कल्पमस्य भवति । आदौ तावन्महारण्यं गत्वा क्षीरयावकाहारः मूलफलशाकाहारो वा अक्षरलक्षं जपेत् । त्रिःकालस्नायिना वल्कलवाससा पूर्ववत् सर्वं विधिना कर्तव्यम् । यथा मन्त्रतन्त्रेषु तथागतकुलोद्भवेषु । ततः पूर्वसेवां कृत्वा अक्षरलक्षस्यान्ते तत्रैव साधनमारभेत् । विनापि पटेन । अग्निकुण्डं कृत्वा द्विहस्तप्रमाणं चतुर्हस्तविस्तीर्णं समन्ताच्चतुरश्रं सर्वपुष्पफलैरर्घ्यं दत्वा प्राङ्मुखः कुशविण्डकोपविष्टः नवमग्निमुत्पाद्य क्षीरवृक्षकाष्ठैरग्निं प्रज्वाल्य श्रीफलफलानां दधिमधुघृताक्तानामष्टसहस्रं जुहुयात् । त्रिसन्ध्यं दिवसान्येकविंशति ॥ ततो पूर्वायां दिशि महावभासं कृत्वा बुद्धो भगवानागच्छति । ततो साधके मूर्ध्नि परामृशति । अपरामृष्टे साधके तत्क्षणादेव भगवतो वाचा निश्चरते - सिद्धस्त्वं गच्छ यथेष्टम्, इति कृत्वान्तर्द्धीयते ॥ ततःप्रभृति साधकः पञ्चाभिज्ञो भवति महाप्रभावदिव्यमूर्त्तिः बोधिसत्त्वाचारः द्विरष्टवर्षाकृतिः यथेष्टगतिः सर्वभूतरुतज्ञः, एकक्षणमात्रेण सर्वभूतानां रुतं विजानीते प्रभवश्च भवति यथेष्टगामी । पञ्चवर्षसहस्राणि जीवते । अवैवर्त्तिको भवति बोधिसत्त्वः । विंशतिभिः साधनप्रवेशैर्नियतं सिध्यतीति नात्र विचिकित्सा कार्या प्रसाधितस्यापि न मन्त्रं जपता पूर्वमादितश्चैव मध्ये चैव निबोधताम् ॥ रुतज्ञानं प्रभावं च स्वभावं चैव कीर्त्यते । मध्ये आदितश्चैव अन्ते चैव दिवौकसाम्
kalpamasya bhavati / ādau tāvanmahāraṇyaṃ gatvā kṣīrayāvakāhāraḥ mūlaphalaśākāhāro vā akṣaralakṣaṃ japet / triḥkālasnāyinā valkalavāsasā pūrvavat sarvaṃ vidhinā kartavyam / yathā mantratantreṣu tathāgatakulodbhaveṣu / tataḥ pūrvasevāṃ kṛtvā akṣaralakṣasyānte tatraiva sādhanamārabhet / vināpi paṭena / agnikuṇḍaṃ kṛtvā dvihastapramāṇaṃ caturhastavistīrṇaṃ samantāccaturaśraṃ sarvapuṣpaphalairarghyaṃ datvā prāṅmukhaḥ kuśaviṇḍakopaviṣṭaḥ navamagnimutpādya kṣīravṛkṣakāṣṭhairagniṃ prajvālya śrīphalaphalānāṃ dadhimadhughṛtāktānāmaṣṭasahasraṃ juhuyāt / trisandhyaṃ divasānyekaviṃśati // tato pūrvāyāṃ diśi mahāvabhāsaṃ kṛtvā buddho bhagavānāgacchati / tato sādhake mūrdhni parāmṛśati / aparāmṛṣṭe sādhake tatkṣaṇādeva bhagavato vācā niścarate - siddhastvaṃ gaccha yatheṣṭam, iti kṛtvāntarddhīyate // tataḥprabhṛti sādhakaḥ pañcābhijño bhavati mahāprabhāvadivyamūrttiḥ bodhisattvācāraḥ dviraṣṭavarṣākṛtiḥ yatheṣṭagatiḥ sarvabhūtarutajñaḥ, ekakṣaṇamātreṇa sarvabhūtānāṃ rutaṃ vijānīte prabhavaśca bhavati yatheṣṭagāmī / pañcavarṣasahasrāṇi jīvate / avaivarttiko bhavati bodhisattvaḥ / viṃśatibhiḥ sādhanapraveśairniyataṃ sidhyatīti nātra vicikitsā kāryā prasādhitasyāpi na mantraṃ japatā pūrvamāditaścaiva madhye caiva nibodhatām // rutajñānaṃ prabhāvaṃ ca svabhāvaṃ caiva kīrtyate / madhye āditaścaiva ante caiva divaukasām
Sanskrit only: no published translation is held for this verse.
भाषितं कथ्यते लोके मध्यदेशे च कीर्तिता । मागधा मङ्गदेशेषु काशिपुर्या नरोत्तमा
bhāṣitaṃ kathyate loke madhyadeśe ca kīrtitā / māgadhā maṅgadeśeṣu kāśipuryā narottamā
Sanskrit only: no published translation is held for this verse.
वृजिकोसलमध्येषु नरेष्वेव यथावच । तथा ते देवराट् सर्वे मन्त्रां वव्रे स्वभावतः
vṛjikosalamadhyeṣu nareṣveva yathāvaca / tathā te devarāṭ sarve mantrāṃ vavre svabhāvataḥ
Sanskrit only: no published translation is held for this verse.
त्रिदशो मध्यदेशे च वत्स पश्य दशार्णवा । अमन्ते यथा वाचा तथा देशेषु जायते
tridaśo madhyadeśe ca vatsa paśya daśārṇavā / amante yathā vācā tathā deśeṣu jāyate
Sanskrit only: no published translation is held for this verse.
त्रिदशेष्वेव सर्वत्र तथा वाणीमुदाहृता । यामा देवमुख्याश्च निर्माणश्च सनिर्मिता
tridaśeṣveva sarvatra tathā vāṇīmudāhṛtā / yāmā devamukhyāśca nirmāṇaśca sanirmitā
Sanskrit only: no published translation is held for this verse.
तदा वाचकृतां वाचा मध्यदेशार्थचारिणी । तथारुपिण सर्वे वै अकनिष्ठाश्च महर्द्धिका
tadā vācakṛtāṃ vācā madhyadeśārthacāriṇī / tathārupiṇa sarve vai akaniṣṭhāśca maharddhikā
Sanskrit only: no published translation is held for this verse.
सर्वे ते सुरः श्रेष्ठा रूपधातुसमाशृता । ध्यानाहारगता सौम्या कदाचिद्वाचामभाषिरे
sarve te suraḥ śreṣṭhā rūpadhātusamāśṛtā / dhyānāhāragatā saumyā kadācidvācāmabhāṣire
Sanskrit only: no published translation is held for this verse.
ब्राह्मीश्वरमतेला च कलविङ्गरुतस्वना । मधुराक्षरनिर्घोषा मत्तकोकिलनिस्वना
brāhmīśvaramatelā ca kalaviṅgarutasvanā / madhurākṣaranirghoṣā mattakokilanisvanā
Sanskrit only: no published translation is held for this verse.
यद्यदार्त्था भवेद् वाचा धीरगम्भीरसंयुता । तथा सर्वतो वक्रा दृष्ट्या चैव सुपूजिता
yadyadārtthā bhaved vācā dhīragambhīrasaṃyutā / tathā sarvato vakrā dṛṣṭyā caiva supūjitā
Sanskrit only: no published translation is held for this verse.
भवन्ते ते सदा देवा मध्यदेशे सवाचका । मधुराक्षरसम्पन्नाः स्निग्धगम्भीरनादिनः
bhavante te sadā devā madhyadeśe savācakā / madhurākṣarasampannāḥ snigdhagambhīranādinaḥ
Sanskrit only: no published translation is held for this verse.
मेघगर्जना तेषां वाचैषा तां तु लक्षयेत् । मध्यदेशा यथा मर्त्या अवन्त्येष्वेव पूजिता
meghagarjanā teṣāṃ vācaiṣā tāṃ tu lakṣayet / madhyadeśā yathā martyā avantyeṣveva pūjitā
Sanskrit only: no published translation is held for this verse.
वाचा शब्दसम्पन्ना तथा ज्ञेयां सुरेश्वराम् । अरूपिणां कृतो वाचा असंज्ञायतनसम्भवाम्
vācā śabdasampannā tathā jñeyāṃ sureśvarām / arūpiṇāṃ kṛto vācā asaṃjñāyatanasambhavām
Sanskrit only: no published translation is held for this verse.
अभावादाश्रयात् तेषां न वाचां जग्मिरे सुराः । अधः श्रेष्ठाः सुराः सर्वे मध्यदेशेषु वाचका
abhāvādāśrayāt teṣāṃ na vācāṃ jagmire surāḥ / adhaḥ śreṣṭhāḥ surāḥ sarve madhyadeśeṣu vācakā
Sanskrit only: no published translation is held for this verse.
मध्यदेशार्त्थचिह्नानां वाचैषा सम्प्रवर्तते । अथ देवामथ भूम्या वै यक्षाश्चैव महर्द्धिकाः
madhyadeśārtthacihnānāṃ vācaiṣā sampravartate / atha devāmatha bhūmyā vai yakṣāścaiva maharddhikāḥ
Sanskrit only: no published translation is held for this verse.
देवयोनिसमाविष्टा बहुसत्त्वगणास्तथा । करोटपाणयो देवा सदा मताश्च वीणकाः
devayonisamāviṣṭā bahusattvagaṇāstathā / karoṭapāṇayo devā sadā matāśca vīṇakāḥ
Sanskrit only: no published translation is held for this verse.
चत्वारो ऽपि महाराजा चतुर्योनिसमाश्रिता । त्रिदशा देवमुख्यास्तु शक्रेण सह समाश्रिता
catvāro 'pi mahārājā caturyonisamāśritā / tridaśā devamukhyāstu śakreṇa saha samāśritā
Sanskrit only: no published translation is held for this verse.
सुयामामथ सर्वत्र ऊर्ध्वं जापि सुरूपिणः । सर्वदेवगणा श्रेष्ठा वाचा ह्येषा तु कीर्त्यते
suyāmāmatha sarvatra ūrdhvaṃ jāpi surūpiṇaḥ / sarvadevagaṇā śreṣṭhā vācā hyeṣā tu kīrtyate
Sanskrit only: no published translation is held for this verse.
मध्यदेशे यथा मर्त्या हीनोत्कृष्टमध्यमाम् । तथा देववती वाचा हीनोत्कृष्टमध्यमाम्
madhyadeśe yathā martyā hīnotkṛṣṭamadhyamām / tathā devavatī vācā hīnotkṛṣṭamadhyamām
Sanskrit only: no published translation is held for this verse.
वाचा तृविधा ज्ञेया हीनोत्कृष्टमध्यमा । त्रिविधात् कर्मतो ज्ञेया हीनोत्कृष्टमध्यमा
vācā tṛvidhā jñeyā hīnotkṛṣṭamadhyamā / trividhāt karmato jñeyā hīnotkṛṣṭamadhyamā
Sanskrit only: no published translation is held for this verse.
तथा देवालये वाणी मधुरं चापि सूक्तजिता । रुतं मतं तथा ज्ञेयं कर्मेष्वेव नियोजयेत्
tathā devālaye vāṇī madhuraṃ cāpi sūktajitā / rutaṃ mataṃ tathā jñeyaṃ karmeṣveva niyojayet
Sanskrit only: no published translation is held for this verse.
असुराणां भवेद् वाचा गौडपौण्ड्रोद्भवा सदा । यथा गौडजनश्रेष्ठं रुतं शब्दविभूषितम् । तथा दैत्यगणा श्रेष्ठं रुतं चापि नियोजयेत्
asurāṇāṃ bhaved vācā gauḍapauṇḍrodbhavā sadā / yathā gauḍajanaśreṣṭhaṃ rutaṃ śabdavibhūṣitam / tathā daityagaṇā śreṣṭhaṃ rutaṃ cāpi niyojayet
Sanskrit only: no published translation is held for this verse.
तेषां पर्यटन्तानां समन्तानां च पुरोजवाम् । यक्षराक्षसप्रेतानां नागांश्चापि सपूतनाम् । सर्वेषामसुरपक्षाणा वङ्गसामतटाश्रयात्
teṣāṃ paryaṭantānāṃ samantānāṃ ca purojavām / yakṣarākṣasapretānāṃ nāgāṃścāpi sapūtanām / sarveṣāmasurapakṣāṇā vaṅgasāmataṭāśrayāt
Sanskrit only: no published translation is held for this verse.
हरिकेले कलशमुख्ये च चर्मरङ्गे ह्यशेषतः । सर्वेषां जनपदाअं वा तथा तेषां तु कल्पयेत्
harikele kalaśamukhye ca carmaraṅge hyaśeṣataḥ / sarveṣāṃ janapadāaṃ vā tathā teṣāṃ tu kalpayet
Sanskrit only: no published translation is held for this verse.
त्रिप्रकारा यथोद्दिष्टा तेषां नैव वियोजयेत् । देवानां च तथा नित्यं पुरोगानां परिकीर्तयेत्
triprakārā yathoddiṣṭā teṣāṃ naiva viyojayet / devānāṃ ca tathā nityaṃ purogānāṃ parikīrtayet
Sanskrit only: no published translation is held for this verse.
प्रेतयक्षगणाध्यक्षा स्कन्दमातरकिन्नरा । नागांश्चैव सदा काले यथा वाचा निबोधताम्
pretayakṣagaṇādhyakṣā skandamātarakinnarā / nāgāṃścaiva sadā kāle yathā vācā nibodhatām
Sanskrit only: no published translation is held for this verse.
लाडोद्रेषु तथा सिन्धौ यथा मुत्तरतो तथा । जनेष्वेव हि सर्वत्र तां तु तेषां नियोजयेत्
lāḍodreṣu tathā sindhau yathā muttarato tathā / janeṣveva hi sarvatra tāṃ tu teṣāṃ niyojayet
Sanskrit only: no published translation is held for this verse.
नागानां च यथा लाडी वाचा ह्युक्ता मनीषिणी । यक्षाणां तु तथा वाचा उत्तरां दिशि ये नराः
nāgānāṃ ca yathā lāḍī vācā hyuktā manīṣiṇī / yakṣāṇāṃ tu tathā vācā uttarāṃ diśi ye narāḥ
Sanskrit only: no published translation is held for this verse.
गरुडानां यथा ह्येद्रे किन्नराणां तु कीर्त्यते । नेपाले सर्वतो वाचा यथा सा तां निबोधताम्
garuḍānāṃ yathā hyedre kinnarāṇāṃ tu kīrtyate / nepāle sarvato vācā yathā sā tāṃ nibodhatām
Sanskrit only: no published translation is held for this verse.
पूतनानां तथा नार्या विन्ध्यकुक्षिनिवासिनाम् । विन्ध्यजाता मनुष्याणां म्लेच्छानां च या वाचा
pūtanānāṃ tathā nāryā vindhyakukṣinivāsinām / vindhyajātā manuṣyāṇāṃ mlecchānāṃ ca yā vācā
Sanskrit only: no published translation is held for this verse.
पूतनानां तु सा ज्ञेया वाचैषां परिकीर्तिता । राक्षसानां यथा वाचा तां वव्रे सुरोत्तमा
pūtanānāṃ tu sā jñeyā vācaiṣāṃ parikīrtitā / rākṣasānāṃ yathā vācā tāṃ vavre surottamā
Sanskrit only: no published translation is held for this verse.
ससृज्यदक्षिणा देशा अन्ध्रलाटेषु कीर्तिता । द्रविडानां तु सर्वेषां डकारबहुला सदा
sasṛjyadakṣiṇā deśā andhralāṭeṣu kīrtitā / draviḍānāṃ tu sarveṣāṃ ḍakārabahulā sadā
Sanskrit only: no published translation is held for this verse.
तां तु वाचा समालक्ष्ये राक्षसेष्वेव नियोजयेत् । त्रिःप्रकारा तथा ज्ञेया राक्षसानां कुलयोनयः
tāṃ tu vācā samālakṣye rākṣaseṣveva niyojayet / triḥprakārā tathā jñeyā rākṣasānāṃ kulayonayaḥ
Sanskrit only: no published translation is held for this verse.
त्रिःप्रकारैव वाचैषा त्रिधा चैव नियोजयेत् । सर्वतो त्रिविधा ज्ञेया देशभाषाश्च ते त्रिधा
triḥprakāraiva vācaiṣā tridhā caiva niyojayet / sarvato trividhā jñeyā deśabhāṣāśca te tridhā
Sanskrit only: no published translation is held for this verse.
त्रिःप्रकारं तथा कर्म त्रिदेशं चैव योजयेत् । त्रिविधः सर्वतो ज्ञेयः त्रिविधं कर्म रुतं स्मृतम्
triḥprakāraṃ tathā karma trideśaṃ caiva yojayet / trividhaḥ sarvato jñeyaḥ trividhaṃ karma rutaṃ smṛtam
Sanskrit only: no published translation is held for this verse.
समं सर्वैषु तत्रैव विधातान्यं नियोजयेत् । नानाभूतगणा प्रोक्ता नानाभूतलवासिनः
samaṃ sarvaiṣu tatraiva vidhātānyaṃ niyojayet / nānābhūtagaṇā proktā nānābhūtalavāsinaḥ
Sanskrit only: no published translation is held for this verse.
नाना च बहुभाषज्ञा नानाशास्त्रविभूषिता । मानुषा मानुषां विद्या नानावाचविभाषिताम्
nānā ca bahubhāṣajñā nānāśāstravibhūṣitā / mānuṣā mānuṣāṃ vidyā nānāvācavibhāṣitām
Sanskrit only: no published translation is held for this verse.
नानाशास्त्रमता ज्ञेया नानामन्त्रार्थशालिनः । नानाकर्मसमोद्देशा नानासिद्धिस्तु मुच्यते
nānāśāstramatā jñeyā nānāmantrārthaśālinaḥ / nānākarmasamoddeśā nānāsiddhistu mucyate
Sanskrit only: no published translation is held for this verse.
आविष्टानां यदा मर्त्या पात्रस्थानसमागता । तेषां च विधियुक्तेन मन्त्रैश्चापि सुयोजिता
āviṣṭānāṃ yadā martyā pātrasthānasamāgatā / teṣāṃ ca vidhiyuktena mantraiścāpi suyojitā
Sanskrit only: no published translation is held for this verse.
आगता भूतले देवां वाचनैव विभावयेत् । लिङ्गमर्थं तथा पात्रं देवं चैव नियोजयेत्
āgatā bhūtale devāṃ vācanaiva vibhāvayet / liṅgamarthaṃ tathā pātraṃ devaṃ caiva niyojayet
Sanskrit only: no published translation is held for this verse.
श्रेयसा श्रेयसे चैव आवेशानां तु लक्षयेत् । नानादेशसमाचारा नानाभाषसमोदया
śreyasā śreyase caiva āveśānāṃ tu lakṣayet / nānādeśasamācārā nānābhāṣasamodayā
Sanskrit only: no published translation is held for this verse.
नानाकर्मार्थसंयोगा नानालिङ्गैस्तु लक्षयेत् । मध्यदेशाबहिर्येषां वाचा भवति चञ्चला
nānākarmārthasaṃyogā nānāliṅgaistu lakṣayet / madhyadeśābahiryeṣāṃ vācā bhavati cañcalā
Sanskrit only: no published translation is held for this verse.
ते तु व्यक्तं नरा ज्ञेया म्लेच्छभाषारता हि ते । ये क्रूरा राक्षसा घोरा रौद्रकर्मान्तचारिणः
te tu vyaktaṃ narā jñeyā mlecchabhāṣāratā hi te / ye krūrā rākṣasā ghorā raudrakarmāntacāriṇaḥ
Sanskrit only: no published translation is held for this verse.
डकारबहुला वाचा लकाराव्यक्त मार्षो । दक्षिणात्या यथा वाचा चञ्चला भवति निन्दिता
ḍakārabahulā vācā lakārāvyakta mārṣo / dakṣiṇātyā yathā vācā cañcalā bhavati ninditā
Sanskrit only: no published translation is held for this verse.
तथा च राक्षसस्त्वेषु वाचैषा परिकीर्त्तिता । बहुधा रुतया ज्येष्ठा आविष्टानां तु त्रिजापराम्
tathā ca rākṣasastveṣu vācaiṣā parikīrttitā / bahudhā rutayā jyeṣṭhā āviṣṭānāṃ tu trijāparām
Sanskrit only: no published translation is held for this verse.
आकृष्टा मन्त्रिभिः क्षिप्रं स्वयं वा इह मागता । बहुधा गृह्णन्ति सत्त्वानां मातरा सग्रहा सुरा
ākṛṣṭā mantribhiḥ kṣipraṃ svayaṃ vā iha māgatā / bahudhā gṛhṇanti sattvānāṃ mātarā sagrahā surā
Sanskrit only: no published translation is held for this verse.
गरुडा यक्षगन्धर्वा किन्नरा + + + + + । पिशाचा चोरगराक्षसानां यक्षपूतनाम्
garuḍā yakṣagandharvā kinnarā + + + + + / piśācā coragarākṣasānāṃ yakṣapūtanām
Sanskrit only: no published translation is held for this verse.
आबिष्टानां तथा लिङ्गा कथ्यमाना निबोधताम् । म्लेच्छभाषिण क्रव्यादा पिशाचाव्यक्तलापिनाम्
ābiṣṭānāṃ tathā liṅgā kathyamānā nibodhatām / mlecchabhāṣiṇa kravyādā piśācāvyaktalāpinām
Sanskrit only: no published translation is held for this verse.
लकारबहुला वाचा डकारान्तास्तु पूतना । तेषां नेर्ध्वगता दृष्टि कर्मेष्वेतेषु योजिता
lakārabahulā vācā ḍakārāntāstu pūtanā / teṣāṃ nerdhvagatā dṛṣṭi karmeṣveteṣu yojitā
Sanskrit only: no published translation is held for this verse.
मात्सर्या क्रूरसत्त्वानां मृषावादादसुचे रता । तेषा नोर्ध्वं गता दृष्टि अर्धो दृक् नोर्ध्वगता हि ते
mātsaryā krūrasattvānāṃ mṛṣāvādādasuce ratā / teṣā nordhvaṃ gatā dṛṣṭi ardho dṛk nordhvagatā hi te
Sanskrit only: no published translation is held for this verse.
मातराणां तथा वाचा शुभार्थोपसंहिता । ग्रहाणां कुमारमुख्यानां वाचा भवति केवला
mātarāṇāṃ tathā vācā śubhārthopasaṃhitā / grahāṇāṃ kumāramukhyānāṃ vācā bhavati kevalā
Sanskrit only: no published translation is held for this verse.
शुभाङ्गसम्पदा वाचा बालभाव्यर्थयोजिता । प्रभावसर्वतः श्रेयां सर्वतश्च दिवौकसाम्
śubhāṅgasampadā vācā bālabhāvyarthayojitā / prabhāvasarvataḥ śreyāṃ sarvataśca divaukasām
Sanskrit only: no published translation is held for this verse.
गरुडानां तथा वाचा आविष्टानां तु लक्षयेत् । गकारसमता ज्ञेया म्लेच्छभाषेव लक्ष्यते
garuḍānāṃ tathā vācā āviṣṭānāṃ tu lakṣayet / gakārasamatā jñeyā mlecchabhāṣeva lakṣyate
Sanskrit only: no published translation is held for this verse.
अव्यक्तं स्फुटाभासं कीर्तियुक्तं शुभोदयम् । सुपर्णिने पायवदित्येषा विषदर्पविनारणी
avyaktaṃ sphuṭābhāsaṃ kīrtiyuktaṃ śubhodayam / suparṇine pāyavadityeṣā viṣadarpavināraṇī
Sanskrit only: no published translation is held for this verse.
नानागतयो ह्येषां नानाभूतसमागमाम् । नानावर्णतो ज्ञेयां नानालिङ्गैस्तु लक्षयेत्
nānāgatayo hyeṣāṃ nānābhūtasamāgamām / nānāvarṇato jñeyāṃ nānāliṅgaistu lakṣayet
Sanskrit only: no published translation is held for this verse.
शुभाकरमभाकर मभासन्तं भक्षयो नागराट् पदे । वासुकीप्रभृतयो नागा धार्मिका वसुधातले । क्षिप्रवाचा समायुक्ताश्च वसन्तो उरगाधिपा
śubhākaramabhākara mabhāsantaṃ bhakṣayo nāgarāṭ pade / vāsukīprabhṛtayo nāgā dhārmikā vasudhātale / kṣipravācā samāyuktāśca vasanto uragādhipā
Sanskrit only: no published translation is held for this verse.
स्वेन स्वेन तु कायेन यो लिङ्गेन तु लक्षयेत् । तेन तेन तु लिङ्गेन तं तं सत्त्वं विनिर्दिशेत्
svena svena tu kāyena yo liṅgena tu lakṣayet / tena tena tu liṅgena taṃ taṃ sattvaṃ vinirdiśet
Sanskrit only: no published translation is held for this verse.
कश्मला कथिता सर्वे अधो दृष्टिगता हि ते । नानालिङ्गिनां ज्ञेया नानासत्त्वनिकायताम् । नानाकायगतैः कर्मैः नानाकायं निबोधताम्
kaśmalā kathitā sarve adho dṛṣṭigatā hi te / nānāliṅgināṃ jñeyā nānāsattvanikāyatām / nānākāyagataiḥ karmaiḥ nānākāyaṃ nibodhatām
Sanskrit only: no published translation is held for this verse.
एवंप्रकाराह्यनेका बहुलिङ्गाभिभाषिणा । नानाबुद्धिकृतैः कर्मैः नानायोनिसमाश्रितैः । आविष्टानां भुवि मर्त्यानां कथिता लिङ्गानि वै सदा
evaṃprakārāhyanekā bahuliṅgābhibhāṣiṇā / nānābuddhikṛtaiḥ karmaiḥ nānāyonisamāśritaiḥ / āviṣṭānāṃ bhuvi martyānāṃ kathitā liṅgāni vai sadā
Sanskrit only: no published translation is held for this verse.
सुराणामसुराणां च यथा वाचार्थलिङ्गिनी । तथैव तद् योजयेत् क्षिप्रं भूमिर्मानुषतां गताः । देवानां तदा विद्यात् सुप्रसन्नेन चेतसा
surāṇāmasurāṇāṃ ca yathā vācārthaliṅginī / tathaiva tad yojayet kṣipraṃ bhūmirmānuṣatāṃ gatāḥ / devānāṃ tadā vidyāt suprasannena cetasā
Sanskrit only: no published translation is held for this verse.
निरीक्षन्ते तथा चोर्ध्वं दिशां चैव समन्ततः । अविक्लवा मनसौद्विल्या हृष्टा रूपसमन्विता
nirīkṣante tathā cordhvaṃ diśāṃ caiva samantataḥ / aviklavā manasaudvilyā hṛṣṭā rūpasamanvitā
Sanskrit only: no published translation is held for this verse.
शुद्धाक्षा अनिमिषाक्षाश्च स्निग्धा च स्निग्धवक्रयः । प्रसन्नग्लत्या तथा सर्वे सुरश्रेष्ठा नु लक्षयेत्
śuddhākṣā animiṣākṣāśca snigdhā ca snigdhavakrayaḥ / prasannaglatyā tathā sarve suraśreṣṭhā nu lakṣayet
Sanskrit only: no published translation is held for this verse.
पर्यङ्कोपहिता ज्ञेया निषण्णा भूतले शुचौ । केचिदम्बरं निःसृत्य निषण्णा खेचरा परे
paryaṅkopahitā jñeyā niṣaṇṇā bhūtale śucau / kecidambaraṃ niḥsṛtya niṣaṇṇā khecarā pare
Sanskrit only: no published translation is held for this verse.
ब्रह्माद्या कथिता देवा ध्यानप्रीतिसमाहिताः । तदूर्ध्वं श्रेयसां स्थाने रूपिणा बहुरूपिणा
brahmādyā kathitā devā dhyānaprītisamāhitāḥ / tadūrdhvaṃ śreyasāṃ sthāne rūpiṇā bahurūpiṇā
Sanskrit only: no published translation is held for this verse.
आकृष्टा मन्त्रिभिर्मन्त्रैः मन्त्रजानां सनिश्रिता । तेषां रूपधरा कान्तिः आश्रया ते परिवर्तये
ākṛṣṭā mantribhirmantraiḥ mantrajānāṃ saniśritā / teṣāṃ rūpadharā kāntiḥ āśrayā te parivartaye
Sanskrit only: no published translation is held for this verse.
ध्यानप्रीतिसमापन्नाः ईषिस्मितमुखा सदा । शुद्धाक्षा विशालाक्षा बुहुरूपसमाश्रिता
dhyānaprītisamāpannāḥ īṣismitamukhā sadā / śuddhākṣā viśālākṣā buhurūpasamāśritā
Sanskrit only: no published translation is held for this verse.
वमन्त्यो तदा कान्त्या श्रिया रूपसमन्विता । प्ररज्ञानविदो देवा तेषां तं निबोधयेत्
vamantyo tadā kāntyā śriyā rūpasamanvitā / prarajñānavido devā teṣāṃ taṃ nibodhayet
Sanskrit only: no published translation is held for this verse.
पर्यङ्कोपरिविष्टा वै ध्यायन्ता ऋषिवत् सदा । तदावेशं विदुर्बुद्ध्या इष्टमर्थप्रसाधकम्
paryaṅkopariviṣṭā vai dhyāyantā ṛṣivat sadā / tadāveśaṃ vidurbuddhyā iṣṭamarthaprasādhakam
Sanskrit only: no published translation is held for this verse.
श्रेयसा सर्वमन्त्राणां हितायैवोपयोजयेत् । कथितं सर्वमेवं तु निबोधत सुरेश्वराः
śreyasā sarvamantrāṇāṃ hitāyaivopayojayet / kathitaṃ sarvamevaṃ tu nibodhata sureśvarāḥ
Sanskrit only: no published translation is held for this verse.
ऋषिणा कथिता ह्येते संयता ते ऋषवस्थिता । आविष्टानां तदा लिङ्गा ऋषीणां कथिता मया
ṛṣiṇā kathitā hyete saṃyatā te ṛṣavasthitā / āviṣṭānāṃ tadā liṅgā ṛṣīṇāṃ kathitā mayā
Sanskrit only: no published translation is held for this verse.
ऊर्ध्वदृष्टिगता देवा ऊर्ध्वपादाथ कश्मला । विकृता रौद्ररूपाश्च ऊर्ध्वकेशास्तु राक्षसाः
ūrdhvadṛṣṭigatā devā ūrdhvapādātha kaśmalā / vikṛtā raudrarūpāśca ūrdhvakeśāstu rākṣasāḥ
Sanskrit only: no published translation is held for this verse.
मातराणां तदेवं तु केषां चेव तु दृश्यते । क्रव्यादा नग्नका तिष्ठे सचेला निश्चेलतां गता
mātarāṇāṃ tadevaṃ tu keṣāṃ ceva tu dṛśyate / kravyādā nagnakā tiṣṭhe sacelā niścelatāṃ gatā
Sanskrit only: no published translation is held for this verse.
ऊर्ध्वपादा विकृताख्या ऊर्ध्वकेशा ग्रहा परे । विचेरूर्मेदिनीं कृत्स्नां समन्तात् सरितातटाम्
ūrdhvapādā vikṛtākhyā ūrdhvakeśā grahā pare / vicerūrmedinīṃ kṛtsnāṃ samantāt saritātaṭām
Sanskrit only: no published translation is held for this verse.
एकवृक्षा श्मशानां च एकलिङ्गा पुलिनोद्भवाम् । देवावसथरथ्यासु विन्ध्यकुक्षिशिलोच्चयाम्
ekavṛkṣā śmaśānāṃ ca ekaliṅgā pulinodbhavām / devāvasatharathyāsu vindhyakukṣiśiloccayām
Sanskrit only: no published translation is held for this verse.
हिमाद्रे सानुमांश्चैव म्लेच्छतस्करमन्दिराम् । तत्रस्था विकृतरूपास्तु मन्त्राकृष्टाश्च मागता
himādre sānumāṃścaiva mlecchataskaramandirām / tatrasthā vikṛtarūpāstu mantrākṛṣṭāśca māgatā
Sanskrit only: no published translation is held for this verse.
गृह्णन्ति प्राणिनां क्षिप्रं शौचाचारपराङ्मुखाम् । सर्वमेदिनीं गच्छेद् भयादाहारमोहिताम्
gṛhṇanti prāṇināṃ kṣipraṃ śaucācāraparāṅmukhām / sarvamedinīṃ gacched bhayādāhāramohitām
Sanskrit only: no published translation is held for this verse.
गृह्णन्ति बहुधा लोके बहुव्याधिसमाश्रिताम् । नानाविकृतरूपास्ते नानावेषधरा परा
gṛhṇanti bahudhā loke bahuvyādhisamāśritām / nānāvikṛtarūpāste nānāveṣadharā parā
Sanskrit only: no published translation is held for this verse.
गृह्णन्ति प्राणिनां क्षिप्रं मृतकं मूत्रसुप्तकाम् । तेषां च कथितं लिङ्गं चरितं तु विभावितम्
gṛhṇanti prāṇināṃ kṣipraṃ mṛtakaṃ mūtrasuptakām / teṣāṃ ca kathitaṃ liṅgaṃ caritaṃ tu vibhāvitam
Sanskrit only: no published translation is held for this verse.
वाचमालक्षितं पूर्वं कथितं तु महीतले । आविष्टानां तथा चिह्नं मानुषेष्वेव लक्षितम्
vācamālakṣitaṃ pūrvaṃ kathitaṃ tu mahītale / āviṣṭānāṃ tathā cihnaṃ mānuṣeṣveva lakṣitam
Sanskrit only: no published translation is held for this verse.
स्थिरप्रकाराः सर्वत्र सुरश्रेष्ठा निबोधता । आविष्टानां तथा लिङ्गा कथिता भूतले नृणाम्
sthiraprakārāḥ sarvatra suraśreṣṭhā nibodhatā / āviṣṭānāṃ tathā liṅgā kathitā bhūtale nṛṇām
Sanskrit only: no published translation is held for this verse.
स्निग्धं प्रेक्षते नित्यं अनिमिषश्चापि दृष्टितः । मानुषे सत्त्वसङ्क्लिष्टे सुरश्रेष्ठे तु महीतले
snigdhaṃ prekṣate nityaṃ animiṣaścāpi dṛṣṭitaḥ / mānuṣe sattvasaṅkliṣṭe suraśreṣṭhe tu mahītale
Sanskrit only: no published translation is held for this verse.
वव्रे वसुधरां वाचां शब्दसङ्घार्थभूषिताम् । युक्ते श्रेयसे धर्मे मानुष्ये वाश्रथोगतो
vavre vasudharāṃ vācāṃ śabdasaṅghārthabhūṣitām / yukte śreyase dharme mānuṣye vāśrathogato
Sanskrit only: no published translation is held for this verse.
सुरश्रेष्ठो गतो मुख्यो ज्ञेयो सर्वार्थसाधको । चिन्तितं जापिने तेन गतबुद्धिदिवालये
suraśreṣṭho gato mukhyo jñeyo sarvārthasādhako / cintitaṃ jāpine tena gatabuddhidivālaye
Sanskrit only: no published translation is held for this verse.
तत् सर्वं बोधयेत् क्षिप्रं मन्त्रिणे चिन्तितं तु यत् । एतत् सम्यगाख्यातमावेशं भुवि दैवतम्
tat sarvaṃ bodhayet kṣipraṃ mantriṇe cintitaṃ tu yat / etat samyagākhyātamāveśaṃ bhuvi daivatam
Sanskrit only: no published translation is held for this verse.
असंज्ञिनो ऽपि सदा मन्त्रैराकृष्यन्ते तु भूतले । नभाष मधुरं वाचं न यज्ञो सत्वरा सुराः
asaṃjñino 'pi sadā mantrairākṛṣyante tu bhūtale / nabhāṣa madhuraṃ vācaṃ na yajño satvarā surāḥ
Sanskrit only: no published translation is held for this verse.
निःश्रेष्ठा विवशा चैव स्थिता ते मौनमाश्रिताः । न वाचा किञ्चनस्तेषां न चित्ता नापि मानिता
niḥśreṣṭhā vivaśā caiva sthitā te maunamāśritāḥ / na vācā kiñcanasteṣāṃ na cittā nāpi mānitā
Sanskrit only: no published translation is held for this verse.
तस्मात् तं न चाकृष्ये तं जापी परिवर्तयेत् । असाध्यं नापि तत्तेषां मन्त्राणां जिनसौद्भवाम्
tasmāt taṃ na cākṛṣye taṃ jāpī parivartayet / asādhyaṃ nāpi tatteṣāṃ mantrāṇāṃ jinasaudbhavām
Sanskrit only: no published translation is held for this verse.
नाकृष्यं विद्यते किञ्चिद् दुष्करं तेषां जप्तमन्त्रार्थतापिनाम् । आकृष्यन्ते तथा आर्या आर्यैर्मन्त्रैस्तु युक्तिताः
nākṛṣyaṃ vidyate kiñcid duṣkaraṃ teṣāṃ japtamantrārthatāpinām / ākṛṣyante tathā āryā āryairmantraistu yuktitāḥ
Sanskrit only: no published translation is held for this verse.
आर्याणां यानि चिह्नानि खड्गिश्रावकसम्भवाम् । बोधिसत्त्वा महात्मानि दशभूमिसमाश्रिता
āryāṇāṃ yāni cihnāni khaḍgiśrāvakasambhavām / bodhisattvā mahātmāni daśabhūmisamāśritā
Sanskrit only: no published translation is held for this verse.
आकृष्यन्ते तथा मन्त्रैः समयैश्चापि सुभूषिताः । महादूत्यैस्तथोष्णीषैर्मुनिर्वर्णसुयोजितैः
ākṛṣyante tathā mantraiḥ samayaiścāpi subhūṣitāḥ / mahādūtyaistathoṣṇīṣairmunirvarṇasuyojitaiḥ
Sanskrit only: no published translation is held for this verse.
बुद्धपुत्रैस्तु धीमद्भिरब्जकेतुकुलोदितैः । कुलिशाह्वैर्मन्त्रमुख्यैस्तु क्रोधराजमहर्द्धिकैः
buddhaputraistu dhīmadbhirabjaketukuloditaiḥ / kuliśāhvairmantramukhyaistu krodharājamaharddhikaiḥ
Sanskrit only: no published translation is held for this verse.
नान्ये मन्त्रराट् शक्ता लौकिका ये महर्द्धिका । नापि समयवित्तेषां न चोत्कृष्टो मन्त्रमीश्वरः
nānye mantrarāṭ śaktā laukikā ye maharddhikā / nāpi samayavitteṣāṃ na cotkṛṣṭo mantramīśvaraḥ
Sanskrit only: no published translation is held for this verse.
वर्णितुं गणयितुं गन्तुं तं स्थानं यत्र ते सदा । समया सञ्चाल्यते तेषां हेतुः कर्मसमाहिताम्
varṇituṃ gaṇayituṃ gantuṃ taṃ sthānaṃ yatra te sadā / samayā sañcālyate teṣāṃ hetuḥ karmasamāhitām
Sanskrit only: no published translation is held for this verse.
ननु चाकृष्यते तेषां हेतुं कर्मसमाहितम् । तन्त्रं चाकृष्यते तेषां समये बुद्धभाषितैः
nanu cākṛṣyate teṣāṃ hetuṃ karmasamāhitam / tantraṃ cākṛṣyate teṣāṃ samaye buddhabhāṣitaiḥ
Sanskrit only: no published translation is held for this verse.
तस्मात् तं न चालये यत्ना न वृथामर्थेन योजयेत् । महर्द्धिका ते महात्मानो दशभूमिसमाश्रिताम्
tasmāt taṃ na cālaye yatnā na vṛthāmarthena yojayet / maharddhikā te mahātmāno daśabhūmisamāśritām
Sanskrit only: no published translation is held for this verse.
अशक्ता सर्वमन्त्रा वै गन्तुं यत्र ते तदा । तथागतानां तथा माज्ञा संस्मृत्यामरपूजिता
aśaktā sarvamantrā vai gantuṃ yatra te tadā / tathāgatānāṃ tathā mājñā saṃsmṛtyāmarapūjitā
Sanskrit only: no published translation is held for this verse.
आगच्छेयु तदा सर्वे मन्त्रजप्तार्थमन्त्रवित् । आकृष्टानां भवेल्लिङ्गा मानुष्योकायमानुषाम्
āgaccheyu tadā sarve mantrajaptārthamantravit / ākṛṣṭānāṃ bhavelliṅgā mānuṣyokāyamānuṣām
Sanskrit only: no published translation is held for this verse.
धीरतः स्निग्धवर्णश्च गम्भीरार्थसुदेशकः । धीरो गम्भीरतां यातो अल्पबाष्पो भवेत् तदा
dhīrataḥ snigdhavarṇaśca gambhīrārthasudeśakaḥ / dhīro gambhīratāṃ yāto alpabāṣpo bhavet tadā
Sanskrit only: no published translation is held for this verse.
अस्विन्नमनसोत्कृष्टो पृष्टश्च मन्त्रवित् । स्वमुद्रो बन्धयामास सुविदिशे चैव नभस्तले
asvinnamanasotkṛṣṭo pṛṣṭaśca mantravit / svamudro bandhayāmāsa suvidiśe caiva nabhastale
Sanskrit only: no published translation is held for this verse.
परसत्त्वविदो ह्यग्रो धर्मतत्त्वार्थदेशकः । नीतिः प्रीतिसुखाविष्टो कृपाविष्टस्य चेतसा
parasattvavido hyagro dharmatattvārthadeśakaḥ / nītiḥ prītisukhāviṣṭo kṛpāviṣṭasya cetasā
Sanskrit only: no published translation is held for this verse.
महोत्साहो दृढारम्भो बुद्धधर्मार्थदेशकः । मुहूर्त्तं क्षणमात्रं वा प्रविशेन्मानुषाश्रयम्
mahotsāho dṛḍhārambho buddhadharmārthadeśakaḥ / muhūrttaṃ kṣaṇamātraṃ vā praviśenmānuṣāśrayam
Sanskrit only: no published translation is held for this verse.
बहुरूपो सुरूपश्च ऊर्ध्वं तिष्ठे नभस्तलम् । बुद्धधर्मगता दृष्टिः संघे चैव सगौरवा
bahurūpo surūpaśca ūrdhvaṃ tiṣṭhe nabhastalam / buddhadharmagatā dṛṣṭiḥ saṃghe caiva sagauravā
Sanskrit only: no published translation is held for this verse.
क्षणमात्रं तदा तिष्ठेन्मानुषीं तनुमाशृता । सत्यसन्धो महात्मानो जितक्रोधो त्रिदोषहा
kṣaṇamātraṃ tadā tiṣṭhenmānuṣīṃ tanumāśṛtā / satyasandho mahātmāno jitakrodho tridoṣahā
Sanskrit only: no published translation is held for this verse.
प्रथमं तावतो विद्या पश्चाच्चैव नियोजिता । मानुषैस्तदा कृष्टा पुनर्मुक्ताश्च यथेष्टगाः
prathamaṃ tāvato vidyā paścāccaiva niyojitā / mānuṣaistadā kṛṣṭā punarmuktāśca yatheṣṭagāḥ
Sanskrit only: no published translation is held for this verse.
स्तब्धो निश्चलाक्षश्च सितवर्णस्तथैव च । अङ्गकेतुस्तदाविष्टो धीरगम्भीरसुश्वरः
stabdho niścalākṣaśca sitavarṇastathaiva ca / aṅgaketustadāviṣṭo dhīragambhīrasuśvaraḥ
Sanskrit only: no published translation is held for this verse.
सुप्रसन्नो महाकायो तिष्ठते च महीतले । पर्यङ्कमासनाविष्टो कृपाविष्टो ऽथ चेतसा
suprasanno mahākāyo tiṣṭhate ca mahītale / paryaṅkamāsanāviṣṭo kṛpāviṣṭo 'tha cetasā
Sanskrit only: no published translation is held for this verse.
स मुद्रा पद्मरोपेतो महासत्त्वो समाविशे । अवलोकितो मुनिः श्रेष्ठो बोधिसत्त्वो महर्द्धिको
sa mudrā padmaropeto mahāsattvo samāviśe / avalokito muniḥ śreṣṭho bodhisattvo maharddhiko
Sanskrit only: no published translation is held for this verse.
स्वेच्छया आगतो लोकां सत्त्ववत्सलकारणो । अभयाग्रा कारणो + + + + + + + + +
svecchayā āgato lokāṃ sattvavatsalakāraṇo / abhayāgrā kāraṇo + + + + + + + + +
Sanskrit only: no published translation is held for this verse.
अभयाग्रा करोपेतौ ऊर्ध्वदृष्टिसमस्थितौ । साधकं पश्यते दृष्ट्या करुणाविष्टचेतसा
abhayāgrā karopetau ūrdhvadṛṣṭisamasthitau / sādhakaṃ paśyate dṛṣṭyā karuṇāviṣṭacetasā
Sanskrit only: no published translation is held for this verse.
ईषिस्मितमुखा देवा केचिद् भ्रूलतभूषितो । महासत्त्वो महात्मानो सत्त्वानां हितकारकः
īṣismitamukhā devā kecid bhrūlatabhūṣito / mahāsattvo mahātmāno sattvānāṃ hitakārakaḥ
Sanskrit only: no published translation is held for this verse.
प्रसन्ना सर्वत मूर्त्त्या तं विद्यादवलोकितुम् । क्रूरः वज्रधरो मुख्यो बोधिसत्त्वो महर्द्धिकः
prasannā sarvata mūrttyā taṃ vidyādavalokitum / krūraḥ vajradharo mukhyo bodhisattvo maharddhikaḥ
Sanskrit only: no published translation is held for this verse.
आविष्टो क्रूरिणो सर्वो रक्तान्तायतलोचना । इन्दीवरत्विषाकार ईषत् काये तु लक्षयेत्
āviṣṭo krūriṇo sarvo raktāntāyatalocanā / indīvaratviṣākāra īṣat kāye tu lakṣayet
Sanskrit only: no published translation is held for this verse.
परामृश्यन्तं तदा वज्रं मुद्रां वध्नाति मात्मनाम् । तुष्टो वरदो मर्त्यां भोगां दापयते सदा
parāmṛśyantaṃ tadā vajraṃ mudrāṃ vadhnāti mātmanām / tuṣṭo varado martyāṃ bhogāṃ dāpayate sadā
Sanskrit only: no published translation is held for this verse.
महात्मा कृष्णवर्णो वै ईषि दृश्यति तत्क्षणात् । स्निग्धं गम्भीरमुक्तो ऽसौ वाचां भाषते तदा
mahātmā kṛṣṇavarṇo vai īṣi dṛśyati tatkṣaṇāt / snigdhaṃ gambhīramukto 'sau vācāṃ bhāṣate tadā
Sanskrit only: no published translation is held for this verse.
नृणां किमर्थमेतं वो कर्मवरं दास्याम वो भुवे । अमोघं दर्शनमित्याहुर्वज्रिणे ऽब्जिजिने जिने
nṛṇāṃ kimarthametaṃ vo karmavaraṃ dāsyāma vo bhuve / amoghaṃ darśanamityāhurvajriṇe 'bjijine jine
Sanskrit only: no published translation is held for this verse.
वरदा सप्रभा मन्त्रा फलं दद्युस्तदा तदा । जिनेरागमनं तत्र निर्माणो भुवि मानुषाम्
varadā saprabhā mantrā phalaṃ dadyustadā tadā / jinerāgamanaṃ tatra nirmāṇo bhuvi mānuṣām
Sanskrit only: no published translation is held for this verse.
समयात् कथिता ह्येते वर्णाश्चैव विबोधिता । तथागतादाश्रयाद्धि वा फलेहेतुसमुद्भवा
samayāt kathitā hyete varṇāścaiva vibodhitā / tathāgatādāśrayāddhi vā phalehetusamudbhavā
Sanskrit only: no published translation is held for this verse.
निर्माणा कथ्यते बिम्बं न बिम्बं निर्माणमाशृतम् । बिम्बनिर्माणयो यद्वत् प्रतिबिम्ब न विद्यते
nirmāṇā kathyate bimbaṃ na bimbaṃ nirmāṇamāśṛtam / bimbanirmāṇayo yadvat pratibimba na vidyate
Sanskrit only: no published translation is held for this verse.
पद्मकिञ्जल्कवर्णो ऽसौ हेमवर्ण महाद्युतिः । निर्भिन्नरोचनाभासो कुङ्कुमाराभिविद्विषः
padmakiñjalkavarṇo 'sau hemavarṇa mahādyutiḥ / nirbhinnarocanābhāso kuṅkumārābhividviṣaḥ
Sanskrit only: no published translation is held for this verse.
उद्यन्तमिवार्क वै कर्णिकारसमप्रभः । तादृशं विद्यते बिम्बे बुद्धबिम्बसमासृते
udyantamivārka vai karṇikārasamaprabhaḥ / tādṛśaṃ vidyate bimbe buddhabimbasamāsṛte
Sanskrit only: no published translation is held for this verse.
ब्राह्मश्च रवनिर्घोषो कलविङ्करुतध्वनिः । श्रेयसः सर्वभूतानां युक्तियोगान्नियुज्यते
brāhmaśca ravanirghoṣo kalaviṅkarutadhvaniḥ / śreyasaḥ sarvabhūtānāṃ yuktiyogānniyujyate
Sanskrit only: no published translation is held for this verse.