद् देशादपक्रमेत्
argharātre tathā yāme tṛtīye 'rdhe yadi dṛśyate / tārakāṇāṃ mahāvṛṣṭiṃ tasmād deśādapakramet
Sanskrit only: no published translation is held for this verse.
चतुर्थभागे तथा रात्रौ तारका क्षिप्रगामिनः । खद्योत इव गच्छन्ति तं देशं सर्वतो न भजेत्
caturthabhāge tathā rātrau tārakā kṣipragāminaḥ / khadyota iva gacchanti taṃ deśaṃ sarvato na bhajet
Sanskrit only: no published translation is held for this verse.
बसुधातलेन गच्छन्ति तस्मिं देशे ततो व्रजेत् । यत्र संशयते वृष्टि यत्र गच्छन्ति तारकाः
basudhātalena gacchanti tasmiṃ deśe tato vrajet / yatra saṃśayate vṛṣṭi yatra gacchanti tārakāḥ
Sanskrit only: no published translation is held for this verse.
तं देशं मा विशेत् क्षिप्रं यत्र वृष्टि महद् भयम् । तं देशं नश्यते क्षिप्रं परचक्रसमागमम्
taṃ deśaṃ mā viśet kṣipraṃ yatra vṛṣṭi mahad bhayam / taṃ deśaṃ naśyate kṣipraṃ paracakrasamāgamam
Sanskrit only: no published translation is held for this verse.
दुर्भिक्षं शस्त्रसम्पातं तं विद्यात् देशमाकुलम् । चोरोरगव्यालानां म्लेच्छधूर्तसमागमम्
durbhikṣaṃ śastrasampātaṃ taṃ vidyāt deśamākulam / cororagavyālānāṃ mlecchadhūrtasamāgamam
Sanskrit only: no published translation is held for this verse.
तं देशं नराधिपां नित्यं प्रवसेत् सर्वतो दिशम् । विलुप्तराज्यो विभ्रष्टपरचक्रसमाश्रितः
taṃ deśaṃ narādhipāṃ nityaṃ pravaset sarvato diśam / viluptarājyo vibhraṣṭaparacakrasamāśritaḥ
Sanskrit only: no published translation is held for this verse.
वर्षा अष्ट एकं च तं देशं तत्र लेभिरे पुनः । प्राप्नुयात् तदा राज्यं देशादागमनं पुनः
varṣā aṣṭa ekaṃ ca taṃ deśaṃ tatra lebhire punaḥ / prāpnuyāt tadā rājyaṃ deśādāgamanaṃ punaḥ
Sanskrit only: no published translation is held for this verse.
ज्ञात्वा दुपक्रमात् सर्वां विक्रियां क्रिययोजिताम् । क्रियाकालं समासेन तं जापी आरभेत् सदा
jñātvā dupakramāt sarvāṃ vikriyāṃ kriyayojitām / kriyākālaṃ samāsena taṃ jāpī ārabhet sadā
Sanskrit only: no published translation is held for this verse.
उल्कापात महान्तो वै दृश्यते यदि मिश्रितम् । समन्तान्नित्यकालं च तस्माद् देशादपक्रमेत्
ulkāpāta mahānto vai dṛśyate yadi miśritam / samantānnityakālaṃ ca tasmād deśādapakramet
Sanskrit only: no published translation is held for this verse.
उल्किनो बहुधाकारा दृश्यन्ते विविधाश्रया । विचित्रा चित्ररूपिण्यः यक्षिण्यश्च महर्द्धिकाः
ulkino bahudhākārā dṛśyante vividhāśrayā / vicitrā citrarūpiṇyaḥ yakṣiṇyaśca maharddhikāḥ
Sanskrit only: no published translation is held for this verse.
ज्वलन्तां वक्त्रदेशाभ्यां क्रव्यादांश्च पिशाचिकाः । तस्मात् परीक्षयेदुल्कां लिङ्गैरेभिः समोदिताम्
jvalantāṃ vaktradeśābhyāṃ kravyādāṃśca piśācikāḥ / tasmāt parīkṣayedulkāṃ liṅgairebhiḥ samoditām
Sanskrit only: no published translation is held for this verse.
अतिदीर्घ तथा ह्रस्वो मध्याश्चैव प्रकीर्तिता । चतुर्हस्ता द्विहस्ता वा हस्तमात्रप्रमाणतः
atidīrgha tathā hrasvo madhyāścaiva prakīrtitā / caturhastā dvihastā vā hastamātrapramāṇataḥ
Sanskrit only: no published translation is held for this verse.
दृश्यन्ते भूतले मर्त्यैराश्रयन्ते महोदया । महाप्राणा स्वरूपाश्च देवतैषा महर्द्धिका
dṛśyante bhūtale martyairāśrayante mahodayā / mahāprāṇā svarūpāśca devataiṣā maharddhikā
Sanskrit only: no published translation is held for this verse.
विचित्राकाररूपास्तु हूतास्ते च दिवौकसाम् । देवासुरे ऽय सङ्ग्रामे वर्तमाने महद्भये
vicitrākārarūpāstu hūtāste ca divaukasām / devāsure 'ya saṅgrāme vartamāne mahadbhaye
Sanskrit only: no published translation is held for this verse.
शक्रमाज्ञामिह क्षिप्रं गच्छन्ते ऽथ भूतले । जम्बूद्वीपगतां मर्त्यां नराश्यक्षां नराधिपाम्
śakramājñāmiha kṣipraṃ gacchante 'tha bhūtale / jambūdvīpagatāṃ martyāṃ narāśyakṣāṃ narādhipām
Sanskrit only: no published translation is held for this verse.
पश्यन्ते सर्वलोकांश्च धर्माधर्मविचारकाम् । मातृज्ञा पितृभक्ताश्च कुले ज्येष्ठापचायका
paśyante sarvalokāṃśca dharmādharmavicārakām / mātṛjñā pitṛbhaktāśca kule jyeṣṭhāpacāyakā
Sanskrit only: no published translation is held for this verse.
महामन्त्रधरा सर्वे जापिनो यद्यजाम्बूद्वीपगता नराः । तदा देवा महोत्सवापि जायन्ते तदा दैत्यां कुर्वन्ते च पराभवम्
mahāmantradharā sarve jāpino yadyajāmbūdvīpagatā narāḥ / tadā devā mahotsavāpi jāyante tadā daityāṃ kurvante ca parābhavam
Sanskrit only: no published translation is held for this verse.
धर्मिष्ठा भूलते मर्त्या जाम्बूद्वीपनिवासिनः । महोत्साहं तदा काले तृदशाध्यक्षो ऽथ वासवः
dharmiṣṭhā bhūlate martyā jāmbūdvīpanivāsinaḥ / mahotsāhaṃ tadā kāle tṛdaśādhyakṣo 'tha vāsavaḥ
Sanskrit only: no published translation is held for this verse.
तदा भग्नवतोत्साहा असुरा भिन्नमानसा । अभिमानं लभेतां येन पाताले तेन ताः
tadā bhagnavatotsāhā asurā bhinnamānasā / abhimānaṃ labhetāṃ yena pātāle tena tāḥ
Sanskrit only: no published translation is held for this verse.
प्रविशन्ते स्वपुरं तत्र भिन्नमाना कृतव्यथाः । महाप्रमोदं तदा देवा लेभिरे तृदशेश्वराः
praviśante svapuraṃ tatra bhinnamānā kṛtavyathāḥ / mahāpramodaṃ tadā devā lebhire tṛdaśeśvarāḥ
Sanskrit only: no published translation is held for this verse.
तदा जम्बूद्वीपे ऽथ सर्वत्र सुभिक्षमारोग्यते जनाः । स्वस्था च सर्वतो जग्मुः नरनारी गतव्यथा
tadā jambūdvīpe 'tha sarvatra subhikṣamārogyate janāḥ / svasthā ca sarvato jagmuḥ naranārī gatavyathā
Sanskrit only: no published translation is held for this verse.
तस्मात् सर्वप्रकारेण बुद्धेः भक्तिः कृथे जनाः । धर्मसङ्घे च भूयिष्ठे गतद्वन्द्वे निरामये
tasmāt sarvaprakāreṇa buddheḥ bhaktiḥ kṛthe janāḥ / dharmasaṅghe ca bhūyiṣṭhe gatadvandve nirāmaye
Sanskrit only: no published translation is held for this verse.
पूजां कुरुथ मर्त्यातो लालिलिप्सः सर्वसम्पदाम् । मन्त्रचर्यां तदा चक्रे वव्रे वाचां शुभोदया
pūjāṃ kurutha martyāto lālilipsaḥ sarvasampadām / mantracaryāṃ tadā cakre vavre vācāṃ śubhodayā
Sanskrit only: no published translation is held for this verse.
दशकर्म यथालोकां सम्प्रतिष्ठा निरोपगाम् । कुरुध्वं जनसम्पातां त्रिधा शुद्धेन मानसाः
daśakarma yathālokāṃ sampratiṣṭhā niropagām / kurudhvaṃ janasampātāṃ tridhā śuddhena mānasāḥ
Sanskrit only: no published translation is held for this verse.
विरतिः प्राणिवधे नित्यं अदत्तं वापि नाचरेत् । न भजेदङ्गनादन्यां अगम्यापरिवर्जिताम् । जपेत्
viratiḥ prāṇivadhe nityaṃ adattaṃ vāpi nācaret / na bhajedaṅganādanyāṃ agamyāparivarjitām / japet
Sanskrit only: no published translation is held for this verse.
सन्तुष्टिः स्वेन धर्मेण सङ्कुरुध्व जनसत्तमाः । मृषावादं न भाषेत विपाकं यद्यदुःखदम्
santuṣṭiḥ svena dharmeṇa saṅkurudhva janasattamāḥ / mṛṣāvādaṃ na bhāṣeta vipākaṃ yadyaduḥkhadam
Sanskrit only: no published translation is held for this verse.
नाभाषेत् कर्कशां वाणीं सर्वसत्त्वार्थदुःखदाम् । यत्किञ्चित् क्लेशसंयुक्तां वाचादर्थविवर्जिताम्
nābhāṣet karkaśāṃ vāṇīṃ sarvasattvārthaduḥkhadām / yatkiñcit kleśasaṃyuktāṃ vācādarthavivarjitām
Sanskrit only: no published translation is held for this verse.
शून्या धर्मार्थसंयुक्तामभिन्नां नाचरेत् सदा । पैशुन्यं वर्जयेन्नित्यं वचनं परभेदने
śūnyā dharmārthasaṃyuktāmabhinnāṃ nācaret sadā / paiśunyaṃ varjayennityaṃ vacanaṃ parabhedane
Sanskrit only: no published translation is held for this verse.
क्लिष्टचित्तस्य सर्वत्र निषिद्धं मुनिपुङ्गवैः । अभिध्यं नाचरेत् कर्म परसत्त्वोपकारिणः
kliṣṭacittasya sarvatra niṣiddhaṃ munipuṅgavaiḥ / abhidhyaṃ nācaret karma parasattvopakāriṇaḥ
Sanskrit only: no published translation is held for this verse.
यो यस्य सदा सृतं न कुर्याद् द्वेषसमुत्थितम् । व्यापादं वर्जयेत् कर्म सत्त्वद्वेषमनास्पदम्
yo yasya sadā sṛtaṃ na kuryād dveṣasamutthitam / vyāpādaṃ varjayet karma sattvadveṣamanāspadam
Sanskrit only: no published translation is held for this verse.
उपघातं परसत्त्वस्य न कुर्यात् सर्वतो जनाः । मिथ्यादृष्टिं न कुर्यान्तां सर्वधर्मविनाशिनीम्
upaghātaṃ parasattvasya na kuryāt sarvato janāḥ / mithyādṛṣṭiṃ na kuryāntāṃ sarvadharmavināśinīm
Sanskrit only: no published translation is held for this verse.
नास्ति दत्तं हुतं चैव न चेष्टमन्त्रसाधने । न सिध्यन्ते तथा मन्त्राः सर्वतन्त्रार्थकल्पिताः
nāsti dattaṃ hutaṃ caiva na ceṣṭamantrasādhane / na sidhyante tathā mantrāḥ sarvatantrārthakalpitāḥ
Sanskrit only: no published translation is held for this verse.
न बुद्धानां सुखोत्पत्तिः न शान्तं निर्वाणमिष्यते । न चापि चर्या तथा बोधो प्रत्येकार्थसम्भवाम्
na buddhānāṃ sukhotpattiḥ na śāntaṃ nirvāṇamiṣyate / na cāpi caryā tathā bodho pratyekārthasambhavām
Sanskrit only: no published translation is held for this verse.
न चार्हत्वं भुवि लोके ऽस्मिं नापि धर्मेषु जायते । स्वभावैषा विविधा लोके अर्थादर्थतथातथा
na cārhatvaṃ bhuvi loke 'smiṃ nāpi dharmeṣu jāyate / svabhāvaiṣā vividhā loke arthādarthatathātathā
Sanskrit only: no published translation is held for this verse.
एवमाद्यां अनेकांश्च विविधाकारचिह्निता । न तां भजेत् सदा मन्त्री पापदृष्टिसमुद्भवाम्
evamādyāṃ anekāṃśca vividhākāracihnitā / na tāṃ bhajet sadā mantrī pāpadṛṣṭisamudbhavām
Sanskrit only: no published translation is held for this verse.
दशकर्म यथा प्रोक्ता विरत्या स्वर्गोपगा स्मृताः । भावना चैव फलं तेषां निर्वाणामर्थसम्भवाम्
daśakarma yathā proktā viratyā svargopagā smṛtāḥ / bhāvanā caiva phalaṃ teṣāṃ nirvāṇāmarthasambhavām
Sanskrit only: no published translation is held for this verse.
अनिष्टा तु भवे लोके तदा सुराणां पराजयम् । दैत्यानां वर्धते मानः अतिदर्पार्थसम्भवाम्
aniṣṭā tu bhave loke tadā surāṇāṃ parājayam / daityānāṃ vardhate mānaḥ atidarpārthasambhavām
Sanskrit only: no published translation is held for this verse.
जनालये तदा सर्वं जम्बूद्वीपनिवासिनः । बाध्यन्ते व्याधिभिः क्षिप्रं अन्योन्यां ते ऽपि मूर्छिता
janālaye tadā sarvaṃ jambūdvīpanivāsinaḥ / bādhyante vyādhibhiḥ kṣipraṃ anyonyāṃ te 'pi mūrchitā
Sanskrit only: no published translation is held for this verse.
जनाध्यक्षास्तदा सर्वे अन्योन्यापराधिनः । क्षिप्रं नश्यन्ति ते सर्वे मुनिधर्मार्थवर्जिताः
janādhyakṣāstadā sarve anyonyāparādhinaḥ / kṣipraṃ naśyanti te sarve munidharmārthavarjitāḥ
Sanskrit only: no published translation is held for this verse.
समरे क्रुद्धचित्तानां शस्त्रसम्पातमृत्यवः । न ते भेजे देवमुख्यानां तर्जन्यापद्यनालये
samare kruddhacittānāṃ śastrasampātamṛtyavaḥ / na te bheje devamukhyānāṃ tarjanyāpadyanālaye
Sanskrit only: no published translation is held for this verse.
बुद्धं धर्म तथा सङ्घं न पूजेदशुभा नृपा । न मन्त्रां जप्तु ते क्षिप्रं ते नृपा तस्थुरे सदा
buddhaṃ dharma tathā saṅghaṃ na pūjedaśubhā nṛpā / na mantrāṃ japtu te kṣipraṃ te nṛpā tasthure sadā
Sanskrit only: no published translation is held for this verse.
विनश्यन्ते तदा लोका विविधायासमूर्छिताः । ततस्ते दैत्यवराः क्षिप्रं सुसंरब्धा रुरोह तम्
vinaśyante tadā lokā vividhāyāsamūrchitāḥ / tataste daityavarāḥ kṣipraṃ susaṃrabdhā ruroha tam
Sanskrit only: no published translation is held for this verse.
सुमेरुपर्वतमूर्धानमाविशन्ते जनसत्तमाः । परिषण्डो तदा मेरो विभजेन्मन्दिरा शुभौ
sumeruparvatamūrdhānamāviśante janasattamāḥ / pariṣaṇḍo tadā mero vibhajenmandirā śubhau
Sanskrit only: no published translation is held for this verse.
समन्ताद्वनविध्वस्तं दिवौकसां कारयन्ति ते । विविधा रथवरै रूढा नानाभरणभूषिता
samantādvanavidhvastaṃ divaukasāṃ kārayanti te / vividhā rathavarai rūḍhā nānābharaṇabhūṣitā
Sanskrit only: no published translation is held for this verse.
नानाप्रहरणा दद्युः पुरः श्रेष्ठां पराजयाम् । ततस्ते खरं भेजे अप्सराणां भज जग्रहे
nānāpraharaṇā dadyuḥ puraḥ śreṣṭhāṃ parājayām / tataste kharaṃ bheje apsarāṇāṃ bhaja jagrahe
Sanskrit only: no published translation is held for this verse.
ईश्वराः प्रभवः सर्वे असुरास्ते वलदर्पिताः । जग्राह सुरकन्यां वै सुधा चैव च भोजनम्
īśvarāḥ prabhavaḥ sarve asurāste valadarpitāḥ / jagrāha surakanyāṃ vai sudhā caiva ca bhojanam
Sanskrit only: no published translation is held for this verse.
ततस्ते सुरवराः श्रेष्ठाः प्रविष्टाः नगरोत्तमम् । मेरुमूर्ध्नि ततो गत्वा नगरं दर्शनाश्रयम्
tataste suravarāḥ śreṣṭhāḥ praviṣṭāḥ nagarottamam / merumūrdhni tato gatvā nagaraṃ darśanāśrayam
Sanskrit only: no published translation is held for this verse.
शक्रानुयाता सर्वे वै पिशिता द्वारपुरोत्तमे । न तु माया पुरी भीतिः उपजग्मु मुदाश्रयम्
śakrānuyātā sarve vai piśitā dvārapurottame / na tu māyā purī bhītiḥ upajagmu mudāśrayam
Sanskrit only: no published translation is held for this verse.
निवर्त्य तत्र वै सर्वे स्वालयं जग्मु ते सुरा । यदेका मन्त्रसिद्धिस्तु निवशेर्जन्युमाश्रयम्
nivartya tatra vai sarve svālayaṃ jagmu te surā / yadekā mantrasiddhistu nivaśerjanyumāśrayam
Sanskrit only: no published translation is held for this verse.
जप्तमन्त्रो ऽपि वा मर्त्यः निवसं तत्र आलये । तत्र देशे न चार्तीनि न दुर्भिक्षं न शत्रवः
japtamantro 'pi vā martyaḥ nivasaṃ tatra ālaye / tatra deśe na cārtīni na durbhikṣaṃ na śatravaḥ
Sanskrit only: no published translation is held for this verse.
न रोगा नापि भयं विद्याज्जप्तमन्त्रे स्थिते भुवि । न चास्या दस्यवः सर्वे शक्नुवन्तीह हिंसितुम्
na rogā nāpi bhayaṃ vidyājjaptamantre sthite bhuvi / na cāsyā dasyavaḥ sarve śaknuvantīha hiṃsitum
Sanskrit only: no published translation is held for this verse.
न चार्तिमृत्यवस्तत्र अमर्यादा प्रवर्तते । न रुजा व्याधिसम्मूर्छा ज्वररोगापहारिणः
na cārtimṛtyavastatra amaryādā pravartate / na rujā vyādhisammūrchā jvararogāpahāriṇaḥ
Sanskrit only: no published translation is held for this verse.
बिभ्यन्ते भूतले तस्मिं जप्तमन्त्रो यदाश्रयः । ये ऽत्र मन्त्रवरा ह्युक्ता जिनेन्द्रकुल + द्भवा
bibhyante bhūtale tasmiṃ japtamantro yadāśrayaḥ / ye 'tra mantravarā hyuktā jinendrakula + dbhavā
Sanskrit only: no published translation is held for this verse.
अब्जाके तु तथा मन्त्रा मन्त्रिणं मन्त्रपूजिताः । तत्र मन्त्रवरां मन्त्री जह्नुजोपमहर्द्धिकाम्
abjāke tu tathā mantrā mantriṇaṃ mantrapūjitāḥ / tatra mantravarāṃ mantrī jahnujopamaharddhikām
Sanskrit only: no published translation is held for this verse.
तदा ते सुरवरा श्रेष्ठा असुराणां तु पराजयः । एवमुक्ता गुणा ह्यत्र दृश्यते भूतले कदा
tadā te suravarā śreṣṭhā asurāṇāṃ tu parājayaḥ / evamuktā guṇā hyatra dṛśyate bhūtale kadā
Sanskrit only: no published translation is held for this verse.
तार्किका विविधाकारा कथयन्तीह महीतले । ग्रहमेषो इति श्र्त्या अवतारार्थविस्तरा
tārkikā vividhākārā kathayantīha mahītale / grahameṣo iti śrtyā avatārārthavistarā
Sanskrit only: no published translation is held for this verse.
गीतं ऋषिवरैर्ज्ञानमुल्किनां ग्रहचिह्निताम् । निर्दिष्टं तत्र निर्देशः निघातस्य प्रवक्ष्यते
gītaṃ ṛṣivarairjñānamulkināṃ grahacihnitām / nirdiṣṭaṃ tatra nirdeśaḥ nighātasya pravakṣyate
Sanskrit only: no published translation is held for this verse.
उल्कापाते यदां लोका निर्घातो भुवि मण्डले । प्रद्युन्नागर्जना कस्माच्छ्रूयते च महीतले
ulkāpāte yadāṃ lokā nirghāto bhuvi maṇḍale / pradyunnāgarjanā kasmācchrūyate ca mahītale
Sanskrit only: no published translation is held for this verse.
भृशं चुचुक्षुत्र तद्देशं तिथिरेभि समायुतैः । अतुल्यशब्दनिर्घोष रौद्रां वापि तमाह्वयाम्
bhṛśaṃ cucukṣutra taddeśaṃ tithirebhi samāyutaiḥ / atulyaśabdanirghoṣa raudrāṃ vāpi tamāhvayām
Sanskrit only: no published translation is held for this verse.
श्रूयते गर्ज च क्षिप्रं महामेघवचः श्रूयते । षष्ठ्यचमथमष्टम्यां त्रयोदश्यामथ श्रूयते
śrūyate garja ca kṣipraṃ mahāmeghavacaḥ śrūyate / ṣaṣṭhyacamathamaṣṭamyāṃ trayodaśyāmatha śrūyate
Sanskrit only: no published translation is held for this verse.
कृष्णपक्षे तथा नित्यं द्वादश्यां तु चतुर्दशी । नक्षत्रैरेभि संयुक्ता वारैश्चापि ग्रहोत्तमैः
kṛṣṇapakṣe tathā nityaṃ dvādaśyāṃ tu caturdaśī / nakṣatrairebhi saṃyuktā vāraiścāpi grahottamaiḥ
Sanskrit only: no published translation is held for this verse.
अश्विन्यां कृत्तिकानां च भरण्यां यातं निबोधताम् । पूर्वभद्रपदे चैव आर्द्रामघाश्लेषसंयुक्ते
aśvinyāṃ kṛttikānāṃ ca bharaṇyāṃ yātaṃ nibodhatām / pūrvabhadrapade caiva ārdrāmaghāśleṣasaṃyukte
Sanskrit only: no published translation is held for this verse.
+ + + + + + + + + ग्रहैश्चापि सुपूजिते । शन्यर्काङ्गारकैः क्रूरैः भूम्या निपतते यदा
+ + + + + + + + + grahaiścāpi supūjite / śanyarkāṅgārakaiḥ krūraiḥ bhūmyā nipatate yadā
Sanskrit only: no published translation is held for this verse.
अवर्षोदकर्मा क्रूरं शब्दो निघात उच्यते । महद् भयं तत्र देशे वै दुर्भिक्षं राष्ट्रमर्दनम्
avarṣodakarmā krūraṃ śabdo nighāta ucyate / mahad bhayaṃ tatra deśe vai durbhikṣaṃ rāṣṭramardanam
Sanskrit only: no published translation is held for this verse.
परचक्रभयं विद्यान्नानाव्याधिमहद्भयम् । निर्घातं पतते चोर्व्यां नक्षत्रैरेभि कीर्तितैः
paracakrabhayaṃ vidyānnānāvyādhimahadbhayam / nirghātaṃ patate corvyāṃ nakṣatrairebhi kīrtitaiḥ
Sanskrit only: no published translation is held for this verse.
वारैरशुभैश्चापि ग्रहैः कृष्णरक्तकैः । तत्र देशे नृपो भृशं हन्यते शस्त्रिभिः सदा
vārairaśubhaiścāpi grahaiḥ kṛṣṇaraktakaiḥ / tatra deśe nṛpo bhṛśaṃ hanyate śastribhiḥ sadā
Sanskrit only: no published translation is held for this verse.
तस्मिं काले रौद्रे च कर्माणि तत्र देशे तदा जपेत् । विविधा व्याधयस्तत्र अर्थनाशश्च दृश्यते
tasmiṃ kāle raudre ca karmāṇi tatra deśe tadā japet / vividhā vyādhayastatra arthanāśaśca dṛśyate
Sanskrit only: no published translation is held for this verse.
मृत्युस्तत्र भवेद् व्याधिर्दुर्भिक्षैश्चापि निन्दितैः । अनावृष्टि सदाकाले द्वादशाब्दानि निर्दिशेत्
mṛtyustatra bhaved vyādhirdurbhikṣaiścāpi ninditaiḥ / anāvṛṣṭi sadākāle dvādaśābdāni nirdiśet
Sanskrit only: no published translation is held for this verse.
पश्चिमां दिशमाश्रित्य प्रपते भूतले नभात् । निर्घातं मृत्युसङ्कीर्णं दृश्यते मृत्युतस्करैः
paścimāṃ diśamāśritya prapate bhūtale nabhāt / nirghātaṃ mṛtyusaṅkīrṇaṃ dṛśyate mṛtyutaskaraiḥ
Sanskrit only: no published translation is held for this verse.
मध्याह्ने तु तदा काले युवाप्यस्तमिते ऽपि वा । उदयन्तं भास्करं रक्ते सुशब्दैः श्रावकैरेवम्
madhyāhne tu tadā kāle yuvāpyastamite 'pi vā / udayantaṃ bhāskaraṃ rakte suśabdaiḥ śrāvakairevam
Sanskrit only: no published translation is held for this verse.
त्रिःसन्ध्यात् कुत्सितः शब्दः शेषकाले तु तुष्टये । अर्धरात्रे यदा शब्दः निर्घातस्य महद् भयम्
triḥsandhyāt kutsitaḥ śabdaḥ śeṣakāle tu tuṣṭaye / ardharātre yadā śabdaḥ nirghātasya mahad bhayam
Sanskrit only: no published translation is held for this verse.
गुप्तां पुरवरां तत्र कारयन्तु नृपोत्तमा । नानाम्लेच्छगणा धूर्ता तस्कराधिष्ठितापि ते
guptāṃ puravarāṃ tatra kārayantu nṛpottamā / nānāmlecchagaṇā dhūrtā taskarādhiṣṭhitāpi te
Sanskrit only: no published translation is held for this verse.