अथ खलु भगवां शाक्यमुनिः पुनरपि शुद्धावासभवनमवलोक्य तथागतमहामुद्राकोशसञ्चोदनी नाम समाधिं समापद्यते स्म । समनन्तरसमापन्नस्य भगवतः शाक्यमुने ऊर्णाकोशान्महारश्मिर्निश्चचार । अनेकरश्मिकोटीनयुतशतसहस्रसङ्ख्येयपरिवाराः सा रश्मिजाला अनेकां बुद्धक्षेत्रानवभासयित्वा सर्वबुद्धां सञ्चोद्य पुनरपि भगवतः शाक्यमुनेः ऊर्णाकोशे ऽन्तर्हिता । समनन्तरसञ्चोदिताश्च सर्वे बुद्धा भगवन्तः गगनस्वभावां समाधिं समापद्य शुद्धावासोपरि गगनतले प्रत्यष्ठात् । अथ भगवां शाक्यमुनिः सर्वबुद्धानभ्यर्च्य मञ्जुश्रियं कुमारभूतमामन्त्रयते स्म । शृणु मञ्जुश्री मुद्राकोशपटलविधानं भविष्यसर्वबुद्धैरधिष्ठितम् ॥ अथ मञ्जुश्रीः कुमारभूतो भगवतश्चरणयोर्निपत्य सर्वबुद्धां प्रणम्य भगवन्तं शाक्यमुनिं तथागतमेतदवोचत् । तत् साधु भगवां निर्दिशतु सर्वतथागतमुद्राकोशपटलं परमगुह्यतमं यस्येदानीं कालं मन्यसे तद् भविष्यति । बहुजनहिताय बहुजनसुखाय लोकानुकम्पायै महतो जनकायस्यार्त्थाय हिताय सुखाय देवानां च मनुष्याणां च सर्वसत्त्वानां सुखोदयं भविष्यति सुखविपाकम् ॥ अथ भगवां शाक्यमुनिः अध्येषतो भगवता मञ्जुश्रिया कुमारभूतेन सर्वबुद्धानवलोक्य सर्वसत्त्वां समन्वाहृत्य सर्वबोधिसत्त्वां सम्प्रहृष्य सर्वप्रत्येकबुद्धार्यश्रावकां सम्प्रसान्त्य सर्वमन्त्रमन्त्रार्त्थोद्युक्तमानसां समुद्युज्य सर्वदुष्टां निवार्य सर्वभीतां समाश्वास्य सर्वव्यसनस्थां क्षेमे शिवे निर्वाणे प्रतिष्ठाप्य सर्वदुःखितानां सुखार्त्थाय मुद्रापटलविधानं भाषते स्म - शृणु कुमार मञ्जुश्री वक्ष्ये ऽहं पटलमुद्रिताम् । आदौ पञ्चशिखा भवति महामुद्रा तु सा मता
atha khalu bhagavāṃ śākyamuniḥ punarapi śuddhāvāsabhavanamavalokya tathāgatamahāmudrākośasañcodanī nāma samādhiṃ samāpadyate sma / samanantarasamāpannasya bhagavataḥ śākyamune ūrṇākośānmahāraśmirniścacāra / anekaraśmikoṭīnayutaśatasahasrasaṅkhyeyaparivārāḥ sā raśmijālā anekāṃ buddhakṣetrānavabhāsayitvā sarvabuddhāṃ sañcodya punarapi bhagavataḥ śākyamuneḥ ūrṇākośe 'ntarhitā / samanantarasañcoditāśca sarve buddhā bhagavantaḥ gaganasvabhāvāṃ samādhiṃ samāpadya śuddhāvāsopari gaganatale pratyaṣṭhāt / atha bhagavāṃ śākyamuniḥ sarvabuddhānabhyarcya mañjuśriyaṃ kumārabhūtamāmantrayate sma / śṛṇu mañjuśrī mudrākośapaṭalavidhānaṃ bhaviṣyasarvabuddhairadhiṣṭhitam // atha mañjuśrīḥ kumārabhūto bhagavataścaraṇayornipatya sarvabuddhāṃ praṇamya bhagavantaṃ śākyamuniṃ tathāgatametadavocat / tat sādhu bhagavāṃ nirdiśatu sarvatathāgatamudrākośapaṭalaṃ paramaguhyatamaṃ yasyedānīṃ kālaṃ manyase tad bhaviṣyati / bahujanahitāya bahujanasukhāya lokānukampāyai mahato janakāyasyārtthāya hitāya sukhāya devānāṃ ca manuṣyāṇāṃ ca sarvasattvānāṃ sukhodayaṃ bhaviṣyati sukhavipākam // atha bhagavāṃ śākyamuniḥ adhyeṣato bhagavatā mañjuśriyā kumārabhūtena sarvabuddhānavalokya sarvasattvāṃ samanvāhṛtya sarvabodhisattvāṃ samprahṛṣya sarvapratyekabuddhāryaśrāvakāṃ samprasāntya sarvamantramantrārtthodyuktamānasāṃ samudyujya sarvaduṣṭāṃ nivārya sarvabhītāṃ samāśvāsya sarvavyasanasthāṃ kṣeme śive nirvāṇe pratiṣṭhāpya sarvaduḥkhitānāṃ sukhārtthāya mudrāpaṭalavidhānaṃ bhāṣate sma - śṛṇu kumāra mañjuśrī vakṣye 'haṃ paṭalamudritām / ādau pañcaśikhā bhavati mahāmudrā tu sā matā
Sanskrit only: no published translation is held for this verse.
त्रिशिखं द्वितीयं विन्द्या तृतीयं एकचीरकम् । चतुर्थं उत्पलमित्याहुः सम्बुद्धाः द्विपदोत्तमाः
triśikhaṃ dvitīyaṃ vindyā tṛtīyaṃ ekacīrakam / caturthaṃ utpalamityāhuḥ sambuddhāḥ dvipadottamāḥ
Sanskrit only: no published translation is held for this verse.
पञ्चमः स्वस्तिको दृष्टः षष्ठो ध्वज उच्यते । सप्तमं पूर्णमित्याहुः मन्त्रज्ञानसुशोभनाः
pañcamaḥ svastiko dṛṣṭaḥ ṣaṣṭho dhvaja ucyate / saptamaṃ pūrṇamityāhuḥ mantrajñānasuśobhanāḥ
Sanskrit only: no published translation is held for this verse.
अष्टमं यष्टिनिर्दिष्टा लोकनाथैर्जितारिभिः । नवमं छत्रनिर्दिष्टं दशमं शक्तिरुच्यते
aṣṭamaṃ yaṣṭinirdiṣṭā lokanāthairjitāribhiḥ / navamaṃ chatranirdiṣṭaṃ daśamaṃ śaktirucyate
Sanskrit only: no published translation is held for this verse.
एकादशं तु सम्बुद्धा सम्पुटं तु समादिशेत् । द्वादशं फरमित्युक्तो त्रयोदशं तु गदस्तथा
ekādaśaṃ tu sambuddhā sampuṭaṃ tu samādiśet / dvādaśaṃ pharamityukto trayodaśaṃ tu gadastathā
Sanskrit only: no published translation is held for this verse.
चतुर्दशं खड्गनिर्दिष्टा घटा पञ्चादशस्तथा । षोडशः पाशमित्युक्तः अङ्कुशः सप्तदशः स्मृतः
caturdaśaṃ khaḍganirdiṣṭā ghaṭā pañcādaśastathā / ṣoḍaśaḥ pāśamityuktaḥ aṅkuśaḥ saptadaśaḥ smṛtaḥ
Sanskrit only: no published translation is held for this verse.
अष्टादशं भद्रपीठं तु ऊनविंशतिपीठकम् । विंशन्मयूरासनः प्रोक्तो एकविंशस्तु पट्टिशम्
aṣṭādaśaṃ bhadrapīṭhaṃ tu ūnaviṃśatipīṭhakam / viṃśanmayūrāsanaḥ prokto ekaviṃśastu paṭṭiśam
Sanskrit only: no published translation is held for this verse.
एकलिङ्ग द्विविंशं तु द्विलिङ्गो विंशसत्रिकम् । चतुर्विंशस्तथा माला पञ्चविंश धनुस्तथा
ekaliṅga dviviṃśaṃ tu dviliṅgo viṃśasatrikam / caturviṃśastathā mālā pañcaviṃśa dhanustathā
Sanskrit only: no published translation is held for this verse.
विंशत्षष्टाधिकं प्रोक्तं नाराचे तु प्रकल्पिता । सप्ताविंशतिमित्याहुः समलिङ्गे प्रवर्त्तिता
viṃśatṣaṣṭādhikaṃ proktaṃ nārāce tu prakalpitā / saptāviṃśatimityāhuḥ samaliṅge pravarttitā
Sanskrit only: no published translation is held for this verse.
अष्टाविंशस्तथा शूलः ऊनत्रिंशश्च मुद्गरः । तोमरं त्रिंशमित्याहुः एकत्रिंशं तु दक्षिणम्
aṣṭāviṃśastathā śūlaḥ ūnatriṃśaśca mudgaraḥ / tomaraṃ triṃśamityāhuḥ ekatriṃśaṃ tu dakṣiṇam
Sanskrit only: no published translation is held for this verse.
द्वात्रिंशत् तथा वक्त्रः त्रयस्त्रिंशत् पटमुच्यते । चतुस्त्रिंशस्तथा कुम्भः पञ्चत्रिंशे तु खखरम्
dvātriṃśat tathā vaktraḥ trayastriṃśat paṭamucyate / catustriṃśastathā kumbhaḥ pañcatriṃśe tu khakharam
Sanskrit only: no published translation is held for this verse.
कलशं षट्त्रिंशतिः प्रोक्तो सप्तत्रिंशे तु मौशलम् । अष्टत्रिंशे तु पर्यङ्कः ऊनचत्वारिंशत् पटहम्
kalaśaṃ ṣaṭtriṃśatiḥ prokto saptatriṃśe tu mauśalam / aṣṭatriṃśe tu paryaṅkaḥ ūnacatvāriṃśat paṭaham
Sanskrit only: no published translation is held for this verse.
चत्वारिंशतिमित्याहुः धर्मशङ्खमुदाहृतम् । चत्वारिंशं स एकं च शङ्कला परिकीर्तिता
catvāriṃśatimityāhuḥ dharmaśaṅkhamudāhṛtam / catvāriṃśaṃ sa ekaṃ ca śaṅkalā parikīrtitā
Sanskrit only: no published translation is held for this verse.
द्वितीया बहुमता प्रोक्ता तृतीया समनोरथा । चतुर्त्थी जननी दृष्टा प्रज्ञापारमिता मिता
dvitīyā bahumatā proktā tṛtīyā samanorathā / caturtthī jananī dṛṣṭā prajñāpāramitā mitā
Sanskrit only: no published translation is held for this verse.
पञ्चमं पात्रमित्याहुः सम्बुद्धा द्विपदोत्तमाः । तोरणं षष्ठमित्युक्तः सप्तमं तु सुतोरणम्
pañcamaṃ pātramityāhuḥ sambuddhā dvipadottamāḥ / toraṇaṃ ṣaṣṭhamityuktaḥ saptamaṃ tu sutoraṇam
Sanskrit only: no published translation is held for this verse.
अष्टमं घोषनिर्दिष्टः जपशब्दो नवमः पुनः । पञ्चाशद् भेरिमित्युक्ता धर्मभेरिं तु साधिका
aṣṭamaṃ ghoṣanirdiṣṭaḥ japaśabdo navamaḥ punaḥ / pañcāśad bherimityuktā dharmabheriṃ tu sādhikā
Sanskrit only: no published translation is held for this verse.
द्विपञ्चाशद् गजमित्याहुः वरहस्तत्रिकस्तथा । चतुःपञ्चाशमिति ज्ञेयं मुद्रा तद्गतचारिणी
dvipañcāśad gajamityāhuḥ varahastatrikastathā / catuḥpañcāśamiti jñeyaṃ mudrā tadgatacāriṇī
Sanskrit only: no published translation is held for this verse.
पञ्चमं केतुमित्याहुः षष्ठं चाशशरस्तथा । सप्तमं परशुनिर्दिष्टं अष्टमं लोकपूजिता
pañcamaṃ ketumityāhuḥ ṣaṣṭhaṃ cāśaśarastathā / saptamaṃ paraśunirdiṣṭaṃ aṣṭamaṃ lokapūjitā
Sanskrit only: no published translation is held for this verse.
ऊनषष्टिस्तथा ज्ञेया भिण्डिपालं समासतः । षष्टिश्चैव भवेद्युक्ता लाङ्गलं तु समासतः
ūnaṣaṣṭistathā jñeyā bhiṇḍipālaṃ samāsataḥ / ṣaṣṭiścaiva bhavedyuktā lāṅgalaṃ tu samāsataḥ
Sanskrit only: no published translation is held for this verse.
एकपष्टिस्ततः पद्मः द्विषष्टिः वज्रमुच्यते । त्रिषष्टिः कथितं लोके धर्मचक्रं प्रवर्त्तितम्
ekapaṣṭistataḥ padmaḥ dviṣaṣṭiḥ vajramucyate / triṣaṣṭiḥ kathitaṃ loke dharmacakraṃ pravarttitam
Sanskrit only: no published translation is held for this verse.
चतुःषष्टिस्तथा ज्ञेयः पुण्डरीकं समासतः । पञ्चषष्टिस्तथा विन्द्याद् वरदं मुद्रमुत्तमम्
catuḥṣaṣṭistathā jñeyaḥ puṇḍarīkaṃ samāsataḥ / pañcaṣaṣṭistathā vindyād varadaṃ mudramuttamam
Sanskrit only: no published translation is held for this verse.
षट्षष्टि तथा वध्वा वज्रमुद्रा तु कीर्त्तिता । सप्तषष्टिस्तथा लोके कुन्तमाहुर्मनीषिणः
ṣaṭṣaṣṭi tathā vadhvā vajramudrā tu kīrttitā / saptaṣaṣṭistathā loke kuntamāhurmanīṣiṇaḥ
Sanskrit only: no published translation is held for this verse.
अष्टषष्टिस्तथा कुर्याद् वज्रमण्डलमुदाहृतम् । ऊनसप्ततिमेवं स्यात् शतघ्नेति प्रकीर्तिता
aṣṭaṣaṣṭistathā kuryād vajramaṇḍalamudāhṛtam / ūnasaptatimevaṃ syāt śataghneti prakīrtitā
Sanskrit only: no published translation is held for this verse.
ततः सप्ततिकं विन्द्यान्नादामुद्रं समासतः । एकसप्ततिमित्याहुर्विमानं मुद्रवरं शुभम्
tataḥ saptatikaṃ vindyānnādāmudraṃ samāsataḥ / ekasaptatimityāhurvimānaṃ mudravaraṃ śubham
Sanskrit only: no published translation is held for this verse.
द्विसप्तत्या समासेन स्यन्दनं स इहोच्यते । शयनं लोकनाथानां त्रिसप्तान्या समासतः
dvisaptatyā samāsena syandanaṃ sa ihocyate / śayanaṃ lokanāthānāṃ trisaptānyā samāsataḥ
Sanskrit only: no published translation is held for this verse.
पञ्चसप्ततिराख्यातश्चतुःसप्ततिकस्तथा । अर्धचन्द्रं च वीणा च उभौ मुद्रावुदाहृतौ
pañcasaptatirākhyātaścatuḥsaptatikastathā / ardhacandraṃ ca vīṇā ca ubhau mudrāvudāhṛtau
Sanskrit only: no published translation is held for this verse.
षट्सप्ततिमं लोके मुद्रा पद्मालया भवेत् । सप्तसप्ततिमः श्रेष्ठः मुद्रा कुवलयोद्भवा
ṣaṭsaptatimaṃ loke mudrā padmālayā bhavet / saptasaptatimaḥ śreṣṭhaḥ mudrā kuvalayodbhavā
Sanskrit only: no published translation is held for this verse.
अष्टसप्ततिमं मुद्रा नमस्कारेति उदाहृता । नवमं नवतिसङ्ख्या तु उभौ मुद्रौ शुभोत्तमौ
aṣṭasaptatimaṃ mudrā namaskāreti udāhṛtā / navamaṃ navatisaṅkhyā tu ubhau mudrau śubhottamau
Sanskrit only: no published translation is held for this verse.
सम्पुटं यमलमुद्रा च सङ्ख्या नवतिमं भवेत् । एकनवतिमित्याहुः पुष्पमुद्रा उदाहृताः
sampuṭaṃ yamalamudrā ca saṅkhyā navatimaṃ bhavet / ekanavatimityāhuḥ puṣpamudrā udāhṛtāḥ
Sanskrit only: no published translation is held for this verse.
द्वितीया वलयमुद्रा तु तृतीया धूपयेत् सदा । चतुर्त्था गन्धमुद्रा तु पञ्चमी दीपना स्मृता
dvitīyā valayamudrā tu tṛtīyā dhūpayet sadā / caturtthā gandhamudrā tu pañcamī dīpanā smṛtā
Sanskrit only: no published translation is held for this verse.
षष्ठ्या साधनं विन्द्यात् सप्तम्या आसने स्मृता । अष्टममाह्वाननं प्रोक्तं नवमं तु विसर्जनम्
ṣaṣṭhyā sādhanaṃ vindyāt saptamyā āsane smṛtā / aṣṭamamāhvānanaṃ proktaṃ navamaṃ tu visarjanam
Sanskrit only: no published translation is held for this verse.
शतपूर्णस्तथा विन्द्यात् मुद्रां सर्वकर्मिकाम् । साधिकं शतमित्याहुर्महामुद्रा इति स्मृताः
śatapūrṇastathā vindyāt mudrāṃ sarvakarmikām / sādhikaṃ śatamityāhurmahāmudrā iti smṛtāḥ
Sanskrit only: no published translation is held for this verse.
उष्णीषं लोकनाथानां चक्रवर्ति सदा गुरोः । तं मुद्रं प्रथमतः प्रोक्ता द्वितीया सितमुद्भवा
uṣṇīṣaṃ lokanāthānāṃ cakravarti sadā guroḥ / taṃ mudraṃ prathamataḥ proktā dvitīyā sitamudbhavā
Sanskrit only: no published translation is held for this verse.
तृतीया मूलमुद्रा तु मञ्जुघोषस्य दृश्यते । चतुर्त्थी धर्मकोशस्था धर्ममुद्रेति लक्ष्यते
tṛtīyā mūlamudrā tu mañjughoṣasya dṛśyate / caturtthī dharmakośasthā dharmamudreti lakṣyate
Sanskrit only: no published translation is held for this verse.
पञ्चमी सङ्घमित्याहुर्महामुद्रापि सा भवेत् । षष्ठी तु भूतशमनी प्रत्येकार्हमुद्भवा
pañcamī saṅghamityāhurmahāmudrāpi sā bhavet / ṣaṣṭhī tu bhūtaśamanī pratyekārhamudbhavā
Sanskrit only: no published translation is held for this verse.
सप्तमी बोधिसत्त्वानां दशमी तु प्रवेशिनाम् । मुद्रा पद्ममालेति महामुद्रां तु तां विदुः
saptamī bodhisattvānāṃ daśamī tu praveśinām / mudrā padmamāleti mahāmudrāṃ tu tāṃ viduḥ
Sanskrit only: no published translation is held for this verse.
वरदा सर्वमुद्राणां मन्त्राणां च सलौकिकाम् । महाप्रभावां महाश्रेष्ठां ज्येष्ठां त्रैलोक्यपूजिताम्
varadā sarvamudrāṇāṃ mantrāṇāṃ ca salaukikām / mahāprabhāvāṃ mahāśreṣṭhāṃ jyeṣṭhāṃ trailokyapūjitām
Sanskrit only: no published translation is held for this verse.
अष्टमीं सम्प्रयुञ्जीत मुद्रा त्रिभुवनालयाम् । मुद्राणां कथिता सङ्खया अस्मिं तन्त्रे महोद्भवा
aṣṭamīṃ samprayuñjīta mudrā tribhuvanālayām / mudrāṇāṃ kathitā saṅkhayā asmiṃ tantre mahodbhavā
Sanskrit only: no published translation is held for this verse.
शतमेक तथा चाष्टं सङ्ख्यामुद्रेषु कल्पिता । एतत्प्रमाणं तु सम्बुद्धैः पुरा गीतं महीतले । निर्नष्टे शासने शास्तुः प्रचरिष्यति देहिनाम्
śatameka tathā cāṣṭaṃ saṅkhyāmudreṣu kalpitā / etatpramāṇaṃ tu sambuddhaiḥ purā gītaṃ mahītale / nirnaṣṭe śāsane śāstuḥ pracariṣyati dehinām
Sanskrit only: no published translation is held for this verse.
आदौ तावत् करे न्यस्तमुभयाग्रां करे स्थितौ । अन्योन्याङ्गुलिमावेष्ट्य सन्मिश्रां च पुनस्ततः । उभौ करौ समायुक्तौ पञ्चचूलासुचिह्नितौ
ādau tāvat kare nyastamubhayāgrāṃ kare sthitau / anyonyāṅgulimāveṣṭya sanmiśrāṃ ca punastataḥ / ubhau karau samāyuktau pañcacūlāsucihnitau
Sanskrit only: no published translation is held for this verse.
विपर्यस्तस्ततस्तेषामङ्गुलीनां तु अग्रतः । मुद्रा पञ्चशिखा ज्ञेया पञ्चचीरकमेव तु
viparyastastatasteṣāmaṅgulīnāṃ tu agrataḥ / mudrā pañcaśikhā jñeyā pañcacīrakameva tu
Sanskrit only: no published translation is held for this verse.
महामुद्रेति विख्याता बोधिसत्त्वशिरस्तथा । महाप्रभावो मुद्रो ऽयं प्रयुक्तः सर्वकर्मिकः
mahāmudreti vikhyātā bodhisattvaśirastathā / mahāprabhāvo mudro 'yaṃ prayuktaḥ sarvakarmikaḥ
Sanskrit only: no published translation is held for this verse.
मञ्जुश्रियस्य मन्त्रेण हृदयैर्वापि योजयेत् । केशिन्या चैव मन्त्रेण मूलमन्त्रेण वा सदा
mañjuśriyasya mantreṇa hṛdayairvāpi yojayet / keśinyā caiva mantreṇa mūlamantreṇa vā sadā
Sanskrit only: no published translation is held for this verse.
योजयेद् विधिदृष्टेन सर्वमन्त्रेषु वा पुनः । कुर्यात् सर्वाणि कर्माणि अवन्ध्येदं वचनं मुनेः
yojayed vidhidṛṣṭena sarvamantreṣu vā punaḥ / kuryāt sarvāṇi karmāṇi avandhyedaṃ vacanaṃ muneḥ
Sanskrit only: no published translation is held for this verse.
तथैव हस्तौ विन्यस्तौ कुर्यात् तत्करसम्पुटम् । तत्रैव त्रिशिखं कुर्यादङ्गुलीभिर्विमिश्रितैः
tathaiva hastau vinyastau kuryāt tatkarasampuṭam / tatraiva triśikhaṃ kuryādaṅgulībhirvimiśritaiḥ
Sanskrit only: no published translation is held for this verse.
उभौ हस्तौ तु यदाङ्गुष्ठौ शून्याकारौ तु निश्रितौ । मध्यमानामिकं चैव विपरीताकारवेणिकौ
ubhau hastau tu yadāṅguṣṭhau śūnyākārau tu niśritau / madhyamānāmikaṃ caiva viparītākāraveṇikau
Sanskrit only: no published translation is held for this verse.
एतत् तत् त्रिशिखं ज्ञेयं त्रिचीराकार इति पुनः । एषा मुद्रा महामुद्रा मञ्जुघोषस्य धीमतः
etat tat triśikhaṃ jñeyaṃ tricīrākāra iti punaḥ / eṣā mudrā mahāmudrā mañjughoṣasya dhīmataḥ
Sanskrit only: no published translation is held for this verse.
कुर्यात् सर्वाणि कर्माणि विधिदृष्टानि यानि वै । मञ्जुश्रियस्य ये मन्त्रास्तेषु सर्वेषु योजयेत् । क्षिप्रं साधयते ह्यर्थां जापिभिर्जन्मनीषितम्
kuryāt sarvāṇi karmāṇi vidhidṛṣṭāni yāni vai / mañjuśriyasya ye mantrāsteṣu sarveṣu yojayet / kṣipraṃ sādhayate hyarthāṃ jāpibhirjanmanīṣitam
Sanskrit only: no published translation is held for this verse.
तदेव हस्तौ विन्यस्तौ कुर्यादेकशिखं तथा । मध्यमाङ्गुलिसंश्लिष्टौ भवेदेकशिखा ध्रुवम् । एषा मुद्रा महामुद्रा सम्बुद्धैस्तु प्रकाशिता
tadeva hastau vinyastau kuryādekaśikhaṃ tathā / madhyamāṅgulisaṃśliṣṭau bhavedekaśikhā dhruvam / eṣā mudrā mahāmudrā sambuddhaistu prakāśitā
Sanskrit only: no published translation is held for this verse.
मन्त्रा कुमारसन्यस्ता ये चान्ये ऽपि सलौकिका । सिद्ध्यन्ते ऽनेन युक्तास्तु क्षिप्रकर्मप्रसाधिका
mantrā kumārasanyastā ye cānye 'pi salaukikā / siddhyante 'nena yuktāstu kṣiprakarmaprasādhikā
Sanskrit only: no published translation is held for this verse.
अनेन साध्यास्तथा मन्त्रा उत्तमा जिनभाषिता । क्षिप्रं साधयते ह्यर्थां विधिदृष्टेन कर्मणा
anena sādhyāstathā mantrā uttamā jinabhāṣitā / kṣipraṃ sādhayate hyarthāṃ vidhidṛṣṭena karmaṇā
Sanskrit only: no published translation is held for this verse.
तदेव करसंयुक्तौ विन्यस्तं अङ्गुलीचितम् । उभौ तर्जन्य सङ्कोच्य सूच्यादञ्जलिसादृशम्
tadeva karasaṃyuktau vinyastaṃ aṅgulīcitam / ubhau tarjanya saṅkocya sūcyādañjalisādṛśam
Sanskrit only: no published translation is held for this verse.
विन्यस्ताङ्गुष्ठयुगले मध्याङ्गुल्यौ प्रसारितौ । अनामिकां वेष्टयित्वा तु उत्पलेति उदाहृतम्
vinyastāṅguṣṭhayugale madhyāṅgulyau prasāritau / anāmikāṃ veṣṭayitvā tu utpaleti udāhṛtam
Sanskrit only: no published translation is held for this verse.
एषा बोधिसत्त्वस्य मूलमन्त्रेति लक्ष्यते । तदेव सर्वं यत् कर्म निर्दिष्टं पञ्चचीरके
eṣā bodhisattvasya mūlamantreti lakṣyate / tadeva sarvaṃ yat karma nirdiṣṭaṃ pañcacīrake
Sanskrit only: no published translation is held for this verse.
सर्वं तत् कुर्यात् क्षिप्रं उत्पलेन तु साधयेत् । एषा वरदा मुद्रा क्षिप्रभोगप्रसाधका
sarvaṃ tat kuryāt kṣipraṃ utpalena tu sādhayet / eṣā varadā mudrā kṣiprabhogaprasādhakā
Sanskrit only: no published translation is held for this verse.
संयुक्ता मूलमन्त्रेण क्षिप्रमर्थकरो भवेत् । उभौ करौ तथा युक्तौ कुर्यादुत्तानकौ सदा । तदेव सम्पुटं कृत्वादङ्गुलीभिः समन्ततः । विन्यस्तं शोभनाकारं स्वस्तिकाकारसम्भवम्
saṃyuktā mūlamantreṇa kṣipramarthakaro bhavet / ubhau karau tathā yuktau kuryāduttānakau sadā / tadeva sampuṭaṃ kṛtvādaṅgulībhiḥ samantataḥ / vinyastaṃ śobhanākāraṃ svastikākārasambhavam
Sanskrit only: no published translation is held for this verse.
मध्यमाङ्गुलिमध्ये तु कन्यसी तु समा भवेत् । अङ्गुष्ठयुगलविन्यस्तं मुद्रा स्वस्तिकमुच्यते
madhyamāṅgulimadhye tu kanyasī tu samā bhavet / aṅguṣṭhayugalavinyastaṃ mudrā svastikamucyate
Sanskrit only: no published translation is held for this verse.
एषा सर्वार्थकरी मुद्रा शान्तिकर्मे प्रयुज्यते । हृदयैः षडक्षरैर्युक्ता सर्वकर्मां करोति वै
eṣā sarvārthakarī mudrā śāntikarme prayujyate / hṛdayaiḥ ṣaḍakṣarairyuktā sarvakarmāṃ karoti vai
Sanskrit only: no published translation is held for this verse.
तदेव हस्तौ सम्मिश्र अन्योन्याङ्गुलिमिश्रितम् । पूर्णमुद्रेति मित्याहुर्गतिज्ञानविशेषगाः
tadeva hastau sammiśra anyonyāṅgulimiśritam / pūrṇamudreti mityāhurgatijñānaviśeṣagāḥ
Sanskrit only: no published translation is held for this verse.
आकोशादञ्जलिं कृत्वा विरलं च समन्ततः । पूर्णमुद्रेति सम्बुद्धाः कथयामास जापिनाम्
ākośādañjaliṃ kṛtvā viralaṃ ca samantataḥ / pūrṇamudreti sambuddhāḥ kathayāmāsa jāpinām
Sanskrit only: no published translation is held for this verse.
एषा सर्वशमनी दुःखदारिद्रदुःखिताम् । धनाढ्यं कुरुते क्षिप्रं मूलमन्त्रसचोदिता
eṣā sarvaśamanī duḥkhadāridraduḥkhitām / dhanāḍhyaṃ kurute kṣipraṃ mūlamantrasacoditā
Sanskrit only: no published translation is held for this verse.
अपरं मुद्रमित्याहुः लोकज्ञानसुचेष्टिताः । उभौ हस्तौ तथा कृत्वा वामतर्जनिमाश्रितम्
aparaṃ mudramityāhuḥ lokajñānasuceṣṭitāḥ / ubhau hastau tathā kṛtvā vāmatarjanimāśritam
Sanskrit only: no published translation is held for this verse.
दक्षिणं तु करं कृत्वा तस्य मङ्गुलितस्थितम् । तर्जन्या मध्यमा चैव विसृते ध्वजमुच्यते । ध्वजमुद्रा इति ख्याता उच्छ्रिता शक्रधारणी
dakṣiṇaṃ tu karaṃ kṛtvā tasya maṅgulitasthitam / tarjanyā madhyamā caiva visṛte dhvajamucyate / dhvajamudrā iti khyātā ucchritā śakradhāraṇī
Sanskrit only: no published translation is held for this verse.
अनया मुद्रया कुर्याद् बलिहोमादिकं क्रमम् । सर्वकर्मकरा ह्येषा मूलमन्त्रप्रचोदिता
anayā mudrayā kuryād balihomādikaṃ kramam / sarvakarmakarā hyeṣā mūlamantrapracoditā
Sanskrit only: no published translation is held for this verse.
तदेव हस्तौ विन्यस्तौ अङ्गुलीकारसम्पुटौ । सम्पुटा सा भवेन्मुद्रा सर्वविघ्नप्रनाशनी । क्रमेण कुरुते कर्म मन्त्रज्ञानसमोदिता
tadeva hastau vinyastau aṅgulīkārasampuṭau / sampuṭā sā bhavenmudrā sarvavighnapranāśanī / krameṇa kurute karma mantrajñānasamoditā
Sanskrit only: no published translation is held for this verse.
विधिदृष्टेन मन्त्रा वै क्षिप्रमर्थप्रसाधिका । मन्त्रैर्मञ्जुघोषस्य हृदयस्थानसमुद्भवैः
vidhidṛṣṭena mantrā vai kṣipramarthaprasādhikā / mantrairmañjughoṣasya hṛdayasthānasamudbhavaiḥ
Sanskrit only: no published translation is held for this verse.
संयुक्ता कुरुते कर्मां अशेषां लोकचिह्निताम् । तदेव हस्तौ विन्यस्तौ वामहस्तौपरि स्थितम्
saṃyuktā kurute karmāṃ aśeṣāṃ lokacihnitām / tadeva hastau vinyastau vāmahastaupari sthitam
Sanskrit only: no published translation is held for this verse.
दक्षिणं तर्जनीं गृह्य वामं तर्जनिमुच्छ्रिता । एषा यष्टिरिति ख्याता मुद्रा शक्रनिवारणी
dakṣiṇaṃ tarjanīṃ gṛhya vāmaṃ tarjanimucchritā / eṣā yaṣṭiriti khyātā mudrā śakranivāraṇī
Sanskrit only: no published translation is held for this verse.
सर्वां समयते विघ्नां दारुणानतिभैरवाम् । सर्वदुष्टवधार्थाय निर्दिष्टा मन्त्रजापिनाम् । मूलमन्त्रसमोपेता क्षिप्रमर्थकरा भवेत्
sarvāṃ samayate vighnāṃ dāruṇānatibhairavām / sarvaduṣṭavadhārthāya nirdiṣṭā mantrajāpinām / mūlamantrasamopetā kṣipramarthakarā bhavet
Sanskrit only: no published translation is held for this verse.
तदेव हस्तं विन्यस्तं यष्ट्याकारसमुच्छ्रितम् । दक्षिणं तु करं कृत्वा विसृतं छत्रमुच्यते । अनेन मुद्रया कुर्यादात्मरक्षं तु मूर्द्धितः
tadeva hastaṃ vinyastaṃ yaṣṭyākārasamucchritam / dakṣiṇaṃ tu karaṃ kṛtvā visṛtaṃ chatramucyate / anena mudrayā kuryādātmarakṣaṃ tu mūrddhitaḥ
Sanskrit only: no published translation is held for this verse.
सर्वमन्त्रैस्तु कुर्वीत कर्म रक्षाभिधायकम् । शत्रूणां छादयेद् वक्त्रं स्तम्भयेद्वा मनीषितम्
sarvamantraistu kurvīta karma rakṣābhidhāyakam / śatrūṇāṃ chādayed vaktraṃ stambhayedvā manīṣitam
Sanskrit only: no published translation is held for this verse.
यथाभिरुचितां दुष्टां कारयेद्वा समानुषाम् । नश्यन्ते सर्वविघ्ना वै दृष्ट्वा मुद्रां सच्छत्रकाम्
yathābhirucitāṃ duṣṭāṃ kārayedvā samānuṣām / naśyante sarvavighnā vai dṛṣṭvā mudrāṃ sacchatrakām
Sanskrit only: no published translation is held for this verse.
तदेव हस्तौ कुर्वीत विन्यस्ताकारशोभनम् । अङ्गुष्ठाग्रयुक्तं तु मध्यमाङ्गुलिसारितम्
tadeva hastau kurvīta vinyastākāraśobhanam / aṅguṣṭhāgrayuktaṃ tu madhyamāṅgulisāritam
Sanskrit only: no published translation is held for this verse.
अनामिकाकुञ्चिताग्रं तु मध्यपर्वे तु मध्यमम् । तदेव शक्तिनिर्दिष्टा सर्वदुष्टनिवारणी
anāmikākuñcitāgraṃ tu madhyaparve tu madhyamam / tadeva śaktinirdiṣṭā sarvaduṣṭanivāraṇī
Sanskrit only: no published translation is held for this verse.
कथिता लोकनाथैस्तु रक्षा सग्रहनाशनी । विन्यस्ता क्रोधराजेन यमान्तेन तु रोषिणा
kathitā lokanāthaistu rakṣā sagrahanāśanī / vinyastā krodharājena yamāntena tu roṣiṇā
Sanskrit only: no published translation is held for this verse.
कुर्यात् क्षिप्रतरं लोके दारुणं पापमुद्भवम् । प्राणोपरोधिनं कर्म सर्वबुद्धैस्तु वर्जितम्
kuryāt kṣiprataraṃ loke dāruṇaṃ pāpamudbhavam / prāṇoparodhinaṃ karma sarvabuddhaistu varjitam
Sanskrit only: no published translation is held for this verse.
न कुर्यात् कर्ममेवं तु निषिद्धं लोकमुत्तमैः । अतः सर्वगतैर्मन्त्रैः योजयेच्छक्तिमुत्तमम्
na kuryāt karmamevaṃ tu niṣiddhaṃ lokamuttamaiḥ / ataḥ sarvagatairmantraiḥ yojayecchaktimuttamam
Sanskrit only: no published translation is held for this verse.
लौकिका ये च मन्त्रा वै तथैव जिनभाषिता । तां प्रयुञ्जीत मुद्रे ऽस्मिं शक्तिना सुसमाहितः
laukikā ye ca mantrā vai tathaiva jinabhāṣitā / tāṃ prayuñjīta mudre 'smiṃ śaktinā susamāhitaḥ
Sanskrit only: no published translation is held for this verse.
दृष्ट्वा मुद्रवरं घोरं नश्यन्ते सर्वनैरृता । पिशाचास्तारकप्रेता पूतना सह मातरा
dṛṣṭvā mudravaraṃ ghoraṃ naśyante sarvanairṛtā / piśācāstārakapretā pūtanā saha mātarā
Sanskrit only: no published translation is held for this verse.
बालाग्रहविरूपाक्ष बालकानां प्रपीडना । नश्यन्ते सर्वदुष्टा वै ये केचित् क्रूरकर्मिणाः
bālāgrahavirūpākṣa bālakānāṃ prapīḍanā / naśyante sarvaduṣṭā vai ye kecit krūrakarmiṇāḥ
Sanskrit only: no published translation is held for this verse.
तदेव हस्तं विन्यस्तं शक्तिकाकारसम्भवम् । विपरीतसम्पुटाकारं अन्योन्याङ्गुलिमिश्रितम् । तदेव सम्पुटमित्याहुः सम्बुद्धा विगतद्विषः ॥
tadeva hastaṃ vinyastaṃ śaktikākārasambhavam / viparītasampuṭākāraṃ anyonyāṅgulimiśritam / tadeva sampuṭamityāhuḥ sambuddhā vigatadviṣaḥ //
Sanskrit only: no published translation is held for this verse.
अनेन कारयेत् कर्म मन्त्रेणैकाक्षरेण तु । पिथयेत् सर्वविदिशां कृत्स्नां दिशाबन्धं तदुच्यते
anena kārayet karma mantreṇaikākṣareṇa tu / pithayet sarvavidiśāṃ kṛtsnāṃ diśābandhaṃ taducyate
Sanskrit only: no published translation is held for this verse.
एष मुद्रा महारक्षा सम्पुटीकृत्य तिष्ठति । नश्यन्ते सर्वदुष्टा वै ये चान्ये अहितानि वै
eṣa mudrā mahārakṣā sampuṭīkṛtya tiṣṭhati / naśyante sarvaduṣṭā vai ye cānye ahitāni vai
Sanskrit only: no published translation is held for this verse.
देहं रक्षयते सर्वं परिवारं चापि गोचरे । अशेषं रक्षते चक्रं यत्र जापी वसेत् सदा
dehaṃ rakṣayate sarvaṃ parivāraṃ cāpi gocare / aśeṣaṃ rakṣate cakraṃ yatra jāpī vaset sadā
Sanskrit only: no published translation is held for this verse.
न तस्य पातकं किञ्चित् अहितं चापि सम्भवेत् । क्षेमं सुभिक्षमारोग्यं परचक्रभयं कुतः
na tasya pātakaṃ kiñcit ahitaṃ cāpi sambhavet / kṣemaṃ subhikṣamārogyaṃ paracakrabhayaṃ kutaḥ
Sanskrit only: no published translation is held for this verse.
उभौ करौ समाश्लिष्य विपरीतं तु कारयेत् । दक्षिणं तु अधः कृत्वा वाममुत्तानकः सदा । अन्योन्यमिश्रितौ ह्येतौ फरमित्याहुर्जिनोत्तमाः
ubhau karau samāśliṣya viparītaṃ tu kārayet / dakṣiṇaṃ tu adhaḥ kṛtvā vāmamuttānakaḥ sadā / anyonyamiśritau hyetau pharamityāhurjinottamāḥ
Sanskrit only: no published translation is held for this verse.
निवारयति दुष्टानामरीणां पापसम्भवम् । उपहृत्याक्षरैर्युक्ता रिद्धि + + + + + + + +
nivārayati duṣṭānāmarīṇāṃ pāpasambhavam / upahṛtyākṣarairyuktā riddhi + + + + + + + +
Sanskrit only: no published translation is held for this verse.
एकवर्णकैः स मन्त्रैर्युक्तः क्षिप्रमर्त्थकरो ह्ययम् । विचित्रार्त्थां कुरुते कर्मां अरिसम्भवपापकाम्
ekavarṇakaiḥ sa mantrairyuktaḥ kṣipramartthakaro hyayam / vicitrārtthāṃ kurute karmāṃ arisambhavapāpakām
Sanskrit only: no published translation is held for this verse.
भोगिनां विषनाशं च मूलमन्त्रप्रयुक्तिका । अन्यां वा युक्तिकृतां दोषां निर्नाशयति देहिनाम्
bhogināṃ viṣanāśaṃ ca mūlamantraprayuktikā / anyāṃ vā yuktikṛtāṃ doṣāṃ nirnāśayati dehinām
Sanskrit only: no published translation is held for this verse.
एष मुद्रवरः प्रोक्तः सम्बुद्धैर्द्विपदोत्तमैः । तदेव हस्तौ विन्यस्तौ संश्लिष्टावङ्गुलीभि तत्
eṣa mudravaraḥ proktaḥ sambuddhairdvipadottamaiḥ / tadeva hastau vinyastau saṃśliṣṭāvaṅgulībhi tat
Sanskrit only: no published translation is held for this verse.
गदाकारं तदा कुर्यान्मूलेनापि वेष्टितम् । उभयोरङ्गुष्ठयोर्मध्ये कन्यसीभि सुवेष्टितम्
gadākāraṃ tadā kuryānmūlenāpi veṣṭitam / ubhayoraṅguṣṭhayormadhye kanyasībhi suveṣṭitam
Sanskrit only: no published translation is held for this verse.
षड्भिरङ्गुलिभिः कुर्यात् शून्याकारं सुशोभनम् । एतन्मुद्रा गदः प्रोक्ता सर्वदानवनाशनी
ṣaḍbhiraṅgulibhiḥ kuryāt śūnyākāraṃ suśobhanam / etanmudrā gadaḥ proktā sarvadānavanāśanī
Sanskrit only: no published translation is held for this verse.
दैत्या च दुष्टचित्ताश्च सौम्यचित्ता तु दर्शने । नश्यन्ते उद्यते मुद्रे गदे वापि सुपूजिते
daityā ca duṣṭacittāśca saumyacittā tu darśane / naśyante udyate mudre gade vāpi supūjite
Sanskrit only: no published translation is held for this verse.
मूलमन्त्रप्रयुक्तास्तु क्षिप्रमर्त्थकरी शिवा । तथैव खड्गनिर्दिष्टा अनामिकाग्रैः सुकोचितैः
mūlamantraprayuktāstu kṣipramartthakarī śivā / tathaiva khaḍganirdiṣṭā anāmikāgraiḥ sukocitaiḥ
Sanskrit only: no published translation is held for this verse.
तथैव हस्तौ कुर्वीत प्रसारिताग्रं तु कुञ्चितम् । शरावाकारसमौ कृत्वा अङ्गुलीभिः समन्ततः । घण्टां तां विदुर्बुद्धाः प्रकाशयामास देहिनाम्
tathaiva hastau kurvīta prasāritāgraṃ tu kuñcitam / śarāvākārasamau kṛtvā aṅgulībhiḥ samantataḥ / ghaṇṭāṃ tāṃ vidurbuddhāḥ prakāśayāmāsa dehinām
Sanskrit only: no published translation is held for this verse.
तदेव हस्तौ सम्मिश्रा उभौ बध्वा तु सम्पुटम् । अन्योन्यं मिश्रयित्वा वै मध्यमाङ्गुलिभिस्तथा । कुर्यात्तन्मण्डलाकारं पाशाकारं तु त भवेत्
tadeva hastau sammiśrā ubhau badhvā tu sampuṭam / anyonyaṃ miśrayitvā vai madhyamāṅgulibhistathā / kuryāttanmaṇḍalākāraṃ pāśākāraṃ tu ta bhavet
Sanskrit only: no published translation is held for this verse.
तर्जनीति ततो न्यस्तं मध्यपर्वा सुमिश्रितैः । एष पाशमिति ख्यातः मुद्रो ऽयं बुद्धनिर्मितः
tarjanīti tato nyastaṃ madhyaparvā sumiśritaiḥ / eṣa pāśamiti khyātaḥ mudro 'yaṃ buddhanirmitaḥ
Sanskrit only: no published translation is held for this verse.
विनेयार्त्थं तु सत्त्वा बन्धमुक्तो ऽतिदारुणम् । ये च दुष्टा ग्रहाः क्रूरा ये वै सर्वराक्षसाः
vineyārtthaṃ tu sattvā bandhamukto 'tidāruṇam / ye ca duṣṭā grahāḥ krūrā ye vai sarvarākṣasāḥ
Sanskrit only: no published translation is held for this verse.
ईषित् प्रचोदिता ह्येषा बध्नातीह समातराम् । बन्ध बन्धेत्यदा ह्युक्ता बध्नातीह सशक्रताम् । किं पुनर्मानुषे लोके क्रव्यादां पिशिताशिनाम्
īṣit pracoditā hyeṣā badhnātīha samātarām / bandha bandhetyadā hyuktā badhnātīha saśakratām / kiṃ punarmānuṣe loke kravyādāṃ piśitāśinām
Sanskrit only: no published translation is held for this verse.
तदेव हस्तौ विन्यस्तौ उभौ कृत्वा तु तत्समौ । वामपाणोपरि न्यस्तं दक्षिणं तु करं तथा
tadeva hastau vinyastau ubhau kṛtvā tu tatsamau / vāmapāṇopari nyastaṃ dakṣiṇaṃ tu karaṃ tathā
Sanskrit only: no published translation is held for this verse.
तदेव अङ्कुशाकारं मध्यमाङ्गुलितर्जनी । मध्यमं पर्वमाश्लिष्य तर्जनी कारयेदङ्कुशम्
tadeva aṅkuśākāraṃ madhyamāṅgulitarjanī / madhyamaṃ parvamāśliṣya tarjanī kārayedaṅkuśam
Sanskrit only: no published translation is held for this verse.
मूलमन्त्रप्रयुक्तो ऽयमङ्कुशो ऽयं प्रचोदितः । क्षिप्रं कारयते कर्मां जापिभिर्जन्मनीषितम् । आनयेत् क्षिप्र देवेन्द्रां ब्रह्माद्यां सशक्रकाम्
mūlamantraprayukto 'yamaṅkuśo 'yaṃ pracoditaḥ / kṣipraṃ kārayate karmāṃ jāpibhirjanmanīṣitam / ānayet kṣipra devendrāṃ brahmādyāṃ saśakrakām
Sanskrit only: no published translation is held for this verse.
प्रयुक्तो मुद्रवरः श्रेष्ठः अङ्कुशाकर्षणं शुभः । तदेव हस्तौ सम्मिश्रविपरीताकारपिण्डिकम्
prayukto mudravaraḥ śreṣṭhaḥ aṅkuśākarṣaṇaṃ śubhaḥ / tadeva hastau sammiśraviparītākārapiṇḍikam
Sanskrit only: no published translation is held for this verse.
मध्यमानामिकौ नाम्य अङ्गुल्यौ वामकरासृतौ । तर्जनी कन्यसां चापि उभौ तर्जन्यदक्षिणा
madhyamānāmikau nāmya aṅgulyau vāmakarāsṛtau / tarjanī kanyasāṃ cāpi ubhau tarjanyadakṣiṇā
Sanskrit only: no published translation is held for this verse.
दक्षिणा हस्तनिर्दिष्टा मध्यमानामिकनामितौ । विपर्यस्त ततो न्यस्तं श्लिष्टौ अङ्गुष्ठकारितौ
dakṣiṇā hastanirdiṣṭā madhyamānāmikanāmitau / viparyasta tato nyastaṃ śliṣṭau aṅguṣṭhakāritau
Sanskrit only: no published translation is held for this verse.
तद्रेव भद्रपीठं तु कथिता मुद्रवरा शुभा । आसनं सर्वबुद्धानां क्रुद्धशक्रनिवारणम्
tadreva bhadrapīṭhaṃ tu kathitā mudravarā śubhā / āsanaṃ sarvabuddhānāṃ kruddhaśakranivāraṇam
Sanskrit only: no published translation is held for this verse.
योजिता सर्वमन्त्रैस्तु जिनाग्राणां कुलसम्भवैः । स्थापिता सर्वबुद्धानां बोधिसत्त्वां महर्द्धिकाम् । सदेवकं च लोकं वै सर्वा निश्चलकारिका
yojitā sarvamantraistu jināgrāṇāṃ kulasambhavaiḥ / sthāpitā sarvabuddhānāṃ bodhisattvāṃ maharddhikām / sadevakaṃ ca lokaṃ vai sarvā niścalakārikā
Sanskrit only: no published translation is held for this verse.
तदेव भद्रपीठं तु मध्यमाङ्गुलिमाश्रिताम् । उपरिस्थानविन्यस्तौ मध्यानामिति शारितौ । तदेव पीठनिर्दिष्टा मुनिसिंहैर्जितारिभिः
tadeva bhadrapīṭhaṃ tu madhyamāṅgulimāśritām / uparisthānavinyastau madhyānāmiti śāritau / tadeva pīṭhanirdiṣṭā munisiṃhairjitāribhiḥ
Sanskrit only: no published translation is held for this verse.
उभौ हस्तौ तथोन्मिश्र अङ्गुलीभिर्विवेष्टयेत् । ततो वेणिसमाधश्च कन्यसाङ्गुलिसूचिकाम्
ubhau hastau tathonmiśra aṅgulībhirviveṣṭayet / tato veṇisamādhaśca kanyasāṅgulisūcikām
Sanskrit only: no published translation is held for this verse.
सङ्कोच्य मध्यमतः क्षिप्रं पद्मपत्रायतोद्भवाम् । उभयोरङ्गुष्ठयोन्मिश्रः स्थापयेत् स्थितकं सदा
saṅkocya madhyamataḥ kṣipraṃ padmapatrāyatodbhavām / ubhayoraṅguṣṭhayonmiśraḥ sthāpayet sthitakaṃ sadā
Sanskrit only: no published translation is held for this verse.
एतन्मयूरासनं प्रोक्तं सम्बुद्धैर्विगतद्विषैः । एतद् बोधिसत्त्वस्य मञ्जुघोषस्य धीमतः
etanmayūrāsanaṃ proktaṃ sambuddhairvigatadviṣaiḥ / etad bodhisattvasya mañjughoṣasya dhīmataḥ
Sanskrit only: no published translation is held for this verse.
आसनं मुनिवरैर्ह्युक्तो बालक्रीडनकं सदा । महाप्रभावा इयं मुद्रा पुरा ह्युक्ता स्वयम्भुभिः
āsanaṃ munivarairhyukto bālakrīḍanakaṃ sadā / mahāprabhāvā iyaṃ mudrā purā hyuktā svayambhubhiḥ
Sanskrit only: no published translation is held for this verse.
करोति कर्मवैचित्र्यं मञ्जुमन्त्रप्रचोदिता । विनाशयति दुष्टानां क्रव्यादा पिशिताशिना
karoti karmavaicitryaṃ mañjumantrapracoditā / vināśayati duṣṭānāṃ kravyādā piśitāśinā
Sanskrit only: no published translation is held for this verse.
परिपूर्णं तथा विंशन्मुद्राणां तु मतः परम् । कथिता लोकमुख्यैस्तु सम्बुद्धैर्द्विपदोत्तमैः
paripūrṇaṃ tathā viṃśanmudrāṇāṃ tu mataḥ param / kathitā lokamukhyaistu sambuddhairdvipadottamaiḥ
Sanskrit only: no published translation is held for this verse.
अतः परं प्रवक्ष्यामि मुद्राणां विधिसम्भवम् । करैः शुभैस्तथा शुद्धैः निर्मलैर्जलशौचितैः
ataḥ paraṃ pravakṣyāmi mudrāṇāṃ vidhisambhavam / karaiḥ śubhaistathā śuddhaiḥ nirmalairjalaśaucitaiḥ
Sanskrit only: no published translation is held for this verse.
श्वेतचन्दनकर्पूरैः कुङ्कुमैर्जलमिश्रितैः । बहुभिर्गन्धविशेषैस्तु उपस्पृश्यानिलशोषितैः
śvetacandanakarpūraiḥ kuṅkumairjalamiśritaiḥ / bahubhirgandhaviśeṣaistu upaspṛśyānilaśoṣitaiḥ
Sanskrit only: no published translation is held for this verse.
शुचिभिः करैरभ्यङ्गैरङ्कुशैश्चापि अदहुलैः । तदेव मुद्रां बन्धीयाद् बन्द्याद्यां द्विपदोत्तमाम्
śucibhiḥ karairabhyaṅgairaṅkuśaiścāpi adahulaiḥ / tadeva mudrāṃ bandhīyād bandyādyāṃ dvipadottamām
Sanskrit only: no published translation is held for this verse.
शालं सङ्कुसुमं चैव अमिताभं रत्नकेतुनम् । अमितायुर्ज्ञानविनिश्चयेन्द्रं लोकनाथं दिवङ्करम्
śālaṃ saṅkusumaṃ caiva amitābhaṃ ratnaketunam / amitāyurjñānaviniścayendraṃ lokanāthaṃ divaṅkaram
Sanskrit only: no published translation is held for this verse.
क्षेमं लोकनाथं च सुनेत्रं धर्मकेतुनम् । प्रभामालीति विख्यातं ज्येष्ठं श्रेष्ठमितोत्तमम्
kṣemaṃ lokanāthaṃ ca sunetraṃ dharmaketunam / prabhāmālīti vikhyātaṃ jyeṣṭhaṃ śreṣṭhamitottamam
Sanskrit only: no published translation is held for this verse.
एतेषामन्यतरं बुद्धं वन्दित्वा द्विपदोत्तमम् । शुचिर्भूत्वा शुचिस्थाने बन्धेन्मुद्रां जपान्तिके
eteṣāmanyataraṃ buddhaṃ vanditvā dvipadottamam / śucirbhūtvā śucisthāne bandhenmudrāṃ japāntike
Sanskrit only: no published translation is held for this verse.